اصدق انهي معمل تحليل

**AHAHاHOAA** · 29-03-2013 02:20 AM

السلام عليك انا من فتره حوالي كام يوم ذهبت لاطمئن علي نفسي وعملت تحليل في معمل المختبر
وقالولي ان النتايج بتبقا تاني يوم واندهشت لما عرفت ان العينات دي بتتجمع من كل فرع وتسافر القاهره علشان تتحلل طب وايه الي يضمن انه التحليل ده يوصل سليم ؟ المهم بما انهم اغلي معمل في مصر تقريبا عملت hcv ab وكان ب 100 جنيه وبعدها بومين خدت التحيلي ومكتوب فيه hcv ab 3rd generation :weak positive
ومكتوب كومنت اني اعمل riba/rna/pcr
دول تقريبا يعملوا فوق ال 1000 جنيه او اكتر
روحت معمل تاني بس الدكتور هوا الي بيسحب العينه وبيعمل التحليل بنفسه كان
negative
قولت يمكن اجهزته قديمه روحت لمعمل وزاره الصحه وطلبت استخراج شهاده صحيه الي هيا بتكون للسفر وانا شوفت الاجهزه الي عندهم كانت حديثه ومكنش فيه حد بيحلل فيرس يوميها غيري
والنتيجه
hcv ab negative
hbs negative
hiv negative
دلواتي انا مش عارف اصدق مين معمل وزاره الصحه ولا المختبر ولا مين مع العلم ان في التلات حالات كان عندي التهاب اللوز وانفلونزا بس مش عارف دي بتاثر علي التحاليل ولا لا والمشكله اني انا من النوع الموسوس جدا يارت المساعده وشكرا

**Egyzizo** · 29-03-2013 02:54 AM

صدق نتيجة معامل وزارة الصحة
انت كده براءة وانسى الموضوع.

**أبو صلاح** · 29-03-2013 04:35 AM

معامل وزارة الصحة
مفيهاش تهريج

**ahmedhilmy** · 29-03-2013 07:53 AM

معامل وزاره الصحه اكيد ده تقريبا المعمل الوحيد المعتمد

**yaserbasha2000** · 29-03-2013 08:05 AM

كمان الاصابه بفيروس الانفلوانزا بيأثر علي نتيجه تحليل الاجسام المضاده و ده تقريبا اللي حضرتك عملته

**Medicalist** · 29-03-2013 08:33 AM

يا عم انسى المختبر اصلا نتايجهم فيها مشاكل و فذلكه
بس عايز استغلك هو الواحد ممكن يطلع الشهاده دى حتى لو هو مش مسافر ويخليها معاه لوقت اما يسافر وليها صلاحيه ولا لا ؟

**bobbozo4b** · 29-03-2013 10:57 AM

المشاركة الأصلية كتبت بواسطة medicalist

يا عم انسى المختبر اصلا نتايجهم فيها مشاكل و فذلكه
بس عايز استغلك هو الواحد ممكن يطلع الشهاده دى حتى لو هو مش مسافر ويخليها معاه لوقت اما يسافر وليها صلاحيه ولا لا ؟

++++111111 وبتتكلف كام؟؟

**Imhotep** · 29-03-2013 12:28 PM

طب حد جرب النيل للاشعة و التحاليل؟ اصل انا برضه متعود على التعامل مع المختبر اللى كان لغاية كام سنة بيتقال عليه كويس. . . و ياترى ايه احسن معمل فى النتايج المظبوطة حاليا. . . النيل شكله جديد و مقراته جديدة و نضيفه و المعدات حديثة بس مش عارف دقة نتايجهم فى التحاليل

**AHAHاHOAA** · 29-03-2013 02:03 PM

السلام عليكم شكرا علي الردود
حضرتك ممكن تعمل تحليل فيرس واحد بس لو تحب سي تقريبا ب 25 جنيه بس انا قولت اعمل التلات فيروسات واخلص فهما قالولي انت عاوزها علشان السفر وادوني شهاده كدا مكتوب فيها ثلاث فيروسات ومختومه وقالوي يبقا تعالي تاني يوم تكمل الاجراءات بس انا طنشت لاني مش مسافر وتكلفه التحليل 76جنيه صلاحيه تقريبا 3 شهور وعلي فكره لو لا قدر الله فيه عندهم شك في وجود اجسام مضاده بيطلوا اعاده التحليل من غير فلوس بس انا الحمد لله من اول مره كان نيجتف
بس مش عارف ليه المختبر ده شككني في نفسي

**M.Elgergawy** · 29-03-2013 02:21 PM

المختبر فاشل عن تجربة في نتايجه ونفس اللى حصل معاك بالظبط قالولي weak positive
وكنت بتبرع بالدم لإبني لعملية قلب مفتوح وعملت تحاليل فيروسات وطلعت negative

الموضوع: اصدق انهي معمل تحليل

LinkBack

أدوات الموضوع

عرض

-

-

-

-

المواضيع المتشابهه

معمل تحاليل في المنصورة

معمل المختبر

عايز اجهزة كومبيوتر جملة لتأسيس معمل

معمل تحليل مواد غذائية

ياريت نصيحه قبل معمل حاجه

الكلمات الدلالية لهذا الموضوع

المفضلات

المفضلات

ضوابط المشاركة