عايز اشتر ى الكتاب المقدس.

**SeiffoZ** · 29-03-2013 01:27 AM

كنت عايز اشتر ى الكتاب المقدس نسخة ينفع اهادى بيها صديقة ليا مش مصرية بس بتتعلم عربى ..

فلو عايز نسخة عربى معمولة بطريقة لطيفة و متزوقه ينفع اهادى بيها .. ممكن اجيبها منين؟؟

و هل فى حد بيبيع الكلام ده فى الدقى او الزمالك و المهندسين؟؟

و الاسعار كام؟؟؟

**DOCTOReng** · 29-03-2013 02:23 AM

الكتاب المقدس متوافر بأشكال مختلفة (طبعا بنفس النص ) وأحجام مختلفة ومنها طبعات ملونة وبها رسوم توضيحية تناسب الأطفال وغيرهم وهى متوافرة فى المكتبات الموجودة داخل معظم الكنائس وكذلك المكتبات المتخصصة فى الكتب المسيحية مثل مكتبة المحبة بأول شارع شبرا وعدة مكتبات بشارع الكنيسة المرقسية (بين شارع الجمهورية وشارع كلوت بك بوسط القاهرة) وللأسف ليس عندى فكرة عن أحياء الجيزة.
الأسعار تبدأ من جنيهات قليلة وتصل لعشرات قليلة حسب نوع الورق والتجليد والألوان و.....
أرجو أن تحصل على ضالتك بسهولة وتكون هدية مناسبة للمهدى اليها وأى خدمة

**beshomilan** · 29-03-2013 10:49 AM

فعلا هو انسب مكان مكتبة المحبة فى اول شبرا او مكتبة الكاتدرائيه فى العباسيه ودول هتلاقى فيهم اكتر من شكل وجرابات جلد للكتاب شكلها مميز جدا
لو عوزت تروح مكتبة المحبه قوللى انا من شبرا اروح معاك