محتاج النصيحه ...تغيير فيتس الفيليشا ام الاصلاح

**hesham70** · 06-08-2008 05:16 PM

محتاج النصيحه يا اهل الخير وعلي وجه السرعه ان امكن......... انا من مالكي فليشيا97 وكما هو معروف هي عربيه واطيه علي الارض وانا اسكن في مكان يتميز بغرف التفتيش(البلاعات) في الشارع عاليه ....اظنكم فهمتم مذا حدث خدت خبطه في حلة الفيتيس من تحت المهم الحلة وسعت هي ماتكسرتش ولكن الخبطه جات في مسمار من المسامير اللي رابطه الحله وباتالي بدات الحله تجيب زيت المهم الكلام ده حصل من تقريبا 8شهور....... في الشغل عندي ميكانيكي عمل لها حل انه جاب ورده حديد وحطها في مكان المسمار اللي في مكان الخبطه وقرص عاي المسمار فبدات الحله تنغلق شويه و بعد ذلك كمل بالمادتين اللزق حولين فاصل حله الفيتس المهم الحمد الله منع نزول الزيت ...بس دي كان حل موقت....من يومين اخدت نفس الخبطه تاني ....مش عارف ازاي سبحان الله ده قدر المهم دخلت نفس الدوامه تاني بس شكلها اصعب من المره السابقه نفس الميكانيكي حاول يعمل نفس الحل مرتين..... وكل مره يفشل والان انا في حيره من امري اشتري فيتس استيراد في حدود 1200 جنيه... اذهب الي ميكانيكي فيتس يحل الفيتس وكما قيل يعمل له جوان ام هذا غير مجدي..... كما قيل لي تكلف حوالي 300 جنيه
افتوني يا جماعة الخير وساعدوني علي وقف نزيف زيت الفيتس...جزاكم الله خيرا

**mohamed ibiza** · 06-08-2008 05:23 PM

بص تغيير الفتيس يعتبر حل جذري عشان تخلص من المشكلة لكن التكلفة عالية طبعا

لو عندك ميكانيكي بيفهم خليه يصحللك الفتيس لان حل الفتيس بالكامل و تصليحه عايز ميكانيكي بيفهم مش ميكانيكي ملوش فيها يبوظلك حاجة تانية و تدخل في حوارات كبيرة لان الميكانيكا اصلا تعتبر فتيس و كربراتير دي اصعب و ادق و اكثر الاجزاء تعقيدا في العربية لو اللي معاك محترف خليه يصلح و وفر لو ميكانيكي علي اده يبقي خلص نفسك و هات استيراد

**MOHAMED ABD EL SHAFY** · 07-08-2008 04:42 PM

بص السعر دا حاسس انه عالى اوى مش عارف ليه
الموتور كامل بالفتيس بالاضافة للمارش والدينامو والتكييف وطلمبة المياه والكربراتيير وطلمبة الزيت
كل دا بيعمله من بيعمل 2500 الى 3000 اصلا ازاى بقى الفتيس لوحدة يعمل 1200!!!! دا سعرة بالكتيير 500 جنية !!!! ممكن الجديد يعمل 1200 لكن الاستيراد اشك

**MOHAMED ABD EL SHAFY** · 07-08-2008 04:45 PM

زى ما توقعت شوف المشاركة التالة فى المنتدى بيقول الفتيس بالعافشة كاملة ب 1200

" انا لسه شارى منه فتيس لعربيتى فيليشيا 97 ركبته والله كأنه زيرو ناعم زى الحرير الحمد لله وكمان اشتريت عفشه قنطره اماميه بالمقصات بالميزان بتعهم ( انا مكنش عندى الميزان ده ولا كنت اعرف حاجه عنه هو قالى انه بيعمل استابليتى اكتر للعربيه ) دول كلهم كانوا حته واحده راكبين مع بعض فى القنطرة ببرشام المصنع والله والله كانوا فابريقه بالتيكت ومدموغ عليهم المانيا .. ركبتهم زى ماهمه حته واحده بعد ما ركبتهم فى العربيه حسيت انى راكب زيرو والله.
الموضوع ده كلفنى 1200 جنيه ( الفتيس بالعفشه ) مش عارف غالى ولا رخيص "

**hesham70** · 07-08-2008 10:13 PM

ا/ محمد علي فكره السعر ده شامل التركيب لاني سالت في الحرفيين منذ 6 شهور وقال لي 900 اول كلام وتخيل الزياده الحاصله في الست شهور الاخيره .....بس انا ما اخدتش رد منك.....هل تحديد السعر فقط هو المشكل؟

**MOHAMED ABD EL SHAFY** · 10-08-2008 09:41 AM

الحل من الاخر انك تشترى فتيس جديد لحل المشكلة جزريا بدون رجعة مع الاحتفاظ بالقديم لاستحدامة كقطعة غيار
ثانيا سؤالك فى الحرفيين فيه ناس معندهومش ضمير
انا بنفسى مبحبش اشترى حاجة الا لما اسال مرة و2 و3 عشان الناس معندهمش ضميير
فى مرة فى الحرفيين وسالت عن قطعة غيار فى اول محل قالى 90 ومشيت سالت اللى بعدة قالى 70 ومشيت شوية وسالت واحد تانى خالص قلى 50 وفى الاخر اشتريتها ب 40

وعلى فكرة نفس الماركة ونفس بلد الصنع وكنت ماسكها فى ايدى كمان وبسال عليها يعنى مفيش لبس فى الموضوع ولا فيه دى صينى ودى المانى انا بسال عليها استيراد وكلهم كان عندهم نفس القطعة بس بيشوفك كدا الاول عارف سعرها ولا لا وطالما داخلة بقميص وبنطلون ونظارة انسى

سعر الفتيس فى حدود ال500 الى 700 على اقصى تقدير وتركيبة فى حدود 50 الى 100 جنية بالكتيير
اسال الاول فى اكثر من مكان ولو الميكانيكى بتاعك كويس وامين ممكن يشترهولك هوا وهيعرف يجيبة ب 400 جنية كمان

**MOHAMED ABD EL SHAFY** · 10-08-2008 09:44 AM

فى مرة بردة انكسر ترس قاعدة الاسبراتيير واتقالى ان سعرة ب 150 جنية استيراد وسالت عند اكثر من واحد ولقيتة تخيل بكام !!!!!!!!!!!!!!
ب40 جنية والجديد كان ب 70 جنية !!!!!

**hesham70** · 11-08-2008 09:10 PM

علي خلفية رسالتي السابقه...... بشان تغيير الفيتيس او شراء واحد جديد ....
بسبب الظروف الاقتصاديه الحاليه ....ولله الحمد ودخول المداراس وكذلك شهر رمضان المعظم اعاده الله علينا باليمن والبركات قررت اصلاح الفتيس ...وساعدني علي ذلك ان عندي في شغلي ميكانيكي اظنه امين...والله اعلم.... اينعم هو مش متخصص فيتيس.... المهم اخذ العربيه لميكانيكي اخر في شبرا.... ونزل الفيتيس وفكه وعمل جوان ...لحله الفتيس.. ووجد شرخ بسيط فلحمه وهو قال لي انه غسل الفتيس ..المهم انه ركبه تاني والحمد لله الظاهر حتي الان انه منع نزول الزيت...ولكن هناك بعض الملاحظات
1-الميكانيكي قال لي اني سوف اجد الغيرات تقيله شويه ومش ناعمه بس ذلك
لفتره موقته لغايه التروس ...تتطبع... مره اخري وفعلا الغيارات بدات تقيله وبدات تنعم
2-الغيار الخامس محجر تماما.... ومش راضي يجي معايا خالص!!!!!! خالص!!!!! لدرجة اني خايف اذا ضغطت زيادة عصاية الفتيس تتكسر مني علشان كده مش عارف ممكن الغيار يلين بعد فتره ولا الميكانيكي عمل حاجه وبيقول كده وبس؟؟؟؟؟؟؟

**MOHAMED ABD EL SHAFY** · 14-08-2008 10:42 AM

ممكن تكون المعلقة الخاصة بالفتيس (هيا دايما بتعمل مشكلة دى اما فى الخامس او فى الاول والثانى) ومفيش حد بيعرف يظبطها اوى لو باظت يعنى تجيب جديدة احسن (دا بعد ما اتتكد ان تخمينى صح)