مشكلتي ان عربيتي أني كل يوم انزل الصبح قلاقي البطارية فاضية

**badshakhan** · 23-03-2013 09:14 PM

انا عندي مشكلة في عربيتي أني كل يوم انزل الصبح قلاقي البطارية فاضية ولازم أجيب توصيلة علشان أقوم العربية البطارية عندي لسه جديدة بقالها شهرين نوعها اديلكو وشحن الدينامو كويس ومعنديش أي تلميس في الكهرباء علشان تفضي البطارية وحطيتها على الجهاز ومفيهاش أي مشكلة.على فكرة البطارية سليمة لأني بفصل كبل البطارية لمدة يومين وبعديها بلاقي العربية تشتغل زي الفل.حد يقولي إيه الحل

**zezotec** · 23-03-2013 09:21 PM

انا كانت عندى نفس المشكلة وطلع انى لمبة الشنطة كانت ديما منورة وانا ماكنتش شيفة عشان الشنطة كانت مقفولة

**mohamed_selim** · 23-03-2013 09:24 PM

ضفيرة الكهربا الواصله من الدينامو للبطاريه
راجع عليها غالبا هتلاقى لحامات مشققه و ناشفه مبتخليش البطاريه تشحن كويس و انت ماشى

**Ahmed_Ramadan** · 23-03-2013 09:36 PM

كانت عندى المشكلة ديه فى العربية و كان السبب أرضى مقطوع فا الدينامو مكنش بيشحن العربية و هى ماشية و التحميل كان بيبقى على البطارية فا كان بتفضى أما بركنها بعد أى مشوار.

**Tarek_Swelm** · 23-03-2013 10:10 PM

المشاركة الأصلية كتبت بواسطة badshakhan

انا عندي مشكلة في عربيتي أني كل يوم انزل الصبح قلاقي البطارية فاضية ولازم أجيب توصيلة علشان أقوم العربية البطارية عندي لسه جديدة بقالها شهرين نوعها اديلكو وشحن الدينامو كويس ومعنديش أي تلميس في الكهرباء علشان تفضي البطارية وحطيتها على الجهاز ومفيهاش أي مشكلة.على فكرة البطارية سليمة لأني بفصل كبل البطارية لمدة يومين وبعديها بلاقي العربية تشتغل زي الفل.حد يقولي إيه الحل

انت قايل المشكلة و الحل في نفس الوقت , طالما بتفصل البطارية و تسيبها فترة و ترجع تاني تشتغل يبقي البطارية سليمة و عندك كبل هربان او لمبة شغالة , جرب شغل موبايلك علي الفيديو و تسجل و حطة جوة الشنطةو اقفل و بعد كدة رجع الفيديو و اتفرج علية و شوف اللمبة طفت مع قفل الشنطة ولا فضلت منورة , دة حصل معايا قبل كدة , لو مش الشنطة يبقي شوف كهربائي شاطر يكشفلك علي الاسلاك , تقريبا بتتعرف بمفك تيست و متوصل بسلك و تكون فاصل الكونتاك و بيوصل طرف السلك بالبطارية و يمشي بالمفك علي طرف الاسلاك اللي شاكيك انها ملمسة , لو التيست نور يبقي عندك تسريب كهربا
بالتوفيق ان شاء الله

**aldesha989** · 23-03-2013 10:12 PM

عندك تسريب اكيد شوف زى ما الشباب بيقولك وما تشغلش دماغك فى البطاريه لانها كده مافيهاش حاجه

**shady_26** · 24-03-2013 01:05 AM

انا كنت جايب كاسيت فنتازيا
والموضوع ده كان عندى
عشان مكنتش مركب حاجه اسمها جت واى

**Land_Cruiser** · 24-03-2013 02:13 AM

في حاجه في العربيه بتسرب كهربا .. جايز يكون سلك ارضي ، لمبه منوره ،انذار ، كاسيت ، سلك ملمس و هو ده اللي بيفضى البطاريه و لازم حضرتك تعرف ايه السبب و تعالجه

**أحمد جودة** · 24-03-2013 08:37 AM

زي ما الاخوة قالو لازم يكون فية تسريب راجع على وصلات الكهرباء
كان عندي نفس المشكلة وطلعت من الكاسيت كان بيفتح باور لوحدة

أكيد هيكون عندك حاجة بتهرب كهربا