هوا لازم الواحد يبقى معاه فيزا كارد ؟

**Deshahcoka** · 02-04-2013 12:02 AM

رجالة انا مستغرب من موضوع

انا معيش فيزا و مش مقتنع بيها اصلا ! يعني انا متربي على مبدأ الي معاه يلزمة و الي معهوش ميلزموش ...

يعني لو محتاج حاجة بفضل احوشلها كام شهر لغاية ما اجبها ! و هكذا و على قدي كل شهر لو زوت او قللت المصاريف

لقيت واحد بيقلي يعم انا عايش حياتي كلها بالفيزا مع اني عندي فلوس بس عشان اعمل تاريخ في البنك يعني عشان ميبقاش حسابي بس توفير سحب و ايداعات و بس لازم تعمل فيزا عشان البنك يحبك !!! يعني تعمل شهادة و تطلع فيزا !

الكلام ده صح ؟ يعني انا كدة عشان عندي حساب من غير فيزا البنك مش شايف مني فايدة ؟ و لو عزت فيزت السفر ديه مش بيقولوا تطلع كشف حساب و كدة لازم فيزا يعني ؟ او كريت كارد قصدي يعني مستر سواء !

**dede_dodo88** · 02-04-2013 12:26 AM

لأ مش لازم طبعاً..
لو تعاملاتك المالية مش متطلبة كارت أئتمان و عارف تظبط أمورك كده فأكيد بلاش تطلعه لأنه بيدخلك في دوامة و ممكن تفقد السيطرة على أنفاقك..
هو من ناحية البنك فهو أكيد بيفضل أنه يستفاد من العميل بأي حاجة حتى و لو بكارت أئتمان.. و في بنوك مش بتفضل أصلاً تخلي عندها حسابات لناس مش مطلعين أي تسهيلات تنفع البنك..

**Ahmed_Adham** · 02-04-2013 02:44 AM

أنا بستخدمها كوسيله دفع اونلاين وأوفلاين فعامل وديعه ب 5000 جنيه واخد عليها فيزا ب 4500 تقريبا وبدفعها مقدما يعني ممكت تحط فيها ألفين مثلا ولما تصرفهم تحط غيرهم أونلاين وتبقى كده فلوس زياده في جيبك لو نسيت تاخد فلوس من البيت وانت خارج وفي نفس الوقت أديك بتعمل علاقه كويسه مع البنك يمكن في يوم تحتاجها وبرضه لو سافرت في أي وقت عمره مثلا بتبقى معاك تصرف منها.

**ahmedteam** · 02-04-2013 10:33 AM

مش لازم تعمل فيزا و لا حاجه

خلى بالك ممكن تخليك تشترى حاجات كتيير معكش فلوسها و تدخل ف فوايد و حوارات مالهاش لازمه

**marsguy** · 02-04-2013 11:00 AM

السلام عليكم ورحمة الله وبركاته،،،

الحاجه الوحيده اللي باحس إني لازم يكون معايا فيها كريديت كارد هي لما باسافر بره وباحجز في فندق أو أأجر عربيه.

مش هايرضوا ياخدوا منك فلوس أوي ديبيت كارد، لازم كريديت كارد.

**Ahmed.Ali** · 02-04-2013 11:05 AM

شخصيا مبحبش اشيل كاش و ادفع بيه اصلا ومخلي البنك يسحب 100% من رصيد الكارت في ميعاد الاستحقاق فمبدخلش نفسي في متاهات الصرف الكتير بس الـ Plastic Money دي اختراع مريح جدا وفعلا نادرا لما بدفع كاش

**Deshahcoka** · 03-04-2013 12:39 AM

ايوة بس يعني الواحد بيحط بانزين بياكل بره بيشتري شوية حجات و مصاريف عادية يعني مينفعش تستخدم فيها الفيزا !

انا لو بشتري حاجة كبيرة او صيانة العربية لو توكيل و كدة يعني بدفع بكارت البنك الي هوا ممكن اسحب منه هوا مكتوب عليه ماستر كارد عادي مرتبط بالحساب اعتقد هوا ديبيت فعلا مش كريديت !

يعني هوا انا مش ليها فايدة عندي و موضوع شرا اون لاين برضه ملوش لزمة بالنسبالي !

لو سافرت انا مسافرتش ههه بس اعتقد لو سافرت الكارت العادي حيشغل عادي اظني اسحب كاش يعني !

**Land_Cruiser** · 03-04-2013 01:08 AM

استخدم الطريقه اللي تريح حضرتك اكتر و اللي تمكنك من السيطره علي مصاريفك. اللي بيستخدم الفيزا بيستخدمها اونلاين علشان يدفع فاتوره التليفون مثلا عن طريق الانترنت بدل ما يروح بنفسه و يقف طابور او مثلا اللي بيقلق يشيل في جيبه مبالغ كبيره مثلا او حتي بيحب يمشي بالمحفظة شبه فاضيه و فيها شويه كروت و خلاص و احيانا بتبقي مفيده في الطواريء. و الموضوع زي ما قلت لحضرتك متوقف علي انك بترتاح مع اي طريقه فيهم سواء كاش او فيزا. مفيش حاجه احسن من التانيه و الاتنين في الاخر يؤدوا نفس الاختيار يعني عامل زي كده. سؤال أشيل الفلوس في جيبي و لافي محفظه؟ شيلهم في الحته اللي تعجبك المهم في الاخر ان الفلوس تبقي موجوده و خلاص :)

**nona_yaris** · 03-04-2013 11:07 AM

العيب مش في الفيزا العيب هو طريقة استخدامها
زي السكينة ماتقدرش تستغني عنها لكن فيه ناس بيستخدموها للقتل
مش معني كدة اني اقاطع السكاكين
الكروت البنكية بأنواعها اصبحت مهمة جدا في حياتنا وكل يوم بتزداد اهميتها
كفاية انك مش مضطر تشيل فلوس
كفاية انك بتدفع بيها من غير ما تحتاج تتعامل مع ورق البنكنوت اللي مليان مكروبات ومنه ورق مزور
كفاية انك مش خايف الفلوس تتسرق منك ف الشارع
كفاية انك تقدر تتعامل وتسحب في اي بلد بالعملة بتاعت البلد اللي انت فيها من غير ما تحول عملة
كون ان فيه ناس مش تقدر تسيطر على نفسها وتشتري اكتر من دخلها ده عيبهم هما مش عيب الفيزا