جد يحط نفسو مكاني ...

**ali ahmed** · 12-03-2013 10:34 PM

السلام عليكم

انا معايا لانسر شارك 2012

حصلت معايا مشكله قبل كدا حادث بسيط حكيت عنو ف موضوع قبل كدا

المهم الراديتير اتخرم

والناس قالولي الحمو
رحت الحمو الراجل قال مش بيتلحم عشان الرادياتير المونيوم والخرم كبير والخبطه اثرت ف الرادياتير

لازم يتغير

وانا كنت عايز اغيرو من الاول بس قلت اجرب اللحام

رحت لتوكيل ميتسوبيشي اللي ف الاسكندريه ف الازاريطه قالي الراديتير الجديد ب 4400

رحت لمحل قطع غيار ميتسوبيشي قالي الرادياتير ب 1200

رحت لمحل تاني اخر الشارع ف صلاح الدين قالي ب 1400

قلت ابص ع المستعمل لقيت واحد مستعمل مفكوك من شارك ب 400 جنيه بس كان شكلو مبهدل

اتصلت بمحل قطع غيار ميتسوبيشي بيوصل قطع الغيار لحد البيت في اي محافظه قالي ب 4000

اتصلت بتوكيل ميتسوبيشي ف القاهره قالي بالميه بالتركيب 4200

حد يحط نفسو مكاني

عايز اركب ردياتير اصلي زي اللي جاي ف العربيه

العربيه لسه مكملتش سنه
حرام اركب فيها حاجه تيواني ولا صيني ولا مستعمل

مش عارف الصنايعيه بيحبو يستغلو الناس كدا ليه .... عشان الواحد عايز يركب حاجه لازم يتبهدل كل دا

والمشكله لحد دلوقتي مركبت الرادياتير ومش عارف اعمل ايه

**walidadel81** · 12-03-2013 11:10 PM

هو مش حضرتك قولت ان العربيه بقالها شهرين والميه مابتنقص وكنا نصحناك بانك تسيبه وقولت انك راح تسيبه ورجعت قولت هتغيره عشان بتحب تكون مطمن وراح تغيره بالتوكيل
واظن ده كلام حضرتك ايه فرق السعر ده بقا عشان سعر الدولار؟؟

بس انا ماشي بالعربيه والتكييف كويس والميه مبتنقصش

بس رحت كشفت ع الرديتر قال فيه خرم عايزلو لحام

رحت التوكيل قال احنا مبنلحمش احنا بنغير الرديتر كلو ب 3500

حد جرب يلحم خرم ف الرديتر قبل كدا ؟

**ali ahmed** · 12-03-2013 11:16 PM

منا كنت سايبها زي ماهيا

فجاه مره وحده رحت مشوار لمطعم وبعد ماخلصت قلت افتح الكبوت ابص بصه

ملقتش ولا نقطه ميه ف العربيه

رحت خطيت ميه مقطره ورحت لبتاع رادياتير قالي مخروم ومش هينفع يتلحم ولازم يتغير

**walidadel81** · 12-03-2013 11:19 PM

ايوه ايه المخروم العلبه التحتنيه ولا السربنتنه
لو العلبته التحتنيه عادي دي تتغير بحدود 150 جنيه وكده الرادتير هيكون زي ماهو الاصلي بتاع العربيه

**ali ahmed** · 13-03-2013 12:17 AM

انا الخبطه حصلت من تحت ف الحته اللي متحدده باللون الاببيض

تنت الشاسيه وقطعت حتت من الشرايح دي من تحت العربيه

الصوره دي مش الرادياتير دي جايبها من النت للتوضيح بس

ايه الحل ف الموضوع دا

**ali ahmed** · 13-03-2013 12:20 AM

ممكن حضرتك توضحلي المشكله دي تعتبر رادياتير ولا سربنتينه

عشان ف التوكيل قالي عايزين نغير الرادياتير والسبرنتينه

والراجل بتاع الرادياتير قالي عايزين نرد الشاسيه ونرد السربنتينه عشان متنيه من الخبطه

**Ahmedhussein007** · 13-03-2013 03:17 AM

اسئل عليه استيراد

**amro0000** · 13-03-2013 04:26 AM

انزل الحرفيين واسئل علي الرداتير استيراد دة الحل معاك بصراحة مشكله رخمة مش عارف اقولك اعمل اية بلزبط بس 4الاف جنية في رداتير مبلغ جامد جامد ويحرق الدم بصراحة

**kokyrawan** · 13-03-2013 01:22 PM

انا كان معاى لانوس قبل كدة و الريتداتير اتخرم و لحمتة و كان زى الفل روح لواحد و اتنين و اتاكد انة مش حينفع يتلحم و ان منفعش دور علية استيراد و على التجربة و بيقبى احسن من الجديد لان و لله الحمد كل البضاعة اللى فى سوق مضروبة و ربنا يوفقك

**ali ahmed** · 13-03-2013 03:08 PM

يعني الاستيراد دا

افضل من الصيني والتيواني وافضل من المستعمل اللي كان راكب ف بلدو

ممكن حد يفهمني يعني ايه استيراد

الموضوع: جد يحط نفسو مكاني ...

LinkBack

أدوات الموضوع

عرض

-

-

-

المواضيع المتشابهه

تختار ايه من دول لو انت مكاني

لو كنت مكاني تختار ايه ؟

أحمد مكي لحق نفسو

لو في مكاني تختار اية؟

لو انت مكاني......؟!

الكلمات الدلالية لهذا الموضوع

المفضلات

المفضلات

ضوابط المشاركة