الموضوع: العلم نووووور و من يطلب العلا - شوفوا بيعمل ايه

الاخوة الكرام

طبعا كلنا عارفين اهمية العلم و المذاكرة لالالالا مش كده

و انا اتصفح موقع للصور ( موقع روسى ) ووجدته يعرض صور للتلاميذ فى ذهابهم للمدرسه

و افتكرت ايام زمان و ايام دلوقتى اللى الواحد بيدفع فى باص المدرسه ثمن تعليمه فى سنه كامله


ما علينا , ما تيجوا نشوف الناس التانيه بتروح ازاى



تخيل تعدى كل يوم بالشكل ده (اندونيسيا 2012)




برضه الهوا النضيف له الاثر الاكبر فى الاستيعاب (افغانستان 2009)




اكيد يلبسوا على باب المدرسه - مش معقول هايدخلوا كده (اندونيسيا 2012)

الجميل بقى ان الموقع روسى و لكننا و الحمد لله متواجدين فى اى مكان

ووجدتهم حاطين صوره من مصر



الناس دى بتستهبل - ما العيال راكبين العربيه و زى الفل , ييجوا ايه جنب بتوع اندونيسيا

بصراحه وريت الصور لابنى و قولتله شوف لو مذاكرتش هاسفرك عند الناس دى

الحمد لله كما ينبغى لجلال وجهك وعظيم سلطانك
الحمد لله على نعمه التى لا تعد ولا تحصى
موضوع خفيف يا محمد بك
والله فعلا حال الدنيا غريب واختلاف الاحوال بين البشر ده من تدبير مالك الملك
المشكله ان العمليه التعليميه بقت صعبه جدا جدا فى بلدنا
يعنى ندفع الاف الجنيهات علشان اولادنا يتعلموا كويس وبرضو الخدمه مش ممتازة
ولاتوازى قيمه المدفوع فيها لأنها اتحولت لتجاره قبل ما تكون تعليم
وعن التربيه حدث ولا حرج
يعنى لازم يركز قوى مع اولادك
ومتعتمدش على المدرسه فى كل حاجه
مهما كانت كويسه او غاليه طبعا
يعنى علينا العبء الأكبر فى التربيه والتعليم كمان
وضيف عليهم قيمه التعليم ده ( الفلوس اللى بندفعها للمدارس )
ربنا معانا ويعينا على تربيه اولادنا تربيه دينيه سليمه
وتعليمهم فى مستوى تعليمى لائق
وبالمناسبه أكيد هورى الصور دى لعمر إبنى علشان يعرف الفرق
وعلشان لو عمل حاجه غلط اهدده واقوله هبعتك هناك . هههههههههههه