أيهما افضل نوبيرا 2 ام أكسيل 97 ؟

**waelegeg** · 18-03-2013 01:39 AM

وهل النوبيرا جيدة في السفر بإستمرار وقطع المشاوير الطويلة.وايه افضل عربية كورية من حيث دورة التبريد.يعني مابتسخنش؟وتستحمل السفر لمسافات طويلة ؟ وشكرا

**waelegeg** · 18-03-2013 03:36 AM

حد يعبرني يا شباب ويفهمني.اخوكم في زنقة

**mxz911** · 18-03-2013 05:49 AM

بص يا باشا انا داخل بس عشان اقولك انى مندهش بس من انك تقارن نوبيرا 2 ب هيونداى اكسيل 97 !

ف ياريت تكون فهمت أصدى من غير ما أشرح !

**apoadel_vip** · 18-03-2013 05:52 AM

المشاركة الأصلية كتبت بواسطة mxz911

بص يا باشا انا داخل بس عشان اقولك انى مندهش بس من انك تقارن نوبيرا 2 ب هيونداى اكسيل 97 !

ف ياريت تكون فهمت أصدى من غير ما أشرح !

وانا كمان والله اندهشت

**svneleven** · 18-03-2013 07:28 AM

يا جماعة يمكن الراجل ما لوش خبرة ايه المشكلة. المهم يا باشا طبعا الحالة هي الأساس لكن لو الاتنين حالة كويسة يبقي ال اكسيل طبعا. هههه بضحك معاك. ال نوبيرا طبعا 1 أو 2. عربية حمالة أسية واسعة و قطع الغيار عند البقال. المانيوال حكاية لكن الأوتوماتيك تقيلة حبتين في مشيها. أهم حاجة الصيانة و الاهتمام.

**waelegeg** · 18-03-2013 01:18 PM

شكرا يا رجالة.وفوق كل ذي علم عليم.

**waelegeg** · 18-03-2013 04:16 PM

طب ممكن حد يشرح الفروق بين السيارتين من حيث الثبات وسعة الموتور واستهلاك الوقود وقطع الغيار ونعومة الموتور. لأن الأكسيل ليها عشاق كتير جدا وفي منهم شايفينها اكثر من ممتازة.

**fares_311** · 18-03-2013 05:11 PM

النوبيرا احسن في كل حاجه طبعا

**p r i n c e** · 18-03-2013 06:36 PM

طبعا مفيش وجه مقارنة بين العربيتين
بس يمكن حضرتك قصدك على نوبيرا 1 عشان سعرها قريب من الإكسيل بس بردو أعلى منها ب 5 آلاف على الأقل
يا ريت حضرتك تقول عاوز حاجة ف حدود مبلغ كام عشان نقدر نقولك الخيارات المتاحة قدامك
و نصيحة بما إنك جديد ف موضوع العربيات متشتريش لوحدك و متتسرعش عشان متتدبسش ف عربية تطلع عينك
على الأقل يكون معاك حد من اصحابك او قرايبك بيفهم كويس

**mxz911** · 20-03-2013 01:39 AM

بص انا هجيبلك من الاخر الاخر الاخر يعنى .

النوبيرا أحسن فى كل حاجه ( قوه وأداء وعزم الموتور 106 حصان ما شاء الله . وسع الصالون الداخلى . وسع الشنطه . ثبات العربيه . الباور ستيرنج بتاعها Full power . التكيف . ده غير ان كل النوبيرا بتبقى فول اوبشن اللى هيه الازاز فيه وحده رفع مثلا بيتقفل لوحده اما تقفل العربيه . انذار سرقه . سنترلوك فى المفتاح الاصلى بتاعها )
معادا استهلاك البنزين . فالاكسيل أحسن وممكن كمان تحطلها بنزين 80 !