ياريت النصيحة

**mohamed aamer** · 30-03-2013 12:06 AM

معروض عليه فيليشيا 2000 وش اوكتافيا عامله 90 الف كيلو وصاحبها طالب 38 الف وفيها تكييف بيقولى الفابريقة
اولا تمنها مناسب ولا لأ
تكيفها حيشتغل كويس ولا موضوع السخونية حيخلينى ماعرفش اشغله ؟؟ خصوصا انه حاليا مش شغال بس هو قالى انه موضوع سهل وحيشغله!!!
العربية ينفع تكون فيها تكييف فابريقة بس مافيهاش باقى الزيادات زى ازاز الكهربا وكده ولا التكييف يكون متركب ؟؟ افيدونى

**adiaa222** · 30-03-2013 08:10 AM

بس ياباشا من الاخر:عايز عربية بتكييف محترم تشغلة فى الاجواء الحارة جدا يعنى 38( درجة وانتى طالع ومتعملش مشكلة فى سحب العربية) تبقى تنسى موضوع انك تشترى عربية اقل من 1500cc حتى لو التكييف فبريكة
انا بقولك لية كدة عشان تركز ولما تختار عربية 1300cc يبقى تجيبها من غير تكييف احسن وتوفر الفلوس الزيادة عايز تكييف فى العربية وميبقاش زينة فيها تبقى تسنى شوية لغاية متوصل فلوسك 45الف وتشترى عربية تناسب احتياجاتك وبالتوفيق

**adiaa222** · 30-03-2013 08:21 AM

بالنسبة للعربية المعروضة عليك احسن حاجة فيها انها عاملة كيلومترات قليلة المفروض ان حالتها تبقى ممتازة وموضوع السخونية سيبك منة وميشغلشى بالك طول مانتا مظبط دورة التبريد يبقى خلاص الموضوع منتهى. لكن الفكرة زى مقولتلك انا استخصر ادفع 38 الف فى عربية تكيفها هيتعبنى ويتعب العربية وبالتوفيق ومتنساش صلاة الاستخارة

**sakr_skoda** · 30-03-2013 09:23 AM

38 الف جنيه سعر مناسب فى الايام دى لان اسعار السيارات الجديدة والمستعملة ارتفعت مع الاتفاع سع الدولار........

اما عن تكييف فبريكة اه فى تكييف فابريكة فى موديل 2000 انا معايا فيفوريت 1994 ونازلة بتكييف فبريكة انما انك تشغله فدا صعب جدا خصوصا فى اجواء مصر وطقسها الحار صيفا فحضرتك انسى فعلا التكييف الا اذا كان الموتور 1600ccانما 1300 فامنصحكش تشغل التكييف....

العربية بالسعر دا فى مجملها مناسب فى الوقت الحاضر المهم اكشف عليها فى مركز خدمة محترم ....*

ربنا يوفقك فى فليشيا بنت حلال....*

**المنسي** · 30-03-2013 11:24 AM

بالنسبة للسعر مش هاقدر افيدك فيه اوى خصوصا الايام دى ومع ارتفاع الاسعار فى الجديد والمستعمل بس زى ماللزملاء قالولك اللى يخليك تدفع مبلغ زى ده فى عربية 1300 ممكن تجيب لانوس 1500 اغلى شوية وهيبقي تكييفها هتقدر تشغله ... وبالتوفيق

**المنسي** · 31-03-2013 03:32 PM

عليك بالاستخارة وربنا يوفقك

**aw2100** · 02-04-2013 12:05 AM

المشاركة الأصلية كتبت بواسطة المنسي

بالنسبة للسعر مش هاقدر افيدك فيه اوى خصوصا الايام دى ومع ارتفاع الاسعار فى الجديد والمستعمل بس زى ماللزملاء قالولك اللى يخليك تدفع مبلغ زى ده فى عربية 1300 ممكن تجيب لانوس 1500 اغلى شوية وهيبقي تكييفها هتقدر تشغله ... وبالتوفيق

انا زعلت قوى من مقارنة اللانوس بالفليشيا معلش فية فرق كبير قوى والحكاية مش مسئلة تكييف الفليشيا افضل فى كل الأتجهات من اللانوس متانة وقوة وثبات غلى الأرض ؟؟؟