السم في العسل وبرامج تغييب العقول

**Karim_Monir** · 31-03-2013 02:23 PM

انه عالم الميديا يا اصدقائي
مخدرات العصر الحديث
اربح من الدعارة والمخدرات والسلاح
سيطر علي عقول ارهقتها سنوات الثلاثي المدمر لاي دولة قوية
الفقر..الجهل..المرض
امتلك قناة تليفزيونية واصطنع بعض المشاجرات التافهة مع من هم اتفه منك
تاتي اليك الاعلانات حسب نسبة المشاهدات التي تقيسها اجهزة بالغة الدقة
وان لم تكن تافها لصنع المشاكل
نزل شوية افلام مسروقه من علي الانترنت واكتفي باعلانات الحباية الخضرا والحمرا والمكنسة العجيبة واللحاف الرهيب
وستصبح ايضا مرموقا يشار اليه بالبنان في مجتمع تافه عايش حياته كلها ورا قنوات تستنزف عمره وعقله وامواله
وماتنساش تعمل برنامج تجيب فيه اي مذيع هايف او لعيب كورة جاله رباط صليبي وبطل يلعب او رقاصة طلعلها كرش وبطلت تقرفنا بشكلها بقت تقرفنا بافكارها في السياسة
وهايعملو احلي بي بي في دماغ المتفرجين من نوعية البي بي اللي يكيفهم ويستنو البرنامج وكانه صلاة العشاء عشان يكتفو من يومهم وينامو
وهاتنهال عليك فلوس الاعلانات في ساندوتشات الهامبرجر بالكاتشب واكسترا تشييز كمان
وتقعد تلم فلوس ولا قارون في زمانك

مستني ايه وقاعد تقرا كلامي الهايف
قوم الحق برنامج علانة ولا ترتانة بحشو الاعلانات الرهيب وهاتلاقي نفسك بتشتري اي منتج يتذاع اعلانه بدون وعي وارادة
ونفذت كل اهداف صانع البرنامج وانت مغيب لانه باختصار
السم في العسل

كريم منير

**alexaway** · 31-03-2013 08:03 PM

متفق معاك في كل ما قلته ولكن المصيبة الاكبر عندما نري شيوخ ايضا يلعبون نفس اللعبة ويظهرون فى الفضائيات من اجل حفنه من الاموال ويحاولون تأجيج مشاعر الناس واستغلال عاطفيتهم الدينية ,اللي يعجبهم يتغزلون فيه ويقولون عليه خليفة المسلمين واللي ميعجبهمش يقولوا عليه خوارج .
وطبعا كل ما صرخ الشيخ بصوت اعلي يأخذ شهرة اكثر ويصبح هو حامي حمي الاسلام والباقي هما مجرد كافرون يقام عليهم الحد .
تحياتي

**Sherifmt** · 31-03-2013 08:37 PM

واسمحولي اضيف انه بدأ كمان بجانب التغييب والتفاهة بدأ يحصل توجيه للتفكير السلبي عن طريق اعلانات المسابقات والدجل والرنات وغيرهم كتير وأخطرهم أعلان خدمة للمحمول لبرنامج mmu أخطف واطلب فدية !!! أعلان بقالة سنتين بيتعرض بشكل يومي علي اكتر من قناه من دول !!! هل ممكن حد يتخيل ان ده برنامج ناجح للدرجة دي بالعكس البرنامج بيشجع علي الخطف وطلب فدية واللي بقت ظاهرة بشعة ومع كل الأسف لسة بيتذاع وكله غسيل دماغ مدفوع الثمن نفسي ترجع الرقابة وترحم الغلابه من غسيل الدماغ وتنضف وتطهر قنوات النايلسات ......تحياتي من مكه

**تامر.محمد** · 31-03-2013 10:01 PM

صدقت و الله يا رجل

**bmya** · 01-04-2013 03:54 AM

هو ايه برنامج اخطف واطلب فديه ده ؟

**A_H_M_A_D** · 01-04-2013 10:13 AM

كلامك مظبوط يا كريم , انا مابستحملش اقعد اتفرج على اي قناة او برنامج من دول , بيجيلي ارتكاريا , عشان كده مابتفرجش دلوقتي غير على مجموعه قنوات mbc بس من النايل سات كله

**Sherifmt** · 01-04-2013 10:30 AM

المشاركة الأصلية كتبت بواسطة bmya

هو ايه برنامج اخطف واطلب فديه ده ؟

هو أعلان لبرنامج للموبايلات لو عايز تبعت صور وفيديو لموبايل تاني اسمة mmu والفكرة بتاعة الأعلان عن عصابة خطفت كلب وبتطلب فدية من صاحبة وبتستخدم البرنامج لأرسال صورة لطلب الفدية......والكل مبسوط ومفيش أسهل من الحرام.