مشكلة سخونية في اللوجان الاتوماتيك

**matinja** · 03-04-2013 03:30 PM

السلام عليكم ورحمة الله على كل الرجالة إلي موجودين
انا بس كان حصل معايا مشكلة سخونية في اللوجان الاتوماتيك
هوه الموضوع أن العربية الحمد لله زي الفل بغض النظر عن حالة الجو أو الطريق ماشي أو زحمه الحرارة عمرها مابتزيد عن 4 شرط
لكن مؤخرا ظهرت عندي مشكله هيه أن لما يكون الطريق زحمة وانا مشغل التكييف الحرارة بتوصل ل6 شرط وفي مرة وصلت لل9 شرط أو ماببطل التكييف أو لما الطريق بيمشي الدنيا بترجع تتظبط تاني وتوصل للأربع شرط
أنا سألت الميكانيكي قال غالبا الريداتير وسربنتينة التكييف كانو مكتموين تراااااااب وفعلا غسلناهم من بره لكن برضو النهاردة الصبح مشيت في زحمة لمدة نص ساعة حصلت نفس المشكلة على الرغم أن الجو مكنش حر للدرجة يعني
العربية مش ناقصه ميه ولا حاجه ميتها مظبوطه والمروحة كمان شغاله مفيهاش مشاكل
الغريب بقى أن لمبة الحرارة في التابلوه مش بتنور حتى في المره الي وصلت فيها الحرارى 9 شرط اللمبة منورتش رغم أني لما باجي أدور وأفتح كونتك اللمبة بتنور عادي زي بقيت اللمبات في التابلوه
انا مش عارف حل الموضوع ده إيه ياريت حد يساعدني من اللجانويه الجامدين هل أغير ميت العربية بالكامل وأعمل غسيل لدورة التبريد ولا أيه مش عارف مع العلم أنت بعمل شغلي بره ومش بتعامل مع التوكيل

**Sh_sunsea** · 03-04-2013 03:48 PM

سؤال رفيع كده - والسخونية اكتر من 4 شرط - ممكن تتأكد ان مروحة الريداتير اشتغلت

**NaderNabil** · 03-04-2013 04:24 PM

باشا...إطلع على التوكيل عدل و ماتخليش حد يلعبلك فيها...عربيتك في الضمان و أي حاجة غلط فيها هاتتصلح و ترجعلك زيرو

**matinja** · 03-04-2013 06:37 PM

المشاركة الأصلية كتبت بواسطة nadernabil

باشا...إطلع على التوكيل عدل و ماتخليش حد يلعبلك فيها...عربيتك في الضمان و أي حاجة غلط فيها هاتتصلح و ترجعلك زيرو

للأسف ياباشا العربية مش في الضمان انا خرجتها بعد مأستلمت العربية بشهر أخدتلي خبطه بسيطه في الرفرف الخلفي من واحده ست ربنا يسامحها والتوكيل قالي مبلغ خرافي عشان يصلحها فاصلحتها بره وبكده العربية خرجت عشان كده أنا بطلب مساعدة الخبراء

**walidzakzok** · 03-04-2013 07:38 PM

المشاركة الأصلية كتبت بواسطة matinja

للأسف ياباشا العربية مش في الضمان انا خرجتها بعد مأستلمت العربية بشهر أخدتلي خبطه بسيطه في الرفرف الخلفي من واحده ست ربنا يسامحها والتوكيل قالي مبلغ خرافي عشان يصلحها فاصلحتها بره وبكده العربية خرجت عشان كده أنا بطلب مساعدة الخبراء

السمكرة والدوكو ما طلعش العربية من الضمان الا لو حضرتك مكنتش بتعمل الصيانات الدورية فى الوكيل

**Sh_sunsea** · 03-04-2013 08:09 PM

ياريت حضرتك تتأكد بس ان مراوح الريداتير بتشتغل مع زيادة الحرارة - لان ملاحظة انك لما تتحرك بالعربية الحرارة بتنزل تاني بتخليني اتوقع انها ممكن تكون المراوح مش بتشتغل

**gebreel** · 03-04-2013 08:09 PM

بالظبط ... السمكرة و الدوكو ملهمش اي علاقة بضمان العربية

عربيتك عامكلة كام الف و صياناتك بتعملها فين؟

اما بالنسبة للموضوع بتاعك ده فاحتمال يبقى من ترموستات الكوع او سينسور الحرارة

**amrelzawawy** · 03-04-2013 11:02 PM

معظم حالات السخونيه اللى بدون سبب يعنى المروحه شغاله والمياه مش ناقصه ومبتغليش فى القربه هو تهنيج ترموستات الكوعه ولازم يتغير وحصلت معايه وثمنه حوالى 250 من التوكيل ....ممكن يكون هو ده السبب وبعدين دورة التبريد ملحقتش العربيه عملت 20 الف كيلومتر عشان تغيرها دى الفابريقه بتاعتها وده كلام محطات البنزين ..(.يا باشا الدوره مكتومه ...دى مليانه نراب المياه عايزه تتغير ...ةانظفهالك... الخرطوم بتاعه المياه هينفجر ) كله كلام فاكس الموضوع ميخرجشى بره 3 حاجات مروحه مبتشتغلشى او ترموستات او حساس الحراره

**gebreel** · 03-04-2013 11:36 PM

المشاركة الأصلية كتبت بواسطة matinja

العربية عاملة 20 ألف والمروحة شغالة أنا أتأكدت من الموضوع والصيانات أنا بعملها بره التوكيل من ساعة الخبطه أياها لأنهم ساعتها قالولي لو صلحت بره العربية تخرج بره الضمان لأنهم كانوا شايفين أن في حاجات لازم تتغير وهو أساسا مفيش أي حاجه جت ناحيتها

يعني عملت كام صيانة برة؟ و الكلام بتاع الحادثة ده من امتى؟

الموضوع: مشكلة سخونية في اللوجان الاتوماتيك

LinkBack

أدوات الموضوع

عرض

-

-

-

-

-

-

المواضيع المتشابهه

مشكلة سخونية الكورسا 1000cc

ايه الفرق بين التيدا الهاتشباك الاتوماتيك و الاتوماتيك ال. F/o ?

استشلرة عن الاتوماتيك لمستجد فى الاتوماتيك - نيو اكسنت

دلوقتى سعر الافيو الاتوماتيك 83000 وسعر النوبيرا الاتوماتيك 82500 يبقى انهى فيهم احسن

الكلمات الدلالية لهذا الموضوع

المفضلات

المفضلات

ضوابط المشاركة