هل ممكن عمل اوض السطح ( شقة) وهل ممنوع !! ( ٦ اكتوبر)

**Y a r i s** · 16-03-2013 01:57 PM

سؤال للمهندسين والملاك سواء في الرحاب او اكتوبر او التجمع
دلوقتي لو عندك اوضتين فوق السطح وواصلهم كهربا هل ممكن تقفل السطح كلوا شقه

@@@@@@@@@@@@@@
@@@@@@@@@

وفي حالة انك خالفت وعملت كده هل هيجيلك امر ايزالة او يجي الجهاز زي مكان بيحصل في الحرفين يقوم ضاربلك الواجهة بتاعت البيت ومسكرهالك لغايت ما تعمل ازالة للمخالفات. ولا بيدفعك غرامة سعر المتر مضاعف يخليك تندم انك بنيت. ويبيعك الي وراك والي قدامك ولا بيجي يسحب من عندك عداد الكهربا لانك خالفت الاشتراطات التعاقد !

@@@@@@@@@@@@@@

السؤال الي بعد كده غرف السطح مبنيه كمر مش فلات طيب لو حبيت ارمي سقف واطلع قشاير هل لازم اطلع العمدان المدفونة. ولا ابني بلدي وخلاص طوب احمر. وارمي عليه سقف وكان الله سميعاً عليماااا ؟؟

ولا علشان ابعد عن المخالفات. اركب شاسيه حديد وارمي المظلة بتاعت الجوامع دي ومن تحتها لوحين ابلكاش وتبقى تمام التمام. ... وياريت ياشباب لو حد يعرف التكلفة. ومين اوفر واحسن
فافيدونا افادكم الله
@@@@@@@@@@@@@@

وشكراً وتحياتي

**AlGazar2** · 17-03-2013 02:35 AM

ما تقفلهاش من اولها
سيب 2 متر و قفل و ما تقفلش مبانى
ممكنت تعملها نظام خشب او الواح جبسية عشان تبقى خفيفه و مش لازم تطلع من الاعمده لان انت مش هاتصب سقف خرسانه - عمود خشب مثلا و تعمل فوقه سقف جبسوم بورد و تعمله عزل مياه و حراره و خلاص عشان التكلفه متبقاش كبيره

لو اتقفشت انا مليش دعوه بالموضوع

**wawamoha** · 17-03-2013 02:42 AM

انا اسف لو ها اغلس ..بس ليه عاوز تخالف ؟؟ اذا تعاقدت عل حاجه ليه عاوز تخالفها ؟
كل واحد بيقول مش مشكله انا بس تخيل لو كله خالف ؟ و بعدين ممكن تلاقي يججي واحد يخالف مش يزود دور يزود 30 دور ؟؟ يبقى ايه الحل
لا يصح الا الصحيح
ربنا يوفقك للاصلح و ماتزعلش للمره التانيه

**Ahmed_Adham** · 17-03-2013 03:42 AM

العماره اللي انا فيها والعماره اللي فيها شقه أبويا وكذا عماره عندي في الشارع كلهم مقفلين السطح شقه كامله زيها زي اللي تحتها بالظبط ومفيش أي مشاكل وعلى فكره بتتباع كمان وسعرها يبيبقى أقل من اللي تحتها بييجي 100 ألف ولما رحت أسأل في الجهاز قالولي قدم شكوى وبعدين سألت مهندس تفتكر امتى ممكن يبقى فيه موقف بعد ما أعمل الشكوى قالي مش قبل سنه من تاريخ الشكوى على ما تاخد دورها في الفحص والمعاينه عشان المخالفات كتير جدا جدا وأول خطوه ساعتها بتكون مخاطبه الكهرباء لقطع التيار وطبعا مش اول ما يبعتو للكهربا هينفذو لأن الكهربا كمان هتحط الشكوى في طابور الشكاوى عشان تعمل معاينه هيه كمان وطبعا بالفلوس تقدر تأجل اتخاذ أي اجراءات في الموضوع ده للأبد وممكن على ما الموضوع يتحول لقضيه يكون أحفادك هما اللي مالكين الشقه وعلى ما القضيه تاخد حكم تكون العماره وقعت.

**Y a r i s** · 30-03-2013 06:03 PM

يااااه تصدقوا. مخدتش بالي من الموضوع.
انا افتكرت محدش رد عليه خلاص وفجئة لقيتوا اختفى. تسلمولي يا شباب على ردودكم الجميلة ومشاركتكم ربنا ما يحرمني منكم. :)

المشاركة الأصلية كتبت بواسطة 3mr farrag

بص ياباشا
من واقع خبرتي في اكتوبر انها غير تحت في المناطق العمرانه
تحت شغل كل سبهلله للصبح و مباني معظمها من غير تراخيص و تظبيط فلوس من جوه و الكلام ده
اكتوبر صعب جداااااا لأنك اصلا هتبقي مكشوف في الحوار و كل منطقه ليها ادوار معينه

لو عايز حل عملي من الاخر و مافيش حد هيقولك حاجه ولا ياخد باله اوي
قفل جزء من السطح مع الاوضتين بس سيب جزء يبان انها مش دور

وخلي العداد مش في الشقه علشان ماحدش يطلع و يوجعلك دماغك

وفكره انك تطلع من العمود ده اللي اعرفه انه الصح...انا مش مهندس
ازاي اصلا هتعمل سقف من غير ما يشيله عمود من اساسه

ده اكتوبر يا عمر باشا ؤوووس الفساااااااد
انا قعدت الرخص بتاعت البنى متعطلة لغايت مقبضت المهندس من غير ذكر احياء ... ولمن خد الرشوة ابن التييت معجبتهوش وطلب زيادة. قلتلوا وحيات امك ماهديك وهشتكيك طلعت على رئيس الجهاز اياميها .... قلتلوا المهندس فلان فلان طلب رشوة. اديتو ومش عاجبوا الافندي عاوز. يمسك المقاولة في الباطن. قام رئيس الجهاز استدعاه وقالوا مزبوط الكلام ده قالوا لا محصلش قالوا طب انتا معطلوا الرخصة بتاعتوا ليه قال لا ابداً مفيش البوكس بتاع القطعه بتاعتو ضااااع هههههههههههههه.

والي ميعرفش يعني ايه البوكس. ( هو الملف. الي فيه كل اوراق وسومات وتراخيص وتصاريح وشهادة الاستشاري وشقى عمري كلو الي عند الدولة ) ومطلعش البوكس غير لمن الافندي هو الي. مسك المقاولة في الباطن. باغلى الاسعار .

ا@@@@@@@@@@

اما عن الموضوع البنى بالطريقة البلدي دي طرق متبعه من زمان لو تفتكر البيوت الي مبنيه بالطوب الاحمر مش كلها اعمدة وخرسنات .... وتحياتي يا عمر باشا

.

**Y a r i s** · 30-03-2013 06:06 PM

المشاركة الأصلية كتبت بواسطة algazar2

ما تقفلهاش من اولها
سيب 2 متر و قفل و ما تقفلش مبانى
ممكنت تعملها نظام خشب او الواح جبسية عشان تبقى خفيفه و مش لازم تطلع من الاعمده لان انت مش هاتصب سقف خرسانه - عمود خشب مثلا و تعمل فوقه سقف جبسوم بورد و تعمله عزل مياه و حراره و خلاص عشان التكلفه متبقاش كبيره

لو اتقفشت انا مليش دعوه بالموضوع

ماهو انا بخاف من حتت الخشب دي لا يكون الشغل طالع مفتح ومنور وتخش المطرة والغبرة والترابة من كل حته ، بس ايه المقصود بالسقف الجبسوم. وبيبقى شكلو ازاي ده ياباشا :) وتحياتي

**Y a r i s** · 30-03-2013 06:15 PM

المشاركة الأصلية كتبت بواسطة wawamoha

انا اسف لو ها اغلس ..بس ليه عاوز تخالف ؟؟ اذا تعاقدت عل حاجه ليه عاوز تخالفها ؟
كل واحد بيقول مش مشكله انا بس تخيل لو كله خالف ؟ و بعدين ممكن تلاقي يججي واحد يخالف مش يزود دور يزود 30 دور ؟؟ يبقى ايه الحل
لا يصح الا الصحيح
ربنا يوفقك للاصلح و ماتزعلش للمره التانيه

لا ابداً بالعكس جزاك الله خير يا فندم
بس الوضع في اكتوبر يختلف هو المفروض قانوناً ارتفاع العمارة بيكون. بعرض الشارع الي قدامها. مثلاً في اسكندرية شوارعها صغيرة متستحملش الابراج دي كلها. ومع ذالك تالت تربع الاسكندرية ابراج وناطحات سحاب والبرج جمب البرج في حين. ان الهوى المالح والرطوبة. مبيخليش الاثاثات تعمر اكتر من خمسين سنة. وتبص تلاقي البيت خلاص كده شكراً جاب جاز وبالذات الابراج الي في وش البحر او ترى البحر :)

لكن في اكتوبر. مفيش سبب مقنع لمنع الارتفاعات غير بحجة عبيطة ان في مطار في اكتوبر محدش يعرف اراضيه :)
وبيقولوا انهم بيشجعو. انهم يمدوا او التوسع العمراني الي بالعرض مش بالطول يعني عاوزين يفرشو الصحرا مباني. طبعاً اكتوبر كمدينة او الشيخ زايد خلاص كده فرشت بما فيه الكفاية

ومع ارتفاع الاسعار اليومين دول. فاي خورم ابرة اهو الواحد يقفلوا ويستفيد منوا. فاهمني ... انتا عندك حتى الناس الي ساكنه في الدور الارضي بيقوموا هادين البلكونة ووخدين معاها الاوضة بالمنور وفاتحينها محل ههههههه
ودي يفترض بيوت جهاز حكومية. كانت بتتباع بالقرعة زمان على ١٠٠٠ جنية .... ومكنش حد بيرضى يسكن في الارضي ا علشان المجاري والفران لمن بتطفح بتغرق الشقة الي في الدور الارضي النهردة بقت الناس تشتري الارضي مخصوص علشان. يعملوها بيرت بلس. شقة. ومحل ولو طال يعمل اوضة النوم سايبر مش هيقصر هههههه وتحياتي :)

**Y a r i s** · 30-03-2013 06:27 PM

المشاركة الأصلية كتبت بواسطة ahmed_adham

العماره اللي انا فيها والعماره اللي فيها شقه أبويا وكذا عماره عندي في الشارع كلهم مقفلين السطح شقه كامله زيها زي اللي تحتها بالظبط ومفيش أي مشاكل وعلى فكره بتتباع كمان وسعرها يبيبقى أقل من اللي تحتها بييجي 100 ألف ولما رحت أسأل في الجهاز قالولي قدم شكوى وبعدين سألت مهندس تفتكر امتى ممكن يبقى فيه موقف بعد ما أعمل الشكوى قالي مش قبل سنه من تاريخ الشكوى على ما تاخد دورها في الفحص والمعاينه عشان المخالفات كتير جدا جدا وأول خطوه ساعتها بتكون مخاطبه الكهرباء لقطع التيار وطبعا مش اول ما يبعتو للكهربا هينفذو لأن الكهربا كمان هتحط الشكوى في طابور الشكاوى عشان تعمل معاينه هيه كمان وطبعا بالفلوس تقدر تأجل اتخاذ أي اجراءات في الموضوع ده للأبد وممكن على ما الموضوع يتحول لقضيه يكون أحفادك هما اللي مالكين الشقه وعلى ما القضيه تاخد حكم تكون العماره وقعت.

تمام يا احمد باشا
انا فعلاً محصل الكهربا اخر مره ااكد كلامك. وقالي حليني بقه. عقبال ما يجي الدور عليك في تنفيذ المخالفات ... وقالوا ان شركة الكهربا. ذات نفسها بتسحب العداد بتاع السطح باعتبارك انك خالفت التعاقد
قلتلوا ازاي يعني قالي مكتوب في الوصل.بتاع الكهربا عشة فوق السطح او استراحة. يعني اوضتين وخلاص انتا لو عملتها شقة تبقى خالفت التعاقد ومن حق الشركة انها تسحب عداد الكهربا بدون اي انذار

بس المشكلة انا خايف لا الريس مرسي يقدر يشد حيلوا في الايام الي جيه ويعمل اصلاح على حظي انا وساعتها . والموظفين يجلهم همة ونشاط ... عارف لو ضامن ان البلد هتفضل مخروبة كده على طول كنا. طلعنا عشر تدوار فوق السطح كمان ههههه. اقسم بالله. لمن بطلع فوق السطح وابص كده بشوف خزان المية بتاع اكتوبر من بعيد وجمب منوا على طول عماير طولها وارتفعها اعلى من خزان الميه. العمومي بتاع الدولة هههههه