عمرة موتور

**medo500** · 01-04-2013 02:18 PM

انا عاوز انقل للاخوه هنا تجربه بتاعت واحد صاحبي عمل عمرة لعربيته عند واحد ميكانيكي جاره وحبيبه خالص وبعد ما جاب طقم البساتم وطلبات العمرة سابهم للميكانيكي الي المفروض انه ثقة وجيران واكلين مع بعض عيش وملح طبعا الميكانيكي ركب الحاجة وشغل العربية والراجل سابها 3 ايام شغاله المفترض انها اخدت حقها في التليين صاحبنا بعد ما استلم العربية من عند الميكانيكي اخدها وسافر اسكندرية في نص السكة العربية جابت موتور طبعا قطرها لغاية ما وداها لميكانيكي تاني وفكوا الموتور لقيوا البساتم قديمة ولا كأنها تعرف حاجة عن العمرة طبعا اشترا طقم عمرة من الاول وركبة ورجع للميكانيكي جاره طبعا هبدوا علقة تمام وفي الاخر الصنايعي الي عنده جاب طقم العمرة بتاعت صاحبنا بكرتونتها زي ما استلمها وقاله المعلم مايقصدش ده كان عاوز يوفرلك
طبعا صاحبنا غلط انه وضع ثقته في ناس مش اهل للثقة وطبعا مانقدرش نقول ان كل الصنايعية بيعملوا كده بس الواحد يكون واعي لنفسة ولو هايعمل اي شغل عند اي صنايعي لازم يكون واقف علي دماغه ويشوف حاجته وهي بتتركب قدام عينية علشان حتي علي الاقل يكون مستريح نفسيا
معلش انا طولت عليكم بس حبيت انقل التجربة دي علشان الناس الي عندها شغل في عربياتها بتعمله تكون عارفه الناس دي بتفكر ازاي وبتعمل ايه