قدر الله و ما شاء فعل.ربنا يسترها عليك و يفاديك من كل شر معلش و ربنا يقدرك و تعوض اللي إتصرف.بس هاقول إيه في شرطه و قوانين و ناس مصر حسبي اللله و نعم الوكيل
رقم العضوية : 84155
تاريخ التسجيل : 24Dec2010
المشاركات : 13
النوع : ذكر
الاقامة : Giza
السيارة: لانسر بومة 2009
السيارة[2]: سكودا فليشيا 97
الحالة :
أعزائى أعضاء المنتدى الكرام .. أنا حبيت أشارك معاكوا تجربتى فى حادثة العربية بتاعتى عشان -لا قدر الله- لو حد اتعرض للموقف اللى لا أحد يحسد عليه ده، يمكن يستفيد بأى معلومة من الموضوع ..
اللى حصل إنى كنت ماشى بعربيتى لانسر 2009 بسرعة حوالى 110 كم/س على الدائرى وفجأة لقيت عربية نص نقل صندوق بتعدى الدائرى بالعرض! إى والله بالعرض! المهم على ما فرملت قول وصلتله على 80 ولا حاجة ورحت لابس فى نص عربيته بالظبط بين الباب والصندوق! الحمد لله ربنا ستر والإيرباج فتح وطلعت منها سليم معافى الحمد لله مفيش بس غير خبطة الحزام فى صدرى وخلاص والحمد لله. كلمنا الشرطة 5 أو 6 مرات وكلمت واحد قريبى ظابط عشان يكلم حد أو ينصحنى بأى حاجة قام نصحنى إنى أمشى عشان الشرطة مش هتيجى! بعد وقفة حوالى 3 ساعات مستنيينهم يشرفوا، ماجوش، وكل ده طبعاً حوارات العربية دى تتصلح بكام وفصال على مين يشيل كام من التكلفة المهم بعد مايأست من الشرطة، اتفقنا إننا نطلع عالحرفيين ونقدر التلفيات هناك والسواق يشيل التلات تربع وانا الربع،، السواق طبعاً أما صدق الموقف خلص على كده راح مدور عربيته وخلع .. وانا ماقدرتش آخد منه لا رخصة ولا بطاقة ولا أى حاجة، كان رافض يتمسك عليه أى حاجة واللى ساعده على كده إنه معاه اصحابه سواقين اتجمعوا معاه ومش ممكن كنت هقدر على كل الناس دى ..(رفعت عليه قضية بعد كده وخصوصاً إن فيه إصابة الحزام وكده يبقى فيها حبس ممكن أساومه عليه) المهم راكب فى الونش أنا مع العربية وطالع زى مانا عالحرفيين، كلمت واحد زميلى فى الشغل بيتعامل فى العربيات، وصلنى لسمكرى فى الحرفيين فى بلوك 1 وقالى إن الراجل ده مجدع وشغله نضيف وأمين وهيتولى الموضوع كله من الألف لليه، وأنا عليا أجيبله قطع الغيار. قلتله آمين.. سبت العربية عند السمكرى وجيتله تانى يوم على مايقدر المصنعيه بتاعة العربية كلها بالرش، قالى 6000 هزيتها ل 5500 وقلته توكلنا على الله .. الراجل اشتغل فى العربية حوالى شهر. واشتريتله قطع الغيار وكانت تفاصيلها كالتالى:
استيراد:
قطعية نص 1700
طقم التبريد 1500
ساعة فتيس 300
قاعدة ألمونيا 300
جديد:
قاعدة جمل يابانى 350
قنطرة تايوانى 200
فانوسين تايوانى 470
رفرف تايوانى 120
كبوت تايوانى 350
اكصدام تايوانى أو تايلاندى مش فاكر 230
ملحقات اكصدام 145
5 كيلو زيت فتيس موبيل atf 320 ب 275
كرتيرة رفرف 40
شبكة أمامية صينى 120
رفايع كهربا 80
علامة لانسر 10
إجمالى قطع الغيار 6190 + 5700 مصنعية = 11890 جنيه
ولسه ماركبتش طارة الدركسيون بالإيرباج ودى تكلفتها 1500 جنيه.. ربنا يبعت!
الجميل فى الموضوع إن العربية رجعت زى ماهى ويمكن أحسن شوية فى بعض الحاجات زى الرعشة فى الدريكسيون اللى راحت لما غيرت قواعد الموتور بقواعد أصلية، والفوانيس الجديده أكيد نورها أقوى من القديمة (جبتها غامقة عشان أعمل نيولوك للعريبة لاتكون زعلانة من الخبطة :)) بس طبعاً اللى مرجعش زى الأول إن التكييف بقى أضعف (غالباً الاسطى ماشحنوش كويس)، وزنه فى الباب الشمال لما العربية بتترجرج فى مطبات أو طريق غير ممهد، وبرضو الفوانيس بعد أسبوع فجأه فصلت عالى وواطى وبقت شغالة وناسة بس! الغريب بأه فى الموضوع إن الفتيس كمان بدأ يهيس وال r بدأ يفوت! يعنى لما بجيب r الفتيس بينفضلى ويعمل نفسه مش فاهم ومايجبش ال r إلا لما أرجع d تانى فيفهم وبيجيب r! يعنى حاجات بسيطة كده، المهم الحمد لله إن أنا طلعت سليم ودى أحلى حاجة فى الموضوع كله واللى مخليا كل البهدلة فى التصليح وما بعد التصليح تهون. الحمد لله ..
رقم العضوية : 132169
تاريخ التسجيل : 11Dec2012
المشاركات : 329
النوع : ذكر
الاقامة : الجيزة الهرم
السيارة: لانسر بومه
السيارة[2]: فيات 131
الحالة :
قدر الله و ما شاء فعل.ربنا يسترها عليك و يفاديك من كل شر معلش و ربنا يقدرك و تعوض اللي إتصرف.بس هاقول إيه في شرطه و قوانين و ناس مصر حسبي اللله و نعم الوكيل
رقم العضوية : 135682
تاريخ التسجيل : 27Feb2013
المشاركات : 325
النوع : ذكر
الاقامة : مصر - طنطا
السيارة: لا يوجد
السيارة[2]: Lancer 98 \ Speranza 516
الحالة :
الحمد لله على سلامة حضرتك وربنا يعوض عليك
[sor2]http://i1215.photobucket.com/albums/cc501/mohtaia/Speranza/20_zps0a8b9c22.jpg[/sor2]
رقم العضوية : 26517
تاريخ التسجيل : 30Nov2008
المشاركات : 498
النوع : ذكر
الاقامة : cairo
السيارة: lancer 2007
السيارة[2]: Nubira II
دراجة بخارية: swsd
الحالة :
قدر الله وماشاء فعل اهم حاجه انك طلعت سليم منها وربنا يعوض عليك خير والف حمدلله علي سلامتك وانت والعربيه موضوع نقلات الفتيس ده ممكن يكون من سوتش النقلات او في حاجه من الفيش بتاعته راكبه مش صح
ماكان لك فلسوف ياتيك فلو قدر لكان
WALID ADEL
رقم العضوية : 27529
تاريخ التسجيل : 13Dec2008
المشاركات : 763
النوع : ذكر
الاقامة : cairo
السيارة: corolla 02 & waja 2006
السيارة[2]: jetta 2008
دراجة بخارية: NA
الحالة :
حمد الله علي سلامتك ودي بالدنيا الفلوس بتروح وتيجي
رقم العضوية : 57346
تاريخ التسجيل : 29Dec2009
المشاركات : 302
النوع : انثى
الاقامة : طنطا
السيارة: -لانسر 2008
السيارة[2]: sahin
دراجة بخارية: yes
الحالة :
حمدالله على سلامتك وربنا يعوض عليك
رقم العضوية : 84155
تاريخ التسجيل : 24Dec2010
المشاركات : 13
النوع : ذكر
الاقامة : Giza
السيارة: لانسر بومة 2009
السيارة[2]: سكودا فليشيا 97
الحالة :
الله يسلمكم يا جماعة .. الحمد لله على كل شىء
رقم العضوية : 84155
تاريخ التسجيل : 24Dec2010
المشاركات : 13
النوع : ذكر
الاقامة : Giza
السيارة: لانسر بومة 2009
السيارة[2]: سكودا فليشيا 97
الحالة :
رقم العضوية : 132303
تاريخ التسجيل : 15Dec2012
المشاركات : 119
النوع : ذكر
الاقامة : cairo
السيارة: Matrix 2006
السيارة[2]: Lancer 2007
الحالة :
حمدا لله على سلامتك وربنا يعوضك خير ويخلف عليك
بس اوعى تهمل موضوع الفتيس ده وحاول تكشف عليه كويس عند حد فاهم عشان ميدخلكش في موال كبير
الفتيس غالي برضه وخبطته بتوجع خلي بالك
رقم العضوية : 128805
تاريخ التسجيل : 19Aug2012
المشاركات : 709
النوع : ذكر
الاقامة : USA
السيارة: CIVIC SIR 99 USA
السيارة[2]: Lancer,golf4,nissan B14,CIVIC
دراجة بخارية: no
الحالة :
كان الله فى عونك يا باشا
[shfaf1]http://www.nilemotors.net/Nile/signaturepics/sigpic128805_13.gif[/shfaf1]
المفضلات