بصراحه الانهيار دلوقتى بقه فى كل شئ
وبدأ بالانهيار الاخلاقى
انا افتكر كويس اوى ان ابويا وهو راجع من الشغل الساعه 4.3 عصرا
الساعه تدق ونص الاقيه بيخبط واللى نايم يتعدل واللى حاطط رجل على رجل ينزلها وكان فى احترام
دلوقتى الراجل يبقى كبير وشايل ابنه والواد يسبله الدين والراجل يضحك
مره ابويا قالى خد اخوك وروح النادى العبو والنادى بعيد عن البيت بشارع واحد فقط
وانا طبعا عزمت الشارع كله على النادى ولما ابويا عرف اكلنى حته علقه بالحزام
علقه افترى ولكن لو ماكانش عمل معي كده ماكنتش هنفع لان كان عندى ميول للانحراف من صغرى
بشرب المكرونه اللى بره المدرسه اللى فى الحمص
والدوم اللى كان محظور والحرنكش واللب السورى والتفاح العسل وحب العزيز
والبندقيه النشان وتأجير العجل والموتوسيكلات
بس على مين كنت بعمل كل حاجه برضو
امال لو كان سايبنى بقه كنت طلعت تاجر مخدرات عالمى فى المافيا
المفضلات