الموضوع: ايه رأيكو لو ابيع الاوبترا واجيب اسبيرانزا تيجو 1600

مش هقولك ابعد عن الصيني لكن ابعد عن ابو الفتوح والتقفيل المصري
بلاستيك لعب اطفال - كل شوية تلاقي ازاز كهربا بيعلق -سنتر يعلق -خد من ده كتير وارجع اقول العيب في ابو الفتوح مش في انها صيني - قطع غيار مش متوفرة في التوكيل خصوصا لو هتغير حاجة علي الضمان هيرميك بال 3 و 4 شهور وتوكيل سئ لاقصي درجة بتدخل بالعيب تطلع بيه زي ماهو وكلامي مش عن تجربة لكن قعدت فترة طويلة في قسم الاسبيرانزا لاني كنت هجيب m12
وحاجة تانيه لو هتجيبها 1600 اكيد هتحس بفرق سحب كبير لان وزنها تقيل
شوف حد معاه العربية واركبها لف بيها شوية وشوف مرتاح ليها ولا لا

لا اوبترا احسن طبعا

حتندم لو فكرت هي الاوبترا بتعتك موديل كام وايه الي مش عاجبك فيها

خليك فى الابترا افضل :)
ده الى معاه صينى عايز يجيب كورى !!
تحياتى ...

شكرا ليكو ياجماعه وجزاكم الله كل خير انا معايا اوبترا 2011 عامله حوالي 4500 كيلو اشتريتها من البلال موتورز بالداون تاون في الاسكندريه وضحك عليا زي ما انا كاتب في الموضوع بتاعي ( البلال موتورز باع لي عربيه زيرو رشه ) ومن ساعتها وانا بصراحة متعقد من العربيه ومن نفسي اوي وحاسس اني اضحك عليا وكل اما اشوف العربيه افتكر اللي حصل فيا انا مبقولش كده عشان افتري مني لا الحمد والشكر لله رب العلمين وعارف ان في ناس ياما هتقولي ده في فلان حصل معاه كذا وفلان تاني حصل معاه كذا واحمد ربنا علي كده انا حمدت ربنا علي كده ورضيت بنصيبي وعارف ان ربنا هيجبلي حقي منه تالت ومتلت في الدنيا وفي الاخره وعشان كده انا مجريتش ورا حقي في الدنيا عن طريق حمايه المستهلك العاجزه ولا الحكومه التعبانه ربنا عدل وقوي وهيوصلي حقي تالت ومتلت ان شاء الله دي دعوة المظلوم مستجابه ان شاء الله دي حاجه تاني حاجه انا حاسس ان العربيه دي صاجها ضعيف اوي وبتتبهدل بسرعه وكل اما اروح مشوار ليا خبطه شكل الحمد لله و 90% من الخبطات والحكات وهيا مركونه في مكان كويس ومتحضنه او حتي في الجراج وبعدين عفشة التيجو هتبقي افضل وهتحط ديفندر وتعيش مع البلاوي ورمي البلا اللي في بلدنا الجميله مصر وعلي فكره الايام دي بذات اللي معاه عربيه نضيفه معاه (جره) اما سرقه او واحد حاقد يدخل فيك بتوكتوك او ميكروباص او او او والحمد لله علي كل شئ

المشاركة الأصلية كتبت بواسطة hugan

انا بس ليا سؤال رفيع
جبت الكلام ده منين

يااستاذ هوجان انا قولت ان كلامي مش عن تجربة واني كنت متابع بشكل يومي كل المواضيع في قسم الاسبيرانزا لاني كنت ناوي اجيب m12 قبل الاسعار ماتغلي واشتري مستعمل