اريد استشارتكم ضروري

**mostafa_mahmod** · 19-03-2013 02:22 AM

السلام عليكم اعضاء نايل موتورز الكرام
انا انشاء الله ناوي اشتري سيارة في حدود 10 الاف بحد اقصى بس تقدر تسافر عشان عملي ومتعلنيش في المشي وتكون قطع غيارها على اد الايد فانا محتار بين فيات 127 فيورا -128 - 125 - 124 - لادا 1200 فياريت اعرف تنصحوني بايه خصوصا اني مندوب مبيعات وبسافر من الاسكندرية الى محافظات الدلتا و القاهرة

**mostafa_mahmod** · 19-03-2013 02:53 AM

ياشباب محدش رد عليا

**S O P H O S** · 19-03-2013 02:58 AM

لو تعرف تجيب 127 نظيفة وحالة ماتور كويس يبقي خير
بس تزود الفين كمان والاهم تختار حالة ماتور كويسة
مجرد رأي ..

**ابو لؤى** · 19-03-2013 03:48 PM

هات فيورا او هوندا سيفيك موديل قديم هتلاقيها ارخص من كده بس اهم حاجه الحاله مجرد رأى

**mohamed_mesho3** · 19-03-2013 04:57 PM

يا باشا هتكره نفسك مع القديم و هتصرف عليه قد تمنه مرتين ,, و لكن فى حالة اصرارك يبقى توكل على الله فى عربية فيورا و يكون موتورها و دواخلها سليمة و هتزود بتاع الفين جنيه كمان

**mostafa_mahmod** · 19-03-2013 09:32 PM

شكرا ياجماعة على الردود
بس الفيورا تقدر تسافر من اسكندرية الى القاهرة مثلا

**aliabdo** · 19-03-2013 09:50 PM

الفيورا تسافر انا سافرت بيها من اسكنديه لبور سعيد و كانت المكنه خفيفا بس معلش حتتعب قوى معه الموديلات القديمه دى فى السفر

**mostafa_mahmod** · 24-04-2013 01:55 PM

انا قدامي نصر 127 باب واحد على 10000 على كلام صاحبها لسة خارجة من عمرة في الكامل وفتيسها 5 غيار بس لما في ناس كثير مش بتشكر في الموديل ده عشان باب واحد مش هتستحمل مطبات وبينصحوني ب لادا 1200 لانها هتبقى تقريبا في نفس السعر وكمان 4 باب وصالونها اوسع خصوصا اني مليان حبتين وكمان حاجات اللادا بيقولوا انها بتركب على بعض وكمان على سوست مش كبالن وفي واحد صحبي قالي اتقل يومين اشوفلك واحد 1200 كويسة فايه رايكوا في 1200 هو قالي

**aliabdo** · 24-04-2013 02:03 PM

لو مليان او طيب ال 127 مش حتنفعك اسئلنى انا :d شوف الادا و لو نضيفه احسن لك بس برضو القديم مش حيريحك فى السفر و ربنا ييسر لك الحال

**mostafa_mahmod** · 24-04-2013 04:19 PM

المشاركة الأصلية كتبت بواسطة aliabdo

لو مليان او طيب ال 127 مش حتنفعك اسئلنى انا :d شوف الادا و لو نضيفه احسن لك بس برضو القديم مش حيريحك فى السفر و ربنا ييسر لك الحال

ربنا يسهل يا استاذ على انا عارف القديم هيتعبني في السفر انا فعلا برجح اللادا عشان كتر المطبات ال 127 مش هتستحمل و ضيقة وكمان دي مرحلة لغاية ما ربنا يسهلها