الموضوع: و ان يوما عند ربك كألف سنة مما تعدون

السلام عليكم و رحمة الله و بركاته

بما أنه النهاردة أجازة رسمى فى البلد عندنا لأنه تقريبا الHappy Friday باين و لا حاجة قريبة من كده, فقلت أدخل أقرفكم شويه.

لو أن واحد بنى آدم 100 سنة, على أساس أن هنا فى كندا الرعاية الصحية فائقة جدا و أنك تلاقى واحد عنده 90 و 95 سنة و عايش عادى و بيسوق عربيته عادى و كله تمام التما, ده شئ عادى.

المهم, لو واحد عاش 100 سنة و بعد كده مات, و بعد ما مات مباشرة, القيامة قامت, على أساس أن الميت ده ماقعدش فى القبر خالص.

يوم القيامة 50 ألف سنة من بتوعنا.

بسم الله الرحمن الرحيم

وَإِنَّ يَوْمًا عِنْدَ رَبِّكَ كَأَلْفِ سَنَةٍ مِمَّا تَعُدُّونَ (الحج 47
)
تَعْرُجُ الْمَلائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ (المعارج 4)

صدق الله العظيم

المهم, بعد كده, هننتظر 50 ألف سنة(يوم القيامة) حتى يبدأ الحساب, و اليوم عند ربنا سبحانه و تعالى بألف سنة من اللى عندنا, يعنى بالحساب العادى بتاعنا, البشر هينتظروا 50000 * 365 * 1000 = 18.25مليار سنة من بتوعنا حتى يبدأ الحساب, مش على مايخش الجنة و لا النار و العياذ بالله.

يعنى البنى آدم اللى عاش 100 سنة ده و فاكر أنه عاش كتيييييييييييييييييييير و عمل فى حياته اللى ماتعملش, هيعيش أد حياته 182.5 مليون مرة كمان على بس ما يبدأ الحساب.

و من لطف الله سبحانه و تعالى, أنه من عباده, من ستمر عليه هذه الفترة كالفترة بين الظهر و العصر.

اللهم عاملنا بفضلك و لا تعاملنا بعدك, اللهم عاملنا بالاحسان و لا تعاملنا بالميزان, اللهم عاملنا بما أنت أهل له و لا تعاملنا بما نحن أهل له, فأنت أهل العفو و المغفرة.

أنتوا ايه رأيكم فى الكلام ده ؟؟؟؟؟

كلام حضرتك غير دقيق اولا حساب الزمن في العالم الاخر او في البرزخ غير معروف
اللة سبحانة يحجب عنا اشياء لا نعلمها تفصلنا عن العالم الاخر
( فكشفنا عنك غطائك فبصرك اليوم حديد ) سورق ق )
وذلك بمجرد الموت نرى ما كنا لانراه
بمعني سقوط الحجاب بين الدنيا والاخرة او العالم الاخر
وعلى ذلك فأي شئ محجهول بالنسبة لنا وكذلك حساب الزمن

ثانيا الاية التي تشير الي ( يعرجون الية في يوم كان مقدارة الف سنة مما تعدون )ء
بناء على العلم النظرية النسبية لاينشتاين بتقول ان الجسم الذي يتحرك بسرعة الضوء الزمن جوة الجسم دة بيختلف عن الزمن الي برة الجسم
بمعني لو تحرك مركب فضائئ بين مجرتين بسرعة الضوء فترة اسبوع مثلا او شهر ايا كان فالزمن الي حيمر علينا هنا حيختلف
بمعني ان رواد الفضاء الي جوة المركب دة حيرجعوا يجدو ان مرً 6 شهور مثلا
رغم ان الفترة الي عدت عليهم وهم بيتحركوا بسرعة الضوء اسبوع مثلا

وعلى ذلك ممكن يكون (يعرجون الية دي) بسرعة الضوء مثلا او سرعة اعلى كمان فمتمر عليهم غير علينا

طيب حتقول لو كلام دة مظبوط ازاي الرسول صلي الله علية وسلم اسري بة من دارة الي المسجد الاقصى ثم عرج بة الي السماء ورجع وفراشة
مازال دافئ ولا مر 6 شهور ولا سنة ولا حاجة حقولك كل حاجة عند الله استثناء ولا يلتزم سبحانة بقواعد ولا يحكمة قواعد وهو يحكم القواعد
والرسول ( بناء علي الاية) لوعرج بة في يوم كان حيمر الف سنة ولو علي النظرية النسبية واتحركوا بسرعة الضؤ كان حتمر كذا سنة
ولكن دي طلاقة القدرة سبحانة على كل شئ وهو يتحكم في الزمن كيف يشاء وفي حديث قدسي فيما معناة لا تسبو الدهر فأنا الدهر

وتظهر طلاقة القدرة في حسابات الزمن في القصة الواردة في سورة البقرة :
( أو كالذى مر على قرية وهى خاوية على عروشها قال أنى يحيى هذه الله بعد موتها
فأماته الله مائة عام ثم بعثه قال كم لبثت قال لبثت يوما أو بعض يوم
قال بل لبثت مائة عام فانظر إلى طعامك وشرابك لم يتسنه
س وانظر إلى حمارك ولنجعلك آية للناس وانظر إلى العظام كيف ننشزها ثم نكسوها لحما فلما تبين له قال أعلم أن الله على كل شىء قدير

الله سبحانه اجرى الزمن على حماره يعني كبر وعجز ومات واتحلل لحد ما فضلش غير العظام
واوقف الزمن على طعامة فالاكل بتاعة لم يفسد يعني عدى 100 سنة والاكل ذي ما هو

وهذة هي طلاقة القدرة سبحانة )