ايدي بها شد بقالها فتره من الجيم

**3mr Farrag** · 26-03-2013 08:39 PM

انا كنت مش بنزل الجيم بقالي كتير
ونزلت من فتره و زودت علي نفسي شويه في الاوزان في تاني اسبوع
المهم ايدي الاتنين و الاكثر اليمين شدت جامد و كانت سخنه
وكانت العروق نفره كذا اسبوع
ومش بقدر استعملها جامد بالاخص اليمين و بتتعبني لو عملت حاجه فيها مجهود عضلي
حطيت مرهم في كول و كنت بعمل كمدات سخنه قبليها

انا بقالي حوالي شهر او اقل ايدي طبعا اتحسنت كتير
بس قولت انزل الجيم تاني و عمال اسخن بالدانبلز و العب ضغط في البيت علشان اشوف ايدي هتعمل ايه

هي ماشي حالها بس اليمين بتسخن عن الشمال بفرق

انا مش عارف ايه المشكله الظبط و اعمل ايه
انزل عادي الجيم ولا لأ

**3mr Farrag** · 27-03-2013 11:43 PM

ما فيش حد من الدكاتره يرد عليا!!!!!

**buddha** · 28-03-2013 12:16 AM

استعمل مرهم "اولفين"
او مرهم "فولتاريين" ودة جميل جدا جدا

**3mr Farrag** · 28-03-2013 02:59 AM

اللي اعرفه ان الفولتارين و الحاجات ديه ذي المسكن فقط
انا مش عايز مسكن
عايز حل انها تبقي عاديه و اعرف انزل الجيم عادي و ماتتعبنيش
عماله تسخن و حاسس بشد خفيف اليومين دول علشان قعدت العب شويه في البيت
ا

**buddha** · 28-03-2013 03:39 AM

يا باشا انتا فاهم الموضوع غلط

طول ما فى الم طول ما يكون فى تورم اكتر وياخد فترة اكبر

لازم تخدر المنطقة دى عشان تديها فرصة انها تبداء تعالج نفسها بنفسها وتموت الخلايا التالفة وتتجدد

العملية انك بتوقف الالم وبالتالى الالتهاب يبتدى يقل لحد ما يختفى ويختفى معاة التورم

**3mr Farrag** · 28-03-2013 03:45 AM

خلاص تمام اجيب فولتارين
انا مخنوق من ايدي جدا و عايز انزل الجيم و مش عارف

بس الغريبه انها كانت اتحسنت و مش بتتعبني
اول ما بدات اسخن لعب في البيت بدأت تاني

الف شكر يا باشا

**Y a r i s** · 01-04-2013 04:17 PM

سلامتك الف سلامة يا عمر باشا
صحيح اسموا ايه الجيم الي انتا بتروحلوا وفي انهي حي قولتلي !

**3mr Farrag** · 05-04-2013 02:39 AM

ياريت حد من الدكاتره يرد عليا
الموضوع زاد معايا
من يوم اضطريت اعمل حاجه بالشكوش الكبير (المرزبه)
و ايدي تعبتني و العروق نفرت تاني و بقي فيه حرقان
قعدت اقرأ شويه علي النت و لقيت انه ممكن كمان فيه التهاب في الاعصاب او نقص فيتامينات الاعصاب
اخدت الصبح حقنه بي 12
وبدهن بفولتارين
ولسه ايدي بتحرقني غير العضل تاعبني
انا عايز حد يقولي حتا اروح لدوكتور ايه
اعصاب ولا اي حد ليه علاقه بالعضل برضوا

**buddha** · 05-04-2013 03:55 PM

هو الموضوع كلة انك مبتعملش مجهود كبير كل يوم او شغلك لا يحتم عليك العمل باستخدام العضلات

فلما مثلا تبقى عايز تعمل شغل بنفسك ويكون الشغل محتاج قوة زى ما انت بتقول شغل بالمرزبة اكيد اكيد ها تتعب جامد والعضلات والاعصاب ال مش واخدة على الشغل دة ها تتعب جامد

دة طبيعى جدا جدا بس لو كنت على طول شغلك وطبيعة يومك فيها شغل شقى بالتعود مش هيحصل حاجة زى كدة

مثال تانى انت بتروح جيم واغلبية الناس بتهتم بالجزء العلوى من الجسم وخلاص اخدت على الاحمال
لما تيجى مرة وتقول عايز اللعب رجل...... هيحصل معاك تعب جامد جدا لانك مش معود الجزء دة على التحميل علية

بخصوص العلاج
انت جربت فولتارين ومعملش حاجة ودة لان انتا جربتة قبل كدة زى بالظبط المضاد الحيوى لو جربت نوع لاول مرة يجيب معاك نتيجة لو جربتة بعد فترة هوة هو مش هيعمل حاجة

جرب نوع تانى مختلف وان شاء الله يعمل مفعول
مثلا "الاولفين"

وخد معاة"اقراص ديمرا" dimra

دواعى الإستعمال

يعطى ديمرا تأثيرا سريعاً فى إزالة الألم وإستعادة حركة العضلات فى الحالات المصاحبة لألام وتقلص العضلات للأسباب مختلفة
ألام العضلات
الصداع الناتج عن شد العضلات
الإلتهابات الروماتزمية وإلتهابات العظام واللمباجو
ألام الطمث
آلآم ما بعد الولادة

[shfaf2]http://www.agzakhana.com/images/detailed/9/Dimra.jpg[/shfaf2]

-

الموضوع: ايدي بها شد بقالها فتره من الجيم

LinkBack

أدوات الموضوع

عرض

ايدي بها شد بقالها فتره من الجيم - انشر الموضوع فى :

-

-

-

-

-

-

-

-

المواضيع المتشابهه

حد هنا لية فى الجيم ولعب الجيم وبينزل جيم ؟؟؟

للأسف ايدي لعبت في الالنترا ..

الحقوووووووني يا اصحاب الخبرة ....الموضوع خرج من ايدي

دي لو بنتي محدش هيقدر يخلصها من ايدي

الكلمات الدلالية لهذا الموضوع

المفضلات

المفضلات

ضوابط المشاركة