المساعده يا شباب : مطلوب النترا 2007 أو 2008

**ahmedpharma** · 31-03-2013 03:26 AM

السلام عليكم

ازيكم يا شباب

بعد فترة من التفكير و المقارانات قولت اغير الأكسنت اللي معايا

توكلت على الله و قولت اشتري عربية النترا 2007 أو 2008 اتوماتيك هاي لاين حالتها كويسة (عشرة عمر مع هيونداي)

مش لازم تكون فبريكة بالكامل و الكلام الكبير ده بس تكون حالتها العامة كويسة

أنا عايز مساعدتكم لأني تعبت من التدوير

بقالي أكتر من شهرين بأدور و مش لاقي

كل اللي موجود الاتوماتيك العادية فبها واحدة او اتنين فقط من الكماليات مش كلها

العربية الوحيدة اللي لقيتها بالمواصفات دي و حالتها كويسة كانت موديل 2007 و صاحبها ربنا يهديه طالب فيها مبلغ فلكي (105 ألف جنيه) !!!!!!!!!!!!!!!!!!!

و الباقي اللي لقيته شغل تجار عربيات حالتها مش كويسة

بس واضح أن فئة الهاي لاين مش منتشرة في الموديل ده

أنا اللي عارفه أن الهاي لاين بيبقى فيها جنوط سبور و abs و ايرباج و تكييف تتش و تارة ملتي و فرش جلد و فتحة سقف

مش مهم بالنسبة لي فتحة السقف و (الفرش الجلد ممكن يتعمل) لكن المهم باقي الكماليات

أولا: محتاج خبرتكم في أني أعرف العربية بالكماليات دي تعمل كام تقريبا

ُثانيا: يا سلام لو حد هنا في المنتدى عنده عربية بالمواصفات دي و عايز يبيعها
أو لو حد يعرف طريق عربية بالمواصفات دي معروضة للبيع يدلني عليها

و لكم جزيل الشكر على اهتمامكم

**monamize4** · 31-03-2013 07:55 AM

انا بدور برضه على نفس الانترا HD و للاسف ملقتش ولا واحدة 2007 فيها abs بس انا ماصادفش معايا هاى لين 2007 ابدا , هل 2007 فيها abs ? انهى فئة? انهى فئه ف 2009 فيها abs?

**khaabas** · 31-03-2013 09:41 AM

مع احترامى يا كبير عمرك ما هتلاقى النترا حالتها نضيفة لان مفيش حد بيفرط فى الالنترا لانها من غير مبالغة حته دهب انا شخصيا لو معاى النترا هخليها معايا واجيب جنبها لو قدرت

**ahmedpharma** · 31-03-2013 11:07 AM

المشاركة الأصلية كتبت بواسطة monamize4

انا بدور برضه على نفس الانترا HD و للاسف ملقتش ولا واحدة 2007 فيها abs بس انا ماصادفش معايا هاى لين 2007 ابدا , هل 2007 فيها abs ? انهى فئة? انهى فئه ف 2009 فيها abs?

في كذا فئة في النترا 2007 فيها abs اللي هيه هاي لاين و الفئة اللي قبلها
و في كمان فئة فيها جنط اسبور و ايرباج و abs من غير باقي الكماليات
و بيتهيألي و الله أعلم نفس الكلام ينطبق على 2009

**ahmedpharma** · 31-03-2013 11:15 AM

المشاركة الأصلية كتبت بواسطة ozy2026

انا معايا 2007 هاى لاين (بس مش عاوز ابيع) معلش بقى
هى بيبقى فيها abs وكل اللى حضرتك قلته
بس مفيهاش فتحه سقف
وعلى فكره بيبقى فيها جنط 16 مش 15 زى ال 2009 : 2012
بس على فكره هتتعب عشان تلاقيها علشان هى قليله قوى اصلا انا نفسى لما بابقى ماشى فى الشارع مش باشوف الجنط ده خاااالص

مش ناوي تبيع بأه و لا ايه ههههههههههههه
ربنا يباركلك فيها و يحفظهالك
يا باشا أنا مش لسه هاتعب أنا تعبت خلاص و قربت ازهق من التدوير
و هي فعلا نادرة مش منتشرة
ان شاء الله ربنا يكرمني و ألاقي واحدة كويسة

**ahmedpharma** · 31-03-2013 11:23 AM

المشاركة الأصلية كتبت بواسطة khaabas

مع احترامى يا كبير عمرك ما هتلاقى النترا حالتها نضيفة لان مفيش حد بيفرط فى الالنترا لانها من غير مبالغة حته دهب انا شخصيا لو معاى النترا هخليها معايا واجيب جنبها لو قدرت

الالنترا hd فعلا عربية محترمة و ما حدش بيفرط فيها بسهولة
بس أكيد في ناس بتبيع عشان تجيب حاجة أعلى مش لازم كلها تبقى عربيات متهانة أو عربيات ايجار
يعني بيبيعوا و يجيبوا النترا الجديدة أو يعلوا فوق شويتين و يجيبوا بي ام و لا مرسيدس

**ahmedpharma** · 31-03-2013 11:35 AM

أستاذ khaabas أنا هاقول لحضرتك على موقف حصل معايا يدل على أن أصحاب الالنترا hd ما بيفرطوش فيها بسهولة

من حوالي 10 أيام لقيت اعلان على كونتاكت حد عارض النترا 2007 هاي لاين عدا فتحة السقف
و فابريكة بالكامل و كان سعرها 80 الف المهم كلمته الساعة 10 و نص بليل
و اتفقنا على ميعاد للمعاينة تاني يوم الساعة 12 ظهرا
كلمته الصبح الساعة 10 قبل ميعادنا يساعتين عشان أأكد عليه الميعاد
لقيت حد غيره بيرد على التليفون و بيقوللي أنا أخوه و العربية اتباعت
يعني العربية اتباعت من 10 و نص بليل ل 10 الصبح تاني يوم !!!!!!!!!!

ده طبعا معناه أن الراجل غير رأيه بعد ما عرضها للبيع و قرر ما يبيعش

**ahmedpharma** · 31-03-2013 11:39 AM

يا شباب أنا عايز مساعدتكم لأني تعبت من التدوير

النترا 2007 أو 2008 هاي لاين عدا فتحة السقف

يا سلام لو حد هنا في المنتدى عنده عربية بالمواصفات دي و عايز يبيعها

أو لو حد يعرف طريق عربية بالمواصفات دي معروضة للبيع يدلني عليها