إللى عنده خبرة فى GPS Tracker للعربيات يساعدني

**ahmedjemy** · 27-03-2013 04:46 PM

بسبب كثرة سرقة العربيات بالاكراه فكرت اركب جهاز GPS Tracker وفعلا جبت عرضين من شركتين الاولى Xpressline والثانية 2Find Me همة تقريبا بنفس المواصفات والسعر يعني الاتنين بيجيبو مكان العربية بالاقمار الصناعية وتقدر توقف كهرباء العربية برسالة من الموبايل وده المهم عندي الشركتين بيضمنو الجهاز لمده سنة وفي بطارية داخلية علشان لو فصلو كرباء العربية وبتقعد لمدة من 7 الى 12 ساعه . هل فى شركات تانية مش صيني وهل حد جرب الاجهزة دى او فادت اى حد فى موضوع السرقات ولكم جزيل الشكر .

**ahmedjemy** · 29-03-2013 10:36 PM

مفيش حد يساعد الغلبان بمعلومة كل المشاهدات دي ومفيش مساعده :(

**Khaled Online** · 29-03-2013 10:38 PM

فيه موضوعات كتير في المنتدى العام عن الحكاية دي. لو دورت شوية هتلاقي طلبك إن شاء الله

**ahmedjemy** · 29-03-2013 10:45 PM

متشكر يا استاذ خالد انا هدور ولو تساعدنى بلينكات اكون شاكر :)

**Khaled Online** · 29-03-2013 10:56 PM

المشاركة الأصلية كتبت بواسطة ahmedjemy

متشكر يا استاذ خالد انا هدور ولو تساعدنى بلينكات اكون شاكر :)

العفو على إيه :)
ده القسم وفيه موضوعات كتير: ساحة الملاحه البرية وتحديد المواقع GPS اجهزة وخرائط - نايل موتورز - NileMotors.net
وده موضوع مفيد جدا: http://www.nilemotors.net/Nile/338930-gps-trackers.html
عيش بقى :)

**adel_edrees** · 30-03-2013 11:44 AM

ماشى كل ده جميل جدا جدا لكن للأسف عي قابل للتطبيق بسبب الضمان دى حاجة و علشان كمان أن الحاجات دى غالية جدا

**ahmedjemy** · 02-04-2013 10:32 AM

المشاركة الأصلية كتبت بواسطة blackhorse123

انا مش عارف ايه اللى انت عايز تعرفه فى ال جى بى اس تراكر
انا مركب الجهاز ده فى عربيتى لوجان 2012 بس طبعا خرجت بره الضمان
الجهاز فى وحده فصل بتركب على طلمبه البنزين ووحده تانى بتضع فيها شريحه الموبايل علشان تستقبل الرسايل وتنفذا اوامرك عن طريق اكواد انت بتبعتها من موبايلك
ايوه بتشوف فعلا العربيه عن طريق موقع الجهاز وكمان بتشوف متوسط سرعتها وفى اى مكان موجوده
وكمان بتشوف هى ركنت فين وكام من الوقت وفى مميزات كتير

انت ايه المشكله عندك ............ على فكره كل الاجهزه اللى نازله معظمها صينى
بس ان شايف ان الجهاز ممتاز وشغال عادى مفيش اى مشاكل

متشكر جدا blackhorse123 على مشاركتك :) انا بس متخوف من تركيبة سعره فى حدود 2000 جنية والعربية فى الضمان ومعنى كدة ضفيرة الكهربا هتطلع برة الضمان وعلشان كدة بسال عن هل فعلا عملى اني اركبة لان الثمن كبير , ممكن اسالك اية النوع اللى ركبتة والشركة بتاعتة فين وبكام وهل جربت فعلا تفصل طرمبة البنزين للتجربة من فاعليتة ؟ معلش تقلت عليك

**mado83** · 02-04-2013 10:45 AM

اعرف مهندس بيركبه تمنه 950ج بالتركيب ومواصفاته كالاتى :
- ايقاف محرك السياره برساله sms وتحديد موقعها بدقة متناهيه
-امكانية متابعة السيارة لحظيا
- اعطاء تنبيه على هاتفك في حاله فتح باب السيارة .
- وجود زر استغاثه في حالة قطاع الطرق يرسل ل 3 اشخاص تحددهم بموقعك
- لا يوجد ارايل او اسلاك خارجيه للجهاز والتي تمكن السارق المحترف للوصول الي الجهاز او قطع الاريل بسهوله وتوقيف عمل الجهاز .
- اعطاء تنبيه على هاتفك في حاله سرقة بطارية السياره
- اعطاء تنبيه في حاله تجاوز السياره سرعة محددة
- تحديد نطاق عمل السيارة ف نطاق منطقة جغرافية محدده عند الخروج عن هذا النطاق يتم ارسال رسالة تنبيه بان السائق قد خرج عن نطاق منطقتة الجغرافية
- مزود بخاصية التنبية عند تجاوز السيارة سرعة محدده قد تم ضبطها مسبقاً
- الجهاز مزود ببطاريه داخلية تعمل في حاله فصل بطارية السياره
- اعطاء تنبيه في حالة رفع السيارة على ونش
- اعطاء تنبيه في حاله اصطدام السياره مع امكانيه ظبط حساسيه سنسور الاصطدام
- النظام يعمل بنظام اسم المستخدم وكلمة السر

**ahmedjemy** · 02-04-2013 12:21 PM

المشاركة الأصلية كتبت بواسطة mado83

اعرف مهندس بيركبه تمنه 950ج بالتركيب ومواصفاته كالاتى :
- ايقاف محرك السياره برساله sms وتحديد موقعها بدقة متناهيه
-امكانية متابعة السيارة لحظيا
- اعطاء تنبيه على هاتفك في حاله فتح باب السيارة .
- وجود زر استغاثه في حالة قطاع الطرق يرسل ل 3 اشخاص تحددهم بموقعك
- لا يوجد ارايل او اسلاك خارجيه للجهاز والتي تمكن السارق المحترف للوصول الي الجهاز او قطع الاريل بسهوله وتوقيف عمل الجهاز .
- اعطاء تنبيه على هاتفك في حاله سرقة بطارية السياره
- اعطاء تنبيه في حاله تجاوز السياره سرعة محددة
- تحديد نطاق عمل السيارة ف نطاق منطقة جغرافية محدده عند الخروج عن هذا النطاق يتم ارسال رسالة تنبيه بان السائق قد خرج عن نطاق منطقتة الجغرافية
- مزود بخاصية التنبية عند تجاوز السيارة سرعة محدده قد تم ضبطها مسبقاً
- الجهاز مزود ببطاريه داخلية تعمل في حاله فصل بطارية السياره
- اعطاء تنبيه في حالة رفع السيارة على ونش
- اعطاء تنبيه في حاله اصطدام السياره مع امكانيه ظبط حساسيه سنسور الاصطدام
- النظام يعمل بنظام اسم المستخدم وكلمة السر

متشكر جدا mado83 للمشاركة ممكن استاذنك تبعتلى عنوانة ورقم موبايلة السعر مغري فعلا ونفس الامكانيات اللى محتاجها بارك الله فيك :)