هى كده جابت جوان ؟؟

**maro18** · 02-04-2013 04:13 PM

بسم الله الرحمن الرحيم

بعد ازنوكوا انا حصلى مشكله غريبه ! روحت الصبح مشوار بالعربيه و لما رجعت على الظهر كده بالصدفه البحته جدا جداا جداا قولت هفتح ابوس على الموتور معرفش لييه مع انى كنت لسه باصص علييه من يوم بابوص الاقى غطى الردياتير مفتوحو واقع على الردياتير و المياه ضربه فى سقف الكبوت انا معرفش حراره العربيه ارتفاعت ولا لا لئن عداد الحراره فاصل و عشان اشغله لزم احرك السلك بتاعه الفى الكبوت فا عملت كده لقيت الحراره مزادتش عن المئلوففلزودت مياه بس و العربيه مبطله (هل ده غلط) وشوفت مقاس الزيت ملقتش اللون بتاعوا اختلف لقيت لونو اون الزيت العادى ,,, (السياره اكسنت 2006 الشكل القدييييم)

فا انا كده عايز اعرف اييه موقف الجوان دلوقت و هل غلط انى زودتها مياه و هي مبطله ؟ و اييه الواجب فعله دلوقتى ؟؟

**mody_elmasry** · 02-04-2013 11:43 PM

بالنسبه لموضوع ان الميه ضربت في الكبوت فده عادي جدا لان اي عربيه وهي سخنه وفي درجة الحراره الطبيعيه ممنوع تفتح غطاء القربه او غطاء الرادياتير لان الميه ممكن تيجي عليك

اما بالنسبه لانك زودت ميه والعربيه سخنه ومبطله فده اكبر غلط والطبيعي انها تكون جابت جوان بس ان شاء الله خير

ولو عاوز تعرف جابت جوان ولا لا ابقي بص علي الزيت وشوفو علي الغطي عامل طحينه ولا لا يعني اختلط بيه ميه ولا لا دي اهم علامه تبين الجوان باظ ولا لا

وبعدكده اوعي تحط ميه في العربيه وهي مبطله وسخنه لكن تركن وتبطل وتستني العربيه تبرد شويه وبعد كده تدور وتفتح القربه واحده واحده تبتدي تزود ميه