للمرة العشرين موضوع عمود الإتزان حنعمل فيه أيه

**adel_edrees** · 13-03-2013 07:49 AM

يا جماعة أنا مش عارف أحنا نمنا ليه فى موضوع عمود الإتزان هو بس فى شوية أسئلة كده أقولها :
1 السانديرو الما نيوال فيها عمود الإتزان ؟
2 اللى معاه اللوجان المانيوال حاسس بالفرق العربية بتعوم و ألا لأ؟
3 هل فيه حد ركبه جوه التوكيل ؟
4 هل فيه حد ركبه بره التوكيل ؟
اللى غير الكاوتش لقى أن أداء العربية فى الملفات أختلف بمعنى أخر أن تغيير الكاوتش حيحسن أداء العربية , حيخليها ثابتة ألى حد ما ؟
معلش يا جماعة أرجو من كل ملاك اللوجان الدخول و نتكلم فى الموضوع لأن الموضوع ده عمل أزمة ثقة فى سواقة العربية نفسها العربية تعوم تقول أه يبقى من عمود الإتزان العربية تثبت و تبقى كويسة تقول أه ده الموضوع مش مأثر أوى خلاص مش حأركبه و ماعلش لازم نقفل الموضوع ده تماما من حيث راى الناس الخبراء اللى عندنا فى المنتدى أذا كان الأستاذ جبريل أو أى حد من السادة الأفاضل سواء داخل المتدى أو خارج المنتدى و يفيدنا برأى نهائى نتفق كلنا عليه و شكرا و أسف للإطالة اللى حيجاوب على الأسئلة اللى فوق يرد بالتفصيل و بلاش و النبى أجابات من نوع متابع و شكرا للجميع

**Land_Cruiser** · 13-03-2013 10:31 AM

ملحوظه صغيره عن عمود الاتزان لازم يبقى ليه مكان و معمول حسابه فى تصميم العربيه يا فندم علشان يؤدى وظيفته مضبوط يعنى احنا كان عندنا فى الصنى الشكل القديم بيتركب فى السوبر صالون فقط و نظرا لان الex و السوبر صالون هما نفس الشاسيه و البودى مع اختلاف االكماليات فكان بيركب عليها عادى جدا و زود اتزان العربيه بشكل ملحوظ و سهل كمان عمليه التحكم فى الدركسيون و دقه التوجيه. لو الموضوع فى اللوجان نفس الطريقه يبقى ينفع يتركب أما لو مختلف يبقى حضرتك هتبقى محتاج تدور على حلول تانيه زى مراجعه حاله الكاوتش و التأكد ان النقشه مش ممسوحه و ممكن برضه تعرّض الكاوتش شويه حسب المقاسات المسموح بيها و تعمل ضبط زوايا و اتزان

**the lawyer** · 13-03-2013 12:45 PM

استاذ / عادل - العربية ثابتة معايا لحد 170 اعتقد مش مطلوب منها اكتر من كدا

**amrelzawawy** · 13-03-2013 01:22 PM

وانا فى الملفات مرضيه جدا وبدون استبليزر

**hassaan** · 13-03-2013 01:58 PM

الغريبة كنت لسة الاسبوع اللي فات في توكيل العبور والمهندس بسالو عن عمود الاتزان قالي لا مش موجود في اللوجان عمود اتزان خالص في اي موديل وعمود الاتزان دة في العربيات ال performance بتاعها عالي واكدلي ان مفيش حاجة اسمها عمود اتزان في المانيوال او الاوتوماتيك ؟؟؟؟؟؟

**محمد جلال** · 13-03-2013 04:11 PM

المشاركة الأصلية كتبت بواسطة hassaan

الغريبة كنت لسة الاسبوع اللي فات في توكيل العبور والمهندس بسالو عن عمود الاتزان قالي لا مش موجود في اللوجان عمود اتزان خالص في اي موديل وعمود الاتزان دة في العربيات ال performance بتاعها عالي واكدلي ان مفيش حاجة اسمها عمود اتزان في المانيوال او الاوتوماتيك ؟؟؟؟؟؟

كلام غير صحيح بالمرة موجودة عندى فى اللوجان الاتوماتيك وهصورهالك

**Land_Cruiser** · 13-03-2013 05:44 PM

المشاركة الأصلية كتبت بواسطة محمد جلال

كلام غير صحيح بالمرة موجودة عندى فى اللوجان الاتوماتيك وهصورهالك

لو موجود فعلا في الاتوماتيك يبقي له مكان يتركب في المانيوال.

**adel_edrees** · 13-03-2013 07:18 PM

ماعلش هوه فيه سؤال حيجننى هوه الفرق بين المانيوال و الأوتوماتيك كان فى حدود ثمانية ألاف جنيه و بص شوف الفرق فى الكماليات موتور أعلى 16 صباب فتيس أوتوماتيك ستيب ترونيك عمود اتزان !!!!!!!!!!!!!!!!!!!!!!!!!!!!!!!!!!! طيب الفرق بين المايوال الهاف و الكاملة 3,500 جنيه بس شوف الفرق فى الكماليات أكتر من كده بكتير اللى أنا عايو أقوله ان العربية دى فى حاجة غلط فى تسعيرها من قبل الوكيل دى أول حاجة الحاجة التانية أن فيه واحد زميلنا سأل عن عمود الأتزان ده لأقاه حيتكلف فى حدود الفان جنيه و التوكيل كل ما تكلمه عن موضوع عمود الأتزان يطنشوا يكدبوا لكن ما حدش عايز يركبه و لا يقرب من الموضوع ده الحاجة اللى أنا متاكد منها بنسبة كبيرة جدا أنك لو روحت قو لتلهم أنى عاوز أركبه حيتلككوا بأى حاجة و مش حيركبوه برضه الدليل على كده انا روخت لهم قبل كده مرة علشان اركبه قاللى أن العربية مش محتاجة أنه يركب فيها و أنهم ظبطوا الزوايا و أن كل شئ تمام من غير عمود الأتزان أنا بس كنت عايز أكبر قدر من الناس تخش و تقول رأيها و نخلص من الموضوع ده و نقفله بالضبة والمفتاح يعنى فيه ناس مشكورة قالت أن تغيير الكاوتش فرق جدا أهو ده مثلا أدانا حل أحنا عايزين الناس اللى معاها العربيتين يخشوا و يقولوا رأيهم و الفرق فى الثبات عامل أيه و بعدين هوه تمنه ألفين جنيه هل يستاهل مع ملاحظة أن تغيير الكاوتش برضه فى نفس الثمن تقريبا