الموضوع: لا يقودها الا مالكها بعد فك الحظر ( سيارات المعاقين )

انا والدى معاق و كنا شاريين عربية قبل كده و بعد ما عدى خمس سنين و فكينا الحظر بتاعها و تجديد الرخصة اتشال الخظر من على الرخصة لكن لا يقودها الا مالكها فضلت زى ما هيا ما اتشالتش !!
كده كده بعنا العربية و جبنا واحدة تانية و عدى عليها حاليا 5 سنين و هنروح قريب نفك الحظر انا و والدى من الجمارك بس السوال دلوقتى فى المرور هيكتبوا بردو على الرخصة لا يقودها الا مالكها زى ما حصل فى العربية الاولى ! ازاى الغى الموضوع ده بما ان كده كده العربية اتشال الحظر من عليها و ممكن تتباع لان الموضوع ده بيخلينى قلقان و انا سايق العربية عشان حتة لا يقودها الا مالكها عشان اعمله و احنا فى المرور بدل الرخصة ما تطلع زى العربية الاولى

المشاركة الأصلية كتبت بواسطة cdkareem

السلام عليكم
كنت انا وصحبى من شهر بتعمل الموضوع ده ، وكنا فكرين اننا لما نجيب ورقة فك الحظر من الجمارك يبقى كده خلاص الرخصة تطلع عادى ، وبعد ما الرخصة طلعت لقينا مكتوب فيها لا يقودها الا ملكها ، سألنا ولفينا المرور كله مكنش فيه حل غير ان لازم العربية متبقاش بأسم المعاق علشان الرخصة تطلع عادية ، غير كده هتفضل الجملة دى موجودة ومفيش حل تانى ، وعلى فكرة لو العربية بأسم والدك عادى يعنى مفيش حد هيرخم عليك قوى
السلام عليكم

شكرا لرد حضرتك .. انا المشكله ان والدى من النوع الى بيقلق اوى و يحب يمشى سليم فمش بيخلينى اسوق العربية الا و هو معايا عشان موضوع الرخصة ده .. لان سمعنا كلام ان لو انا مثلا سايق و هو مش معايا العربية ممكن تتسحب .. بس اعتقد لو بعد فك الحظر و حد وقفنى كده لوحدى صعب يرخم فالحل انى احاول اقنع والدى و ربنا يسترها بقى