جلب مقصات نظيفه اوي وملهاش حل

**ahmed_bq** · 20-03-2013 04:50 PM

الكلام على لانسر بوما 1600 2008
طبعا شوارع مصر ومطباتها وكسرها ونقرها محتاجه جلب مقصات حديد :)

انا غيرتهم مره في التوكيل وطبعا كانو نضاف جدا طبعا وحلوين وغالييييين اوي اوي جدا جدا مش فاكر بكام صراحه بس معديين.
بعد سنه تقريبا ضربت وركبت نوع حقييير تايلاندي ب 50 جنيه الجلبتين الواحد ب 25 جندي ... دي بقى ماشاء الله ماشاء الله مكملتش شهر ونص ... ولا كأنك مركب بلالين مش جلب

فيه واحد بتاع عفشه ابن قرده قاللي على جلب مقصات بتاع العربية الاسبرانزا 516ِ ...بيقول هيا هيا بتاعت اللانسر وقاللي اصلا المقص بتاع اسبرانزا كله هوا هوا بتاع اللانسر بالظبط.

قاللي هتروح تجيب جلب مقصات اسبرانزا الاصلية ... الصيني الاصلي هههههههههه موت من الضحك على الصيني الاصلي دي ... الجلبه الواحده ب 50 جنيه يعني الجوز ب 100 او اكتر سنه على حسب المحل .
قولت فكره بردو ... مبدأيا الجلب شكلها وخامتها نضيفه بجد .. وعلامة اسبرانزا على الجلد بتاعه بارز... اصليه اصليه مش هزار:)

ركبت جوز الجلب دول في المقصات عندي .. وركبو زي السكينه في الحلاوه كأنهم بتوعها.

بس بأمانه احسن مليوووووووووووووووون مره من الجلب التايلاندي المعفنة وطبعا ارخص بكتيييييير من الاصلية ...

حبيت بس اقولوكو على التوجروبه دي عشان عجبتني وكيفتني ... وداير بقول لكل اللي اعرفهم عليها :) ويلا مش خساره فيكو ............ هيبقى شكلي وحش اوي لو طلعت معلومه قديمه.

تحياتي

**ahmed_su** · 20-03-2013 08:02 PM

هههههههه الله ينور - مبروك الجلب طلما صينى اصلى يبقى أطمن

**salah_86** · 20-03-2013 08:14 PM

باشا ازيك فاكرنى احنا اللى كنا مع بعض فى المصرية

**Eng.Peter** · 21-03-2013 02:20 AM

صينى و اصلى كمان
شكرا

**ahmed_bq** · 21-03-2013 09:23 AM

المشاركة الأصلية كتبت بواسطة salah_86

باشا ازيك فاكرنى احنا اللى كنا مع بعض فى المصرية

صلاح ... طبعا فاكر ... ازيك يا غالي يارب تكون بخير

**salah_86** · 21-03-2013 10:52 AM

الله يخليك ياباشا تسلم ويسلم ذوقك انا عرفتك من موضوع جلب المقصات دا لان محدش قالهالى غيرك
ويشرفنى اننا نكون اصدقاء على المنتدى حضرتك قمة فى الادب والاحترام

**ahmed_bq** · 24-03-2013 10:42 AM

المشاركة الأصلية كتبت بواسطة salah_86

الله يخليك ياباشا تسلم ويسلم ذوقك انا عرفتك من موضوع جلب المقصات دا لان محدش قالهالى غيرك
ويشرفنى اننا نكون اصدقاء على المنتدى حضرتك قمة فى الادب والاحترام

يباشا تسلم والله انت الذوق كله ... وان شاء الله تكون معلومه مفيده ... ودي اجمد حاجه في المنتدى العظيم ده ... امشي بمبدأ اسأل مجرب ولا تسأل توكيل هههههه.

**salah_86** · 24-03-2013 11:12 AM

اه والله ياريس فاكر لما كنا قاعدين فى الاستراحة سوا انا كنت بشتكى من رعشة فى العربية بعد ال 80 التوكيل لبسنى فى انى اجيب 4 جنوط جداد لان المهندس هناك قالى الجنوط بايظة والكاوتشات بايظة
جبت 4 جنوط جداد وفرد كاوتش جداد والرعشة مراحتش
شوف بقى صرفت انا قد ايه وكمان يومها اخدو منى 482 جنية
وفى الاخر انا صلحت موضوع الرعشة ب 100 جنية عند صنايعى بتاع كبالن والتصليح مأخدش نص ساعة
ياريتنى كنت رحتلة فى الاول بدل ما جبت جنوط وكاوتش والكاوتش اصلا كان جديد بس هما فى التوكيل اقنعونى ان الجنوط بوظت الكاوتش

**salah_86** · 24-03-2013 11:13 AM

ودا توكيل مصرية اللى احنا بنقول ان اللى فيه الزبد اللى عارفين العربية على ابوة اومال دايموند هيعملو فينا ايه
اسؤ حاجة عدم وجود وكيل يخاف على اصحاب السيارات