لا حول ولا قوة إلا بالله
الله يخربيت الصنايعية العكاكين
ربنا معاك
رقم العضوية : 34626
تاريخ التسجيل : 05Mar2009
المشاركات : 4,339
النوع : ذكر
الاقامة : om eldonia
السيارة: Octavia A4 2002
السيارة[2]: Daewoo Nubira 1 1997
دراجة بخارية: NOT YET
الحالة :
السلام عليكم
اولا انا عملت الموضوع هنا عشان يشوفة اكبر عدد ممكن
وهعمل نفس الموضوع في في قسم الاسكودا
نبدا بقى بسم الله
العربية اوكتافيا a4 مودييل 2002 sr اخر موتور في موديل a4 بوابة كهربة
العربية بتاعت اختي استيراد معوقين في شهر 5 اللي فات
العربية لما اشترناها كانت عاملة 55 الف كيلو والعربية شكلا وحالة بتقول ان ده عدادها الحقيقي لاكن ما علينا
شايف ناس بتقول لخص فين المشكلة ههههههههه
ماشي نبدا بقى في المشكلة
من ساعة ما خدنا العربية وهي فيها برجلة وبتلت والسحب وحش وفيه دخان من الشكمان
لفيت على اكتر من ميكانيكي من المعروفين هنا في المنتدى وغيرهم معظمهم اجمع ان ده طقم شنبر لان البوجيهات كانت بتطلع معرقة زيت او بالادق بوجيهة واحد هو اللي كان بيطلع كل مرة غرقان زيت وده كان بيخلي العربية تتلت والكل اجمع مش شكل وحالة العربية والموتور ان فعلا العربية عاملة 55 الف لاكن ده حصل من ركنة العربية برا فترة طويلة وعدم تغغير الزيت
المهم فيه منهم قالي نغير موتور وده معظمهم وفي واحد قالي نغير طقم الشنبر لان الموتور ده سليم وخسارة وكدة والموتور الاستيراد مش مضمون وهيبقى مركون برضة وممكن بعد فترة يعمل زي ده
واحنا نعمل لده شنبر وشمايز وهيبقى زي الفل
توكلت على وقولتلو ماشي خصوصا اني شفت عنده اوكتافيا وباسات وجولف واودي وشغال تمام قولت اكيد ده برنس وفاهم تمام
كام يعم التكلفة قالي انا اللي هجيب كل حاجة وهودي للخراط وهجيب طقم السرفيس من سيور وكاتينة وزيت والموضوع هيتكلف 4500 جنية قولتلو ماشي
وبدات رحلة العذاب معاه او عذاب كان المواعيد سيبتلة العربية وكنت بروحلة كل يومين تلاتة وفعلا فك الموتور ووراني البستم وهو بيلق في الشميز بسبب تاكل الشنابر
وفك كل الموتور طبعا وقاللي الموتور زي الالماظ السبيكة تمام والبساتم تمام احنا هنجيب شنبر وهنعمل شمايز ونمسح الوش نضافة وطبعا خدنا في الموضوع ده ييجي شهر رايح جاي ويقولي اصل الخراط ده عالمي والحاجة عندة بالحجز وكدة
بعد حوالي شهر ونصف رحت لقيت فعلا جاب الحاجة من عند الخراط ومستني يوريني الشغل قبل التقفيل
والشغل كالاتي تركيب طقم شنبر وعمل شمايز ودي مش عارف هو غير الشمايز ولا خرط الموجودة ومسح الكرنك مسحة نضافة وخرط الوش نضافة
وقشط وش نضافة من البلوك زي ما قالي وهو ده سبب المصايب والمشكلة كلها زي ما هتعرفو
المهم رحت بعد كدة لقيت العربية دايرة والموتور ثابت والصوت ناعم والعربية زي الفل قولت الحمد لله ده فهلا راجل فاهم بيعمل ايه ودوره ساعتين عندة وقالي سيبهالي يومين لغاية ما اخرج اجربها واسلمهالك وانا مطمن قولت امين
ورحت استلمتها منه وقالي امشي عادي بالعربية بس متعديش 80 ومتقرص عليها
اول يوم خدتها منه بسم الله ما شاء الله الهربية سحبتها تخض والصوت ناعم لاكن فيه مشكلة
العربية بتسقف وتسك في الطلعة من الثبات بس واللمبة كانت منورة رجتعله وقولتلة العربية تمام بس نفس السكة والتسقيف في الطلعة زي قبل العمرة قالي سيبهالي طيب انا عارف فيها ايه
وطبعا كالعادة بيقعد العربية وكل ما راوحلو يقولي لسة لغاية بعد كام يوم قالي كلو تمام
خدت العربية وبجرب وماشي على الدائري ونزلت طريق السويس ورحت لغاية الشروق وراجع سمعت صوت تكتكة وبدا يزيد ركنت ونزلت ابص سمعت الصوت من ناحية وش السلندر الصوت كان بيروح وبييجي المهم لما رحتلة في نفس الوقت كان الصوت راح قالي طيب روح ولما تسمعة ابقى تعالى
وتاني يوم الصوت زاد جدا وكان ملفت للنظر تكتكة جامدة طالعة من الموتور روحتلة والصوت شغال قالي طيب سيب العربية هشوف فيها ايه
روحتلة قالي هنغير الوش وطبعا خدله فيها كام يوم
لغاية ما روحتلة قالي تمام الوش اتغير وفعلا صوت العربية كان هادي جدا لاكن سحب العربية مش تمام ولسة فيه سك وتسقيف في الطلعة المهم قولت ما بدهاش اروح لحد تاني يقولي ايه الحكاية
عشان لما ارجعلة ابقى عارف اكلمة
المهم رحت للمهندس خالد في مدينة نصر
وقولتلة العربية دي معمولها عمرها والعربية تمام ما عدا تسقيف وسحب ضعيف واللمبة منورة
في الاول قالي ازاي تعمل عمرة انت غلطان كنت هات موتور استيراد
قولتلة دلوقتي العمرة اتعملت ومفيش مشكلة من الحاجة اللي اتعملت انا عايز اعرف التسقيف منين والسحب ضعيف ليه واعرفلي اللمبة منورة ليه
وصل العربية باللاب وقالي د الكاتينة خالفه بهبل وقالي كلمة على الميكانيكي ما ينفعش ااقولها على المنتدى ما علينا
وبالنسب للمبه قالي عايزة حساس كامة قولتلة يعني التسقيف هيروح لما نظبط التقسيمة ونغير حساس الكامة قالي انا معرفش احنا هنظبط المشاكل اللي قدامي ولو فضلت التسقيفة يبقى من العمرة(مش فاهم انا ايه العلاقة بين تغيير طقم الشنبر والتسقيف اظاهر اني غلطت اني قولتلة انا عامل عمرة انا كنت ااقولة على المشكلة وهو يتصرف ما علينا)
المهم قال للصنايعي عندة ظبط التقسيمة والصنايعي بدا يشتغل وظبط الكاتينة على الزنب وجه يدور العربية ما بتدورش يحاول ما بتدورش قالي كدة ممكن يكون مركب طنبورة الكرنك غلط وما تظبتش فوق مع تحت وقال للصنايعي حاول تظبطها بلدي وفعلا حل بوجيه وفضل يضبط وييجي يدور ما تدورش قولتله كدة ممكن الوش يطير او العربية تجيب طقم صباب بسبب التجريب ده حاول ترجعها زي ما كانت على الظبطة الاولانية المهم الصنايعي قالي خلاص كدة ظبطلك الكاتينة تمام العربية سحبها اتعدل واحنا بنجرب لاكن لسة بتسقف في الطلعة قالي ابقى هات حساس كامة وتعالى نغيرة ونشوف النتيجة
وانا رايحلة عشان نجيب حساس الكامة سمعت صوت تكتكة نفس الصوت الاول لغاية شارع رمسيس والعربية بطلت وحلفت ما هي دايرة وكان الصوت وانا بدور زي ما يكون صباب بيخبط في البستم
المهم اتصلت بالميكاني اللي عمل العمرة وقولتلة على اللي حصل بعتلي ميكاني وسحبنا العربية عندة وسيبتها ومشيت ورحتلة قالي هنغير الوش
ورحت بعد ما اغير الوش
وخدتها ومشيت وفيها نفس التسقيفة في الطلعة
واتعايشت مع التسقيفة دي غير كدة العربية سحبها مفيش بعد كدة ولا الزيرو لاكن بعد 150 سحبها بيموت وده عرفت انو بسبب حساس الكامة اللي لسة ما اتغيرش
من كام يوم روحت لمركز هاني في جسر السويس قولتلو العربية بتسقف في الطلعة ولازم تكبسلها في الطلعة عشان ما تبطلش ده في الطلعة بس فك الكاتينة لاقاها خالفة 7 سنات وقالي حساس الكامة هو اللي منور اللمبة ودي عارفها طبعا
وخلى الصنايعي يظبط الكاتينة الصنايعي ظبط العربية مش عايزة تدور راح نده لهاني وقالو ظبطها على الزنب مش عايزة تدور راح سالني انت عامل عمرة قولتلة اه قالي خرط البلك قلتلة اه
قالي كدة مساحة الغرفة قلت والمفروض كان يضظط البستم يعني يشيل منه نفس القيمة اللي شالها من البلوك لان الكاتينة لما بتتظبط صح البستم بيخبط في الصباب فهو ماخر التقسيمة عشان يتفادى العيب دة
طيب ايه الحل قالي نغير موتور وطبعا مغيرتش حساس الكامة لانو قالي طالما الكاتينة خالفة ممكن تنور اللمبة ويدي عطل حساس الكامة
يا ترى ايه الحل في المشكلة دي
وعذرا للاطالة لاكن عشان اللي يقول راية يبقى عندة كل الخلفيات
في الماضي كان الخطر الكبير الذي يواجه المصريين النظام الفاسدالان الخطر الاكبر الذي يواجه مصر والمصريين هو الجهل
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
لا حول ولا قوة إلا بالله
الله يخربيت الصنايعية العكاكين
ربنا معاك
رقم العضوية : 125812
تاريخ التسجيل : 07Jun2012
المشاركات : 2,519
النوع : ذكر
الاقامة : Dammam-KSA
السيارة: Lada 2105 1984 Sold
السيارة[2]: Ibiza 6K 101 HP
دراجة بخارية: لا يوجد
الحالة :
ربنا يعوض عليك ان شاء الله
فعلا مواتير الفولكس عموما لا ينصح ان يتعملها عمرة والافضل انها تتغير استيراد
قدامك حل من الاتنين:
1- تكمل اللى انت بدأت فيه لحد ماتظبطها
2- تجيب موتور استيراد وتريح دماغك وعموما ال 4500 اللى حضرتك صرفتهم دوول اساسا ثمن الموتور الاستيراد
ربنا يعوض عليك
Karim Samy - Business Development
Fiat 128 Model 1983 1100cc
Lada 2105 Model 1984 1200cc & 1300cc
Nissan Tiida Model 2007 1600cc
SEAT ibiza 6k Model 1998 1000cc AER , 1400cc AEX & 1600cc AFT
Toyota Corolla Model 2013 1600cc
رقم العضوية : 55040
تاريخ التسجيل : 06Dec2009
المشاركات : 1,928
النوع : ذكر
الاقامة : egypt
السيارة: opel vectra
السيارة[2]: nubira 2
دراجة بخارية: لا
الحالة :
لو عندك امكانية تجيب موتور استيراد يبقى احسن لان الموتور ده اتعمل مش مظبوط وهيقرف وكل شوية مصاريف وغير كده مش هتكون مطمئن لو رايح بيها سفر او مكان بعيد خصوصا ان بتاعت اخت حضرتك فريح دماغك وهات موتور وخلى اللى عندك ده هتحتاجه قطع غيار ----
رقم العضوية : 117231
تاريخ التسجيل : 28Nov2011
المشاركات : 1,451
النوع : ذكر
الاقامة : tanta
السيارة: proton wira 2004
السيارة[2]: fiat 128
دراجة بخارية: لا يوجد ومش بعرف اسوقها
الحالة :
الله يعوض عليك بس كمل اللي انت بدات فيه واظبط العربيه لان الماتور باعها غالي لغايه لما تفك حظر وبيعها وابقي جرب بعد كده العربيه اللي بتشتريها لانها مش بتتقاس بالكيلو متر ممكن يكون حد لاعب في العداد احنا جايبين لواحد صاحبي واحده من الجمرك ماشيه 160 الف بس حالتها كانت تمام اوي لغايه لما هوقضي عليها هههههههههه من اللي بيعمله فيها
[sor2]http://nileup.com/up/uploads/nilemotors_13932453781.jpg[/sor2]
رقم العضوية : 50133
تاريخ التسجيل : 17Oct2009
المشاركات : 4,727
النوع : ذكر
الاقامة : Menofia
السيارة: Toyota Corolla 2001 1.3 A/T
السيارة[2]: Peugeot 301 M/T 2014
دراجة بخارية: لايوجد
الحالة :
القشط في الوش او في البلوك بيغير حجم غرفة الاحتراق ونسبة الانضغاط ويخلى العربية تسقف وتسخن على طول وسحبها يضعف
للاسف المواتير العادية اصلا لما بيتعمل فيها كدة عمرها ما بترجع زي الاول ، فما بالك بالمواتير دى ..
الميكانيكى حمار للاسف انه حط التاتش بتاعه وخرط في البلوك والكرنك من غير داعى
رأيي كفاية اوى مصاريف لحد كدة في الموتور ده وهاتلك موتور تانى واهو يبقى ده عندك كقطع غيار ، وربنا يعوض عليك ، بس الموتور الجديد لازم تكشف عليه كويس وتقيس كبسه ، وتاخده ع التجربة وتتأكد طبعا من ورقه كويس
بس انت صرفت كام لحد دلوقتى ؟
ربنا معاك بجد ...
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
تقريبا غالبيه المواتير الحديثه لايصلح لها عمرات واي ميكانيكي ينصح بعمره \بيكون عايز يعمل شغل ومصلحه علي صاحب العربيه
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 34626
تاريخ التسجيل : 05Mar2009
المشاركات : 4,339
النوع : ذكر
الاقامة : om eldonia
السيارة: Octavia A4 2002
السيارة[2]: Daewoo Nubira 1 1997
دراجة بخارية: NOT YET
الحالة :
شكرا لكل الردود
بالنسبة لشراء موتور دلوقتي هيبقى صعب لان العربية صارفة فوق 5000
ثانيا الكبس زي الفل ومفيش تسريب زيت والزيت ما بينقصش
لاكن المشكلة كلها انو خد جزء من البلوك ومخدش نفس الجزء من البساتم عشان يحافظ على حجم الغرفة
والمشكلة الموجودة
تسقيف في الطلعة لازم تسايس العربية في الطلعة او تكبسلها عشان ما تبطلش او تسقف
ثانيا الكاتينة خالفة سبع سنات عشان تعوض الجزء اللي اتشال من البلوك والوش خصوصا البلوك
في الماضي كان الخطر الكبير الذي يواجه المصريين النظام الفاسدالان الخطر الاكبر الذي يواجه مصر والمصريين هو الجهل
رقم العضوية : 18512
تاريخ التسجيل : 10Sep2008
المشاركات : 1,246
النوع : ذكر
الاقامة : المنصورة
السيارة: لا يوجد
السيارة[2]: ميتسوبيشي لانسر 1998
دراجة بخارية: لا يوجد
الحالة :
الله يكون في عونك أولا
ثانيا هو مش ممكن يفك الموتور ثاني ويقشط من البساتم نفس القيمة اللي قشطها من البلوك فالمشكلة تتحل؟
رقم العضوية : 50133
تاريخ التسجيل : 17Oct2009
المشاركات : 4,727
النوع : ذكر
الاقامة : Menofia
السيارة: Toyota Corolla 2001 1.3 A/T
السيارة[2]: Peugeot 301 M/T 2014
دراجة بخارية: لايوجد
الحالة :
المفضلات