صنى سوبر صالون - تيدا هاى لاين - لانسر بوما هاف سبورت 2013

**hatem_swaf** · 30-03-2013 02:13 AM

السلام عليكم ايها الاعزاء

انا كنت ناوى اشترى صنى سوبر صالون2013 (هاى لاين) كنت حابب شكلها و طبعا الاوبشن بتاعتها الكتيره والمميزه وكان سعرها 122 الف طبعا بالاوفر برايس
لكن لاحظت ان فيها مشاكل زى ان العربية دي صاجها ضعيف جدا + تيله الفرامل الهنديه الاماميه + الثبات بيقل بعد سرعة 140 + بيظهر بعض عيوب التقفيل اللي هي غالبا بتكون اصوات من الصالون . ولا ده عادى استحمله ؟
طبعا قلقت لان معايا لادا 2107 مصرى و عانيت الامرين من التقفيل المصرى

وده خلانى افكر فى اختها تيدا السيدان هاى لاين (فل اوبشن ) لانى مش حابب خالص الهاتش باك هى بحوالى 133.5 الف وقريت كتير ملقتش فيها مشاكل الا ثباتها ضعيف بعد 160 كيلو وصوت زقزقه فى الكونسول مش عارف اذا كانت فيها مشاكل تانى ولا لا وبرده سامع ان فيه شكل جديد نازل ؟

وبفكر ايضا فى لانسر بومه 2013 1600 هاف سبورت 137 الف ناس كتير شكرت فيها زى التيدا بس انا شايف كونسول بتاعها فقير و نفس الشكل من سنين عارف ان ده يديها ميزه ان قطع غيارها منتشره واى حد يفهم فيها ومشاكلها تكاد تكون مفيش

بجد انا متلخبط اجيب الصنى اللى عجبانى ولا ابعد عنها واجيب التيدا اللى هى اقوى من الصنى و موتور احسن ولا اجيب لانسر البومه اللى مفيهاش مشاكل و سعر اعاده بيعها ممتاز مع انى مش بفكر ابيع

ياريت تفيدونى لانى بجد دماغى صدعت من كتر التفكير
وشكراااا

**omar-saad** · 30-03-2013 02:45 AM

تيدا من غير تفكير
عربية واسعة جدا من جوة
تقفيل محترم
تكنولوجيا اعلى من اللانسر والصنى
تسارع ممتاز على جميع السرعات
توكيل محترم

**fares_311** · 30-03-2013 04:24 AM

التيدا عربيه ممتازه والله

**Sehsss** · 30-03-2013 05:40 PM

تيدا طبعا

**hatem_swaf** · 31-03-2013 01:07 AM

كلكم قولتوا التيدا احسن ممكن حد يوضحلى ليه هى احسن وهلى فكرا ثبات السيدان كويس ولا فيه مشكله وكمان صوت التزيق للكونسول فى الهاى لاين موجود ولا لا
اتمنى التوضيح وشكرا لمروركم الكريم