حد يجاوبني بقي يا جدعان

**Ahmed salamaa** · 14-03-2013 02:03 AM

لو سمحتم انا ناوي بامر الله اني اجيب لانشيا ديدرا و عايز راي الناس فيها من ناحية الثبات و الجري و التكييف و الراحة و الاستحمال و مش هيفرق معايا ان قطع الغيار مش متوفرة اوي و عايز اعرف الفرق ما بين المواتير ال 1600 و ال1800 و انهي افضل و بالنسبة لل1600 اخباره اية في الجري و السحب و شكرا مقدما و لو في اي خيارات تانية يايريت تفيدوني

**svneleven** · 14-03-2013 08:09 AM

طالما سعر اعادة البيع و سعر قطع الغيار مش مشكلة يبقي سيادتك هتجيب عربية سباقات. أتوكل علي الله لو حالتها نضيفة.

**Ahmed salamaa** · 14-03-2013 06:11 PM

ماهو انا اسمع اتها جراية بس محتار بين ال1600 و ال1800 وبصراحة خايف اجيب ال1600 الاقيه موفرة بنزين بس مبتجريش معايا و خنقاني و خايف من 1800 لا تاكل بنزين و اهم حاجة تكيفها جامد ولا في العادي

**svneleven** · 15-03-2013 06:00 AM

حضرتك لا ديه هتاكل بنزين و لا ديه لكن ال 1800 ما فيش دعم بنزين و مؤكد سعر الشرا و طبعا اعادة البيع هيكون أقل من ال 1600. و بما أن الأداء أهم حاجة عند حضرتك يبقي ال 1800 طبعا و يا ريت تسأل علي قطع الغيار موجودة و الا لأ و فيه واحد اسمه محمد يوسف تقريبا في فيصل و الدقي و التوفيقية شغال كل الايطالي الفيات جديد و قديم و لانسيا كمان.

**Ahmed salamaa** · 15-03-2013 07:19 PM

شكرا لردك حضرتك انا علرفت انها نفس قطع غيار التمبرا و سئلت قالو موجودة بس الكسسوار الخارجي هو اللي متعب شوية و ربنا يساهل اخلص من عربيتي الاول و ادور علي حاجة نضيفة كدة و ربنا يسترها انشاء الله