ازاي اعمل highlight و احفظه في pdf

**ehab** · 22-03-2013 11:07 PM

عايز اعرف اواي اقدر اعمل highlight في كتاب pdf و اسجل الكتاب علي كدا
و كمان لو عايز اعمل طباعة للكلام الي انا عاملة highlight او عايز انسخه كله مرة واحدة اعمل ايه ؟

**Forever.Leo** · 23-03-2013 01:25 AM

مش عارف اذا كنت فاهم قصدك .. عموما لو مؤلف الكتاب pdf سايب الكتاب مفتوح للتعديل ممكن انك تعمل highlight بأي برنامج edit لملفات pdf ، زي adobe acrobat .. و تحفظه على كده .. و ممكن تنسخ الاجزاء highlighted من الاكروبات الى word و تحفظه كملف او تطبعه .

**Land_Cruiser** · 23-03-2013 01:39 AM

الموضوع يتوقف علي ال security options اللي معموله علي ملف ال PDF بتاع الكتاب . يعني كنوع من الحمايه للملف من التعديل و كنوع من حمايه الملكيه الفكريه هتلاقي بعض الملفات مش مسموح فيها غير بالفتح فقط و ما ينفعش تعدل او تطبعها و بعض الكتب التانيه بتبقي مفتوحة و تقدر حضرتك تعمل highlight و تطبع اللي انت عايزه منها فالموضوع في النهايه هيتوقف علي ملف الكتاب نفسه و مش كله زي بعضه و ببساطه و حضرتك فاتح الملف جرب تعمل print و شوف هتلاقي الاختيار ده متاح و لا لأ للملف و منه هتعرف موضوع ال security

**M.Hosni** · 23-03-2013 09:13 AM

أولا لازم يكون عندك Adobe Acrobat Professional , علشان الـ Acrobat Reader مش بيعمل اي تعديلات على ملفات الـ PDF

لو عندك نسخة من الـ Acrobat Professional هتلاقي في كلمة Comments في القوائم اللي فوق , دي فيها انك تعمل Highlight و كمان لو عايز تكتب أي Comment , و فيها حاجات تانية كتير

وقت الطباعة هتلاقي في window بتاعت الطباعة فيها قائمة منسدلة ناحية اليمين فوق دي بتخليك تختار انت عايز تطبع ايه , فيها اختيارات انك تطبع المستند الأصلي فقط أو تطبع المستند و معاه التعليقات اللي انت عاملها و كمان فيه اختيارات تانيه

بس المهم في الاول ان الملف اللي انت عايز تعدله ميكونش صاحبه قافله ضد اي تعديل