| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 17

  1. #1

    الصورة الرمزية mahmoudysf

    رقم العضوية : 34626

    تاريخ التسجيل : 05Mar2009

    المشاركات : 4,339

    النوع : ذكر

    الاقامة : om eldonia

    السيارة: Octavia A4 2002

    السيارة[2]: Daewoo Nubira 1 1997

    دراجة بخارية: NOT YET

    الحالة : mahmoudysf غير متواجد حالياً

    افتراضي مشكلة في اوكتافيا a4 وعايزين نفكر في الحل مع بعض - Facebook Twitter whatsapp انشر الموضوع فى :

    hasad">

    السلام عليكم
    اولا انا عملت الموضوع هنا عشان يشوفة اكبر عدد ممكن
    وهعمل نفس الموضوع في في قسم الاسكودا
    نبدا بقى بسم الله
    العربية اوكتافيا a4 مودييل 2002 sr اخر موتور في موديل a4 بوابة كهربة
    العربية بتاعت اختي استيراد معوقين في شهر 5 اللي فات
    العربية لما اشترناها كانت عاملة 55 الف كيلو والعربية شكلا وحالة بتقول ان ده عدادها الحقيقي لاكن ما علينا
    شايف ناس بتقول لخص فين المشكلة ههههههههه
    ماشي نبدا بقى في المشكلة
    من ساعة ما خدنا العربية وهي فيها برجلة وبتلت والسحب وحش وفيه دخان من الشكمان
    لفيت على اكتر من ميكانيكي من المعروفين هنا في المنتدى وغيرهم معظمهم اجمع ان ده طقم شنبر لان البوجيهات كانت بتطلع معرقة زيت او بالادق بوجيهة واحد هو اللي كان بيطلع كل مرة غرقان زيت وده كان بيخلي العربية تتلت والكل اجمع مش شكل وحالة العربية والموتور ان فعلا العربية عاملة 55 الف لاكن ده حصل من ركنة العربية برا فترة طويلة وعدم تغغير الزيت
    المهم فيه منهم قالي نغير موتور وده معظمهم وفي واحد قالي نغير طقم الشنبر لان الموتور ده سليم وخسارة وكدة والموتور الاستيراد مش مضمون وهيبقى مركون برضة وممكن بعد فترة يعمل زي ده
    واحنا نعمل لده شنبر وشمايز وهيبقى زي الفل
    توكلت على وقولتلو ماشي خصوصا اني شفت عنده اوكتافيا وباسات وجولف واودي وشغال تمام قولت اكيد ده برنس وفاهم تمام
    كام يعم التكلفة قالي انا اللي هجيب كل حاجة وهودي للخراط وهجيب طقم السرفيس من سيور وكاتينة وزيت والموضوع هيتكلف 4500 جنية قولتلو ماشي
    وبدات رحلة العذاب معاه او عذاب كان المواعيد سيبتلة العربية وكنت بروحلة كل يومين تلاتة وفعلا فك الموتور ووراني البستم وهو بيلق في الشميز بسبب تاكل الشنابر
    وفك كل الموتور طبعا وقاللي الموتور زي الالماظ السبيكة تمام والبساتم تمام احنا هنجيب شنبر وهنعمل شمايز ونمسح الوش نضافة وطبعا خدنا في الموضوع ده ييجي شهر رايح جاي ويقولي اصل الخراط ده عالمي والحاجة عندة بالحجز وكدة
    بعد حوالي شهر ونصف رحت لقيت فعلا جاب الحاجة من عند الخراط ومستني يوريني الشغل قبل التقفيل
    والشغل كالاتي تركيب طقم شنبر وعمل شمايز ودي مش عارف هو غير الشمايز ولا خرط الموجودة ومسح الكرنك مسحة نضافة وخرط الوش نضافة
    وقشط وش نضافة من البلوك زي ما قالي وهو ده سبب المصايب والمشكلة كلها زي ما هتعرفو
    المهم رحت بعد كدة لقيت العربية دايرة والموتور ثابت والصوت ناعم والعربية زي الفل قولت الحمد لله ده فهلا راجل فاهم بيعمل ايه ودوره ساعتين عندة وقالي سيبهالي يومين لغاية ما اخرج اجربها واسلمهالك وانا مطمن قولت امين
    ورحت استلمتها منه وقالي امشي عادي بالعربية بس متعديش 80 ومتقرص عليها
    اول يوم خدتها منه بسم الله ما شاء الله الهربية سحبتها تخض والصوت ناعم لاكن فيه مشكلة
    العربية بتسقف وتسك في الطلعة من الثبات بس واللمبة كانت منورة رجتعله وقولتلة العربية تمام بس نفس السكة والتسقيف في الطلعة زي قبل العمرة قالي سيبهالي طيب انا عارف فيها ايه
    وطبعا كالعادة بيقعد العربية وكل ما راوحلو يقولي لسة لغاية بعد كام يوم قالي كلو تمام
    خدت العربية وبجرب وماشي على الدائري ونزلت طريق السويس ورحت لغاية الشروق وراجع سمعت صوت تكتكة وبدا يزيد ركنت ونزلت ابص سمعت الصوت من ناحية وش السلندر الصوت كان بيروح وبييجي المهم لما رحتلة في نفس الوقت كان الصوت راح قالي طيب روح ولما تسمعة ابقى تعالى
    وتاني يوم الصوت زاد جدا وكان ملفت للنظر تكتكة جامدة طالعة من الموتور روحتلة والصوت شغال قالي طيب سيب العربية هشوف فيها ايه
    روحتلة قالي هنغير الوش وطبعا خدله فيها كام يوم
    لغاية ما روحتلة قالي تمام الوش اتغير وفعلا صوت العربية كان هادي جدا لاكن سحب العربية مش تمام ولسة فيه سك وتسقيف في الطلعة المهم قولت ما بدهاش اروح لحد تاني يقولي ايه الحكاية
    عشان لما ارجعلة ابقى عارف اكلمة
    المهم رحت للمهندس خالد في مدينة نصر
    وقولتلة العربية دي معمولها عمرها والعربية تمام ما عدا تسقيف وسحب ضعيف واللمبة منورة
    في الاول قالي ازاي تعمل عمرة انت غلطان كنت هات موتور استيراد
    قولتلة دلوقتي العمرة اتعملت ومفيش مشكلة من الحاجة اللي اتعملت انا عايز اعرف التسقيف منين والسحب ضعيف ليه واعرفلي اللمبة منورة ليه
    وصل العربية باللاب وقالي د الكاتينة خالفه بهبل وقالي كلمة على الميكانيكي ما ينفعش ااقولها على المنتدى ما علينا
    وبالنسب للمبه قالي عايزة حساس كامة قولتلة يعني التسقيف هيروح لما نظبط التقسيمة ونغير حساس الكامة قالي انا معرفش احنا هنظبط المشاكل اللي قدامي ولو فضلت التسقيفة يبقى من العمرة(مش فاهم انا ايه العلاقة بين تغيير طقم الشنبر والتسقيف اظاهر اني غلطت اني قولتلة انا عامل عمرة انا كنت ااقولة على المشكلة وهو يتصرف ما علينا)
    المهم قال للصنايعي عندة ظبط التقسيمة والصنايعي بدا يشتغل وظبط الكاتينة على الزنب وجه يدور العربية ما بتدورش يحاول ما بتدورش قالي كدة ممكن يكون مركب طنبورة الكرنك غلط وما تظبتش فوق مع تحت وقال للصنايعي حاول تظبطها بلدي وفعلا حل بوجيه وفضل يضبط وييجي يدور ما تدورش قولتله كدة ممكن الوش يطير او العربية تجيب طقم صباب بسبب التجريب ده حاول ترجعها زي ما كانت على الظبطة الاولانية المهم الصنايعي قالي خلاص كدة ظبطلك الكاتينة تمام العربية سحبها اتعدل واحنا بنجرب لاكن لسة بتسقف في الطلعة قالي ابقى هات حساس كامة وتعالى نغيرة ونشوف النتيجة
    وانا رايحلة عشان نجيب حساس الكامة سمعت صوت تكتكة نفس الصوت الاول لغاية شارع رمسيس والعربية بطلت وحلفت ما هي دايرة وكان الصوت وانا بدور زي ما يكون صباب بيخبط في البستم
    المهم اتصلت بالميكاني اللي عمل العمرة وقولتلة على اللي حصل بعتلي ميكاني وسحبنا العربية عندة وسيبتها ومشيت ورحتلة قالي هنغير الوش
    ورحت بعد ما اغير الوش
    وخدتها ومشيت وفيها نفس التسقيفة في الطلعة
    واتعايشت مع التسقيفة دي غير كدة العربية سحبها مفيش بعد كدة ولا الزيرو لاكن بعد 150 سحبها بيموت وده عرفت انو بسبب حساس الكامة اللي لسة ما اتغيرش
    من كام يوم روحت لمركز هاني في جسر السويس قولتلو العربية بتسقف في الطلعة ولازم تكبسلها في الطلعة عشان ما تبطلش ده في الطلعة بس فك الكاتينة لاقاها خالفة 7 سنات وقالي حساس الكامة هو اللي منور اللمبة ودي عارفها طبعا
    وخلى الصنايعي يظبط الكاتينة الصنايعي ظبط العربية مش عايزة تدور راح نده لهاني وقالو ظبطها على الزنب مش عايزة تدور راح سالني انت عامل عمرة قولتلة اه قالي خرط البلك قلتلة اه
    قالي كدة مساحة الغرفة قلت والمفروض كان يضظط البستم يعني يشيل منه نفس القيمة اللي شالها من البلوك لان الكاتينة لما بتتظبط صح البستم بيخبط في الصباب فهو ماخر التقسيمة عشان يتفادى العيب دة
    طيب ايه الحل قالي نغير موتور وطبعا مغيرتش حساس الكامة لانو قالي طالما الكاتينة خالفة ممكن تنور اللمبة ويدي عطل حساس الكامة
    يا ترى ايه الحل في المشكلة دي
    وعذرا للاطالة لاكن عشان اللي يقول راية يبقى عندة كل الخلفيات

    في الماضي كان الخطر الكبير الذي يواجه المصريين النظام الفاسد
    الان الخطر الاكبر الذي يواجه مصر والمصريين هو الجهل


  2. #2

    الصورة الرمزية mando_07

    رقم العضوية : 13909

    تاريخ التسجيل : 30Jun2008

    المشاركات : 1,522

    النوع : ذكر

    الاقامة : Haram

    السيارة: Jetta 2008

    السيارة[2]: MERCEDES

    دراجة بخارية: no

    الحالة : mando_07 غير متواجد حالياً

    افتراضي -

    الله يكون في عونك وإن شاء الله العربية تتظبط و تبقى تمام


  3. #3

    الصورة الرمزية mahmoudysf

    رقم العضوية : 34626

    تاريخ التسجيل : 05Mar2009

    المشاركات : 4,339

    النوع : ذكر

    الاقامة : om eldonia

    السيارة: Octavia A4 2002

    السيارة[2]: Daewoo Nubira 1 1997

    دراجة بخارية: NOT YET

    الحالة : mahmoudysf غير متواجد حالياً

    افتراضي -

    يا جماعة انا عامل الموضوع ده في العام
    قبل هنا بدقيقة وفيه 10 مشاركات ومشكورين كل واحد عرض راية في حدود معرفته
    وهنا قسم الاسكودا والموضوع مازال مهجور
    عمار يا دايو

    في الماضي كان الخطر الكبير الذي يواجه المصريين النظام الفاسد
    الان الخطر الاكبر الذي يواجه مصر والمصريين هو الجهل


  4. #4

    الصورة الرمزية Moratoz

    رقم العضوية : 123385

    تاريخ التسجيل : 19Apr2012

    المشاركات : 2,752

    النوع : ذكر

    الاقامة : القاهرة

    السيارة: اوكتافيا2007 A5

    السيارة[2]: New accent

    دراجة بخارية: no

    الحالة : Moratoz غير متواجد حالياً

    افتراضي -

    مفيش داعي للتهكم علي القسم علشان مش شرط ان حضرتك عملت الموضوع لازم تكون الناس قاضيه للرد علي حضرتك وعلي الأخص ان اليوم يوم عائلي بخلاف الاحداث الجاريه وكل من له قريب هناك اعتقد هيكون اكثر اهتماما بالأحداث الجاريه
    ثانيا هلي من الممكن اعادة فتح الموتور وخط البسام لتتناسب مع خرط البلوك ئل حصل لو دا مينفعش بناء علي رأي اي من مراكز الخدمه الموثوق بها زي هاني او سمير بعد العرض عليهم يبقي مفيش حل غير تغير الموتور ولو دورت في المنتدي كان هواك تقرير لأستاذ forti مغير الموتور استيراد


  5. #5

    الصورة الرمزية فادى محمد

    رقم العضوية : 21177

    تاريخ التسجيل : 05Oct2008

    المشاركات : 8,766

    النوع : ذكر

    الاقامة : damietta

    السيارة: الحمد لله

    السيارة[2]: opel vectra 1600 mo.1999

    دراجة بخارية: لا يوجد

    الحالة : فادى محمد غير متواجد حالياً

    افتراضي -

    عندي لك حل مش هتظطر تفتح الموتور من تحت وتخرط البساتم ...
    هتفك وش السلندر ,تمام ؟؟
    هتركب 2 جوان وش سلندر وده هيعوض الفاقد اللي حصل في الوش
    وفي نفس الوقت هيبعد راس البساتم عن الصبابات ,ربنا يوفقك

    اخوكم /فادي محمد عيد ..من مواضيعي المصوره للفيكترا بي ....

    http://www.nilemotors.net/Nile/97671...post3872017889 تغيير اويل سايل اسبراتير
    http://www.nilemotors.net/Nile/13044...post3872432932تنظيف الايديال كونترول
    http://www.nilemotors.net/Nile/15035...post3872669019تعديل في اضاءه التابلوه
    http://www.nilemotors.net/Nile/143705-b.html#post3872580355تغيير فرش السقف للفيكترا
    http://www.nilemotors.net/Nile/181441-a.html#post3873046581تغيير جوان وش التاكيهات

    hellboy سابقا


  6. #6

    الصورة الرمزية mahmoudysf

    رقم العضوية : 34626

    تاريخ التسجيل : 05Mar2009

    المشاركات : 4,339

    النوع : ذكر

    الاقامة : om eldonia

    السيارة: Octavia A4 2002

    السيارة[2]: Daewoo Nubira 1 1997

    دراجة بخارية: NOT YET

    الحالة : mahmoudysf غير متواجد حالياً

    افتراضي -

    اقتباس المشاركة الأصلية كتبت بواسطة moratoz مشاهدة المشاركة
    مفيش داعي للتهكم علي القسم علشان مش شرط ان حضرتك عملت الموضوع لازم تكون الناس قاضيه للرد علي حضرتك وعلي الأخص ان اليوم يوم عائلي بخلاف الاحداث الجاريه وكل من له قريب هناك اعتقد هيكون اكثر اهتماما بالأحداث الجاريه
    ثانيا هلي من الممكن اعادة فتح الموتور وخط البسام لتتناسب مع خرط البلوك ئل حصل لو دا مينفعش بناء علي رأي اي من مراكز الخدمه الموثوق بها زي هاني او سمير بعد العرض عليهم يبقي مفيش حل غير تغير الموتور ولو دورت في المنتدي كان هواك تقرير لأستاذ forti مغير الموتور استيراد
    مفيش تهكم ولا حاجة
    لاكن بما اني عضو في الدايو وكذلك في الاسكودا
    قسم الدايو نشط جدا وتقريبا فصص العربية حتة حتة واي مشكلة بتلاقي حلها موجود
    ثانيا بالنسبة لحل الموتور هو المفروض ده الصح وفكرت في كدة لاكن التكلفة هتكون عالية
    مصنعية وطقم جوانات وفيه ميكانيكي قالي هتخسر طقم الشنبر كمان مش عارف ليه
    وبالنسبة لمراكز الخدمة الموثوق فيه انا رحت فعلا لهاني لاكن دول يا باشا مش عايزين وجع دماغ
    هاني قالي هات موتور جديد رغم ان فيه حل زي ما انت قلت اننا نظبط البسام على وش البلوك

    اقتباس المشاركة الأصلية كتبت بواسطة فادى محمد مشاهدة المشاركة
    عندي لك حل مش هتظطر تفتح الموتور من تحت وتخرط البساتم ...
    هتفك وش السلندر ,تمام ؟؟
    هتركب 2 جوان وش سلندر وده هيعوض الفاقد اللي حصل في الوش
    وفي نفس الوقت هيبعد راس البساتم عن الصبابات ,ربنا يوفقك
    شكرا يا باشا لردك
    والحل ده قولته لميكانيكي
    قولتلة نحط جوانين ونعوض الفرق قالي كدة هنعالج عك بعك
    غير اني خايف ان وشين فوق بعض يضربو وممكن برضة ما يعوضوش الفرق لانه تقريبا حوالي 3 مم

    في الماضي كان الخطر الكبير الذي يواجه المصريين النظام الفاسد
    الان الخطر الاكبر الذي يواجه مصر والمصريين هو الجهل


  7. #7

    الصورة الرمزية benmatar

    رقم العضوية : 83574

    تاريخ التسجيل : 15Dec2010

    المشاركات : 1,534

    النوع : ذكر

    الاقامة : cairo

    السيارة: O.VectraC- P.406II

    السيارة[2]: S.Felicia- L.Dedra

    دراجة بخارية: no

    الحالة : benmatar غير متواجد حالياً

    افتراضي -

    حضرتك لفيت ودورت وتعبت نفسك ودفعت كتير وكان المفروض تغير الموتور كله مرة واحدة زي ما ورشة سكودا بتاعت المهندس خالد نصحوك. هو حضرتك عملت القصة دي في ورشة سكودا برضه ولا عند حد تاني؟؟؟

    ألا كل شئ ماخلا الله باطل وكل نعيم لا محالة زائل


  8. #8

    الصورة الرمزية aw2100

    رقم العضوية : 130473

    تاريخ التسجيل : 21Oct2012

    المشاركات : 2,922

    النوع : ذكر

    الاقامة : الأسكندرية

    السيارة: كانت 128 زستافا

    السيارة[2]: فليشيا كومبى 1997

    الحالة : aw2100 غير متواجد حالياً

    افتراضي -

    ربنا يعوض عليك وممكن تغير النص التحتانى بس الى هو الشورت بلوك وده حيوفر لك شويه مع ان فى حالتك دى الأفضل تغير موتور كامل وتكشف علية تشوف كبسه كام وربنا معاك!!


  9. #9

    الصورة الرمزية mahmoudysf

    رقم العضوية : 34626

    تاريخ التسجيل : 05Mar2009

    المشاركات : 4,339

    النوع : ذكر

    الاقامة : om eldonia

    السيارة: Octavia A4 2002

    السيارة[2]: Daewoo Nubira 1 1997

    دراجة بخارية: NOT YET

    الحالة : mahmoudysf غير متواجد حالياً

    افتراضي -

    اقتباس المشاركة الأصلية كتبت بواسطة benmatar مشاهدة المشاركة
    حضرتك لفيت ودورت وتعبت نفسك ودفعت كتير وكان المفروض تغير الموتور كله مرة واحدة زي ما ورشة سكودا بتاعت المهندس خالد نصحوك. هو حضرتك عملت القصة دي في ورشة سكودا برضه ولا عند حد تاني؟؟؟
    ما هو اللي شجعني اعمل العمرة عند الجدع ده
    اني شفت عندة عربيات فولكس بجميع انواعها
    من اول الباسات التربو الى الجولف والفنتازيا حت الاودي شفتها عنده
    وواخد جراج تحت عماره تحس انو اجدع من التوكيل وكمان كان واثق من نفسة وبيقولي انا عملت عمرة لباسات وكذا جولف حديث
    وبالنسبة لشرا موتور جديد خلاص سبق السيف العزل

    في الماضي كان الخطر الكبير الذي يواجه المصريين النظام الفاسد
    الان الخطر الاكبر الذي يواجه مصر والمصريين هو الجهل


  10. #10

    الصورة الرمزية aw2100

    رقم العضوية : 130473

    تاريخ التسجيل : 21Oct2012

    المشاركات : 2,922

    النوع : ذكر

    الاقامة : الأسكندرية

    السيارة: كانت 128 زستافا

    السيارة[2]: فليشيا كومبى 1997

    الحالة : aw2100 غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة mahmoudysf مشاهدة المشاركة
    ما هو اللي شجعني اعمل العمرة عند الجدع ده
    اني شفت عندة عربيات فولكس بجميع انواعها
    من اول الباسات التربو الى الجولف والفنتازيا حت الاودي شفتها عنده
    وواخد جراج تحت عماره تحس انو اجدع من التوكيل وكمان كان واثق من نفسة وبيقولي انا عملت عمرة لباسات وكذا جولف حديث
    وبالنسبة لشرا موتور جديد خلاص سبق السيف العزل
    بطلب من حضرتك تكتب اسم وعنوان الميكانيكى الجاهل او الحرامى ده علشان تحذر اعضاء المنتدى من التعامل مع الشخص ده احسن حد يتخم فية ويقع زى انت ماوقعت ولك تحياتى !!



 
صفحة 1 من 2 1 2 الأخيرةالأخيرة

المواضيع المتشابهه

  1. مشكلة في اوكتافيا a4 وعايزين نفكر في الحل مع بعض
    بواسطة mahmoudysf في المنتدى سكودا
    مشاركات: 61
    آخر مشاركة: 26-09-2013, 04:15 PM
  2. ............. رشاشات بتسيل (تعالوا نفكر فى الحل) ؟؟ ...........
    بواسطة max_ziro في المنتدى ورشـــة نــايل مــــوتـــورز
    مشاركات: 31
    آخر مشاركة: 12-02-2012, 04:41 PM
  3. عايز تعمل مشروع ؟ .... تعالى ندرسه مع بعض و نفكر فيه
    بواسطة MaZaGAngeE في المنتدى المنتــــــدى الاجتمــاعى
    مشاركات: 68
    آخر مشاركة: 07-06-2010, 01:58 PM
  4. تعالوا نفكر مع بعض ونوّصل Mp3 على كاسيت Xplod
    بواسطة HRH_Sameh في المنتدى ::: أهـــم مـوضـوعــات قسم الكماليات :::
    مشاركات: 40
    آخر مشاركة: 13-12-2009, 01:39 AM
  5. حل مساعدين الافيو ممكن نفكر مع بعض؟؟؟؟؟؟؟؟
    بواسطة MEZAONLY في المنتدى شــيفـرولــيه
    مشاركات: 15
    آخر مشاركة: 30-09-2009, 01:01 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2