الموضوع: مساعدة ضروري من مهندسين الكهربا و التكييفات

يا ريت يا جماعة استشارة مستعجلة من الأخوة المهندسين.

أنا ان شاء الله ناوية اشتري مولد كهربا و كنت عايزة اشتري مولد يقدر يشغل تكييف 1.5 حصان. اللي عرفته ان التكييف لما بيقوم بيسحب تيار أضعاف تيار التشغيل العادي بتاعه. التكييف بتاعي يونيون اير سبليت 1.5 حصان لقيت مكتوب عليه ال specs دي:
RLA (rated load ampere)= 6.2
LRA (locked rotor ampere)= 34

اللي فهمته ان ال LRA ده هو تيار بدء التشغيل, و بالتالي هو ده اللي المفروض احسب عليه قدرة المولد اللي محتاجاه. بس لما دورت شوية على النت لقيت فيه ناس بتقول ان الlra مختلف عن تيار بدء التشغيل و بيبقى أكبر منه.

النقطة الغريبة ان التكييف ده متركب على مفتاح 16A فمش عارفة ازاي ممكن يكون بيسحب تيار أعلى بكتير بالشكل ده.

السؤال المهم اللي محتاجة رد سريع عليه لأني عايزة انزل اشتري المولد أخر الأسبوع, هل ينفع أحسب أقصى سحب تيار للتكييف على أساس ال 16A بتاع المفتاح اللي هو راكب عليه (16x220=3520VA) و بالتالي أقدر أشغله على مولد 5KVA؟؟ ولا المفروض ان التكييف حيحتاج يسحب 34 امبير و هو بيقوم و بالتالي المولد ال5 كيلو مش حيقومه؟؟

أرجوكم اللي يعرف عمليا المولد ال5 كيلو حيشغل التكييف و لا لأ يقول لي ضروري جدا لأن لو مش حيكفي حشتري مولد صغير يكفي باقي الحاجات اللي عايزة أشغلها و خلاص لأني مش حأقدر اشتري مولد أكبر من 5 كيلو.

[url=http://www.mekshat.com/vb/showthread.php?t=568621]