الموضوع: !.-حــــــــــــــــوادث.-!

السلام عليكم ورحمة الله وبركاتو

اهلا بكل رجالة نايل والبايكرز اللى معانا انا عارف انى اسم الموضع صعب شوية بس بصراحة
انا عملتو عشان الحوادث كترت اوى الفترة دى وبقينا نمشى ونجرى بلا وعى وبدون سفتى وبسرعات عالية ممكن تودى لوقوع كوراث وموت كمان ربنا يحفظنا ويكفينا شر الطريق جميعا نخش فى الموضوع علطول الموضوع دا عشان كل اللى بيركب بايك يقرا حوادث اللى حصلت لينا ويتعلم منها وميحاولش انو يعملها وطبعا حتى القلم بيغلط وكلنا وقعنا مفيش حد خالى من الاخطاء وياريت اللى بيركب بايك يا جماعة يقرا كويس حوادث الغير ويتعلم منها ويحافظ على نفسو على قد ما يقدر يا ريت كل واحد يشارك معانا عشان اللى موقعش يتعلم من اللى وقع وكل واحد يقولنا

1_نوع البايك اللى كان راكبو لحظت الحادث؟
2_الطريق اللى كان ماشى علية ؟
3_السرعة اللى كان جايبها ؟
4_اى سبب الوقوع او سبب الحادث ؟
5_حصلو اى بعد الحادث ؟
6_تنصح اى حد بيركب بايك بى اية ؟

وانا هبدا بنفسى ..
1_نوع البايك ؟ كان cbr 400 rr
2_الطريق اللى كنت علية؟ طريق العجمى اسكندرية
3_السرعة اللى كنت جايبها ؟120
4_سبب الحادث ؟ كان حوالى الساعة 3 بليل كان سوق تاكس ماشى جمبى ومعرفش شارب دا ولة اى نظامو زنق عليا جامد مسكت فرامل قدام وورا عشان البايك يبقة متزن ميلفش واحاول اخفف السرعة على قد مقدر بس طبعا الرصيف كان جمبى مجرد ما كاوتش لمس الرصيف مكنة اتزحلقت ووقعت والحمد الله على كل شى
5_اللى حصلى بعد الحادث ؟دراعى اتكسر فيها ورجلى وظهرى ودراعى اتجلتو من الاسفلت والرصيف واللى نفعنى خوزة طبعا وجاونتى
6_انصح اى حد بيركب بايك بى اية ؟ انصحو طبعا انو يلبس سفتى كامل ويحاول على قد ميقدر ميجريش بسرعات عالية ويعرف دايما انو ممكن يبقة ماشى صح بس غيرو ماشى غلط وطبعا انت اللى هتتبهدل مش هوا وبلاش يعاند مع حد على الطريق ويجرى معاة وربنا يحفظنا جميعا من شر الطريق تحياتى للجميع اخوكم ....مصطفى

المشاركة الأصلية كتبت بواسطة shaawa_dj

موضوع جامد ومفيد

1_نوع البايك ؟ مكنة صينى
2_الطريق ؟ طريق سريع رايح جاى
3_السرعة ؟ 120 كم/س
4_اى سبب الوقوع او سبب الحادث ؟ كنت بجرى وادامى اتوبيس كبير وكان ماشى بطئ وجيت اطلع من ع الشمال لاقيت فى عربية جايه ف المقابل يعنى لو كملت هلبس قولت اطلع من على يمين الاتوبيس عشان طبعا انا جاى كابس ومهما ادوس فرامل هلبس ف الاتوبيس المهم قولت اطلع من على يمين الاتوبيس .. المفاجاة ان كان فى عربية راكنة وعطلانة وطبعا مكنتش شايفها من بعيد علشان انا كنت ماشى ورا الاتوبي روحت لبست ف العربية بسرعة 120
5_حصلى اى بعد الحادث ؟ انا والمكنة لبسنه ف العربية كانت ميكروباص دماغى اتفتحت وكان فى جلطات كتير ف جسمى وقعدت حوالى شهر ف البيت
6_تنصح اى حد بيركب بايك بى اية ؟ السيفتى طبعا والخوذة اولا .. وثانيا ميطلعش من يمين اى عربية الا اذا كان واثق مفيش حاجة ع اليمين
وفى نقطة برضة عاوز اوضحها .. محدش يمشى ورا اى عربية او اتوبيس او او او ويمشى ورا نص العربية خليك ورا اى عجلة اليمين او الشمال علشان لو مشيت ف النص ممكن العربية تفادة حفرة ف نصها وتلبي قيها

منور يا حبى وربنا يكفيك شر الطريق ويحفظنا جميعا وشرفنى مرورك وانت قولت حاجة مهمة اوى محدش يمشى ورا اى عربية او اتوبيس او او او ويمشى ورا نص العربية خليك ورا اى عجلة اليمين او الشمال علشان لو مشيت ف النص ممكن العربية تفادة حفرة ف نصها وتلبيس فيها فعلا النقطة دى مهما جدا يا جماعة ولازم يبقة فى مسافة كافية بينك وبين اللى قدامك تحياتى للجميع ...