يعني ايه electronic transverse differential lock

**SYD** · 03-04-2013 04:33 PM

في أحد التقارير الفنية لأحد سيارات فولكس قرأت جملة مش قادر افهمها - بس يبدو انه نظام امان للملفات علي سرعات عالية لزيادة الأمان ويبدو انه حصري لشركة فولكس

ويبدو ان النظام له دخل بنظام الفرامل

يعني ايه الجملة دي ؟؟

An electronic transverse differential lock applies tiny braking impulses to the lighter inside front wheel to make handling at the cornering limits safer and even more fluid.

ولكم مني جزيل الشكر ووافر التحية

**besso** · 04-04-2013 03:15 AM

ده تقريبا والله اعلم على حسب ما فهمت ان ده نظام بيساعد فى ثبات السياره اكثر فى المنحنيات عن طريق التحكم مجموعه الديفرنس(الكرونه) عن طريق التحكم فى سرعه دوران كل عجلتين على نفس المحور باستخدام الفرامل
وده بيخللى العجل يدور بسلاسه بدون ما يتجرجر على الارض وده بيخللى العجل كله بيدور على الارض بثبات لان العجلتين اللى على نفس المحور و ماشيين فى منحنى بيبقى واصلهم نفس العزم مع اختلاف سرعه دوران كل عجله(ودى وظيفه الكرونه)

النظام ده بيبقى موجود فى العربيات 4×4 علشان طبعا بيبقى فيه كرونه فى كل محور

**aymanshebl** · 04-04-2013 08:53 AM

هو نظام ببساطة شديدة عن برنامج سوفت وير ملحق او مدمج بنظام ESP و وظيفته تختلف عن ESP Electronic stability program فى ان ESP بيعتمد على الفرامل فى توزيع عزم الدوران على العجلات بمعنى انا داخل على ملف بسرعة عالية هلاقى العجلات الداخلية هتلف على الفاضى و اسرع من العجلات الخارجية و ده هيسبب ان العربية تنزلق او تعوم فا ESP بيعمل على توزبع او الضغط على الفرامل بالنسبة للعجلات اللى بتلف على الفاضى فبيمنع علمية العومان اما النظام الجديد ده electronic transverse differential lock فيعمل بطريقة مختلفة انه لما بيحس انا فى عجلات بتلف على الفاضى فبيوجه قوة النقل او قوة المحرك الى العجلات الخارجية و يقللها على العجلات اللى بتلف على الفاضى عن طريق حساب قوة الفرامل الفعالة المراد استخدامها على العجلات اللى بتلف على الفاضى قبلللل حدوث الانزلاق يعنى بيقلل السرعة عن العجلات الداخلية بفرامل فعالة او دقيقة مثل نظام ESP و يزودها او يحول القدرة المفقودة من العجلات الداخلية للعجلات الخارجية عن طريق منظومة الجر فى السيارة (يعنى بالبلدى كده المليان يصب فى السايب) و ده بيمنع عومان العربية و يحافظ على اقصى استخدام لمنظومة الجر و قوة و قدرة المحرك و الفرامل ايضا فى العربية على مختلف الطرق مش بس المنحنيات و ارجو انى اكون بسطت المعلومة و تكون وضحت و شكرا

وديه صورة للنظام ده

[aldl]http://img801.imageshack.us/img801/9752/905web.jpg[/aldl]

**SYD** · 04-04-2013 09:45 AM

المشاركة الأصلية كتبت بواسطة warfighter2114

على ما اظن انه نظام شبيه ب abs ولكن بتكنولوجيا اعلى من خلال نبضات الكترونيه تجعل تدفق السائل اخف وبالتالى تطبق على الطمبور بصوره محسوبه من خلال النبضات وخصوصا فى المنحيات
والله اعلم

المشاركة الأصلية كتبت بواسطة besso

ده تقريبا والله اعلم على حسب ما فهمت ان ده نظام بيساعد فى ثبات السياره اكثر فى المنحنيات عن طريق التحكم مجموعه الديفرنس(الكرونه) عن طريق التحكم فى سرعه دوران كل عجلتين على نفس المحور باستخدام الفرامل
وده بيخللى العجل يدور بسلاسه بدون ما يتجرجر على الارض وده بيخللى العجل كله بيدور على الارض بثبات لان العجلتين اللى على نفس المحور و ماشيين فى منحنى بيبقى واصلهم نفس العزم مع اختلاف سرعه دوران كل عجله(ودى وظيفه الكرونه)

النظام ده بيبقى موجود فى العربيات 4×4 علشان طبعا بيبقى فيه كرونه فى كل محور

المشاركة الأصلية كتبت بواسطة aymanshebl

هو نظام ببساطة شديدة عن برنامج سوفت وير ملحق او مدمج بنظام ESP و وظيفته تختلف عن ESP Electronic stability program فى ان ESP بيعتمد على الفرامل فى توزيع عزم الدوران على العجلات بمعنى انا داخل على ملف بسرعة عالية هلاقى العجلات الداخلية هتلف على الفاضى و اسرع من العجلات الخارجية و ده هيسبب ان العربية تنزلق او تعوم فا ESP بيعمل على توزبع او الضغط على الفرامل بالنسبة للعجلات اللى بتلف على الفاضى فبيمنع علمية العومان اما النظام الجديد ده electronic transverse differential lock فيعمل بطريقة مختلفة انه لما بيحس انا فى عجلات بتلف على الفاضى فبيوجه قوة النقل او قوة المحرك الى العجلات الخارجية و يقللها على العجلات اللى بتلف على الفاضى عن طريق حساب قوة الفرامل الفعالة المراد استخدامها على العجلات اللى بتلف على الفاضى قبلللل حدوث الانزلاق يعنى بيقلل السرعة عن العجلات الداخلية بفرامل فعالة او دقيقة مثل نظام ESP و يزودها او يحول القدرة المفقودة من العجلات الداخلية للعجلات الخارجية عن طريق منظومة الجر فى السيارة (يعنى بالبلدى كده المليان يصب فى السايب) و ده بيمنع عومان العربية و يحافظ على اقصى استخدام لمنظومة الجر و قوة و قدرة المحرك و الفرامل ايضا فى العربية على مختلف الطرق مش بس المنحنيات و ارجو انى اكون بسطت المعلومة و تكون وضحت و شكرا

وديه صورة للنظام ده

[aldl]http://img801.imageshack.us/img801/9752/905web.jpg[/aldl]

بشكركم شكر عميق علي الرد والأستجابة

وفعلا هو كل اللي انتوا قولتوه - لأني انا كمان فهمت كدة
بس اللي مش قادر افهمه - طب وهو النظام عمل ايه جديد ؟؟؟
هل مجرد انه دخل نبضات الفرامل بجانب الديفرنشيال في الملفات القاسية ؟؟؟

يعني اللي اعرفه - نفس كلام بيسو -

لما اكون بلف في دائرة - هيبقي شكل العجلتين بالشكل دة

وبالتالي العجلتين الداخليتين - المهم طبعا العجلة الأمامية الداخلية في حالة الجر الأمامي والعجلة الداخلية الخلفية في حالة الدفع الخلفي - بتبقي العجلة الداخلية عموما بتلف في دائرة قطرها اصغر من العجلة الخارجية وبالتالي بتمشي مشوار اقل وبالتالي مش محتاجة نفس سرعة دوران العجلة الخارجية - ودة دور الدفيرنشيال سواء في الفتيس والكبالن او سواء في الدفيرنشيال في الكرونة

جه بقي النظام الجديد دة وعمل ايه ؟ لما هو دة النظام المتبع من ايام الكرونة ؟؟؟؟
هل مجرد قلل سرعة العجلة الداخلية بنبضات فرامل كمان اضافية ؟؟

وشكرا مرة تانية علي التجاوب والمشاركة

**SYD** · 04-04-2013 05:31 PM

المشاركة الأصلية كتبت بواسطة besso

هو تقريبا النظام ده بيساعد الكرونه اكتر لان اكيد استجابه الكرونه مش سريعه لدرجه انك اول لما تدخل منحنى هى تغير سرعه دوران العجل
لا اكيد بيحصل قصور ولو بسيط والدليل على كده ان العربيات لو دخلت منحنى شديد فى سرعه عاليه ممكن تفقد السيطره عليها بسبب ان الكرونه مالحقتش تقلل سرعه العجل الداخلى للمنحنى

يعنى من الاخر هو زود من استجابه الكرونه بس عن طريق الفرامل بدون اللعب فى ميكانزم الكرونه

تمام

بدليل انك فعلا لو بتاخد الدايرة اللي انا راسمها دي
او لو داخل صينية
هتلاقي العربية في البداية بتميل جامد ناحية الملف - وبعدها بتعدل -
وتلاحظها ايضا - لو داخل ملف سريع شوية - تحس ان العربية مسكت نفسها وسرعتها قلت حاجة بسيطة

تحياتي

**Formulator** · 06-04-2013 03:18 PM

ياباشا الـdifferential اللى فـ جيربوكس casing لعربيات الجر-الأمامى مش Limited-slip؟!!
يعنى عادى مش lock؟؟ مابيفرقش فـ تحويل العزم من عجلة لأخرى -ميكانيكيا؟!!! فاهمنى؟

فـ VW طورت النظام ده عشان يعمل simulation للـlimited-slip.. بس بإستخدام الفرامل (مش توزيع العزم على الكبالن زى الـlock)!!

السيستم ده فـ الأساس إتعمل للـGTI
(عشان 200 حصان فـ عربية FWD >> لازم هيحصل understeer فـ الملفات لو خدتها على سرعة)!
فـ كان من الضرورى -لسهولة الهاندلينج- انه يعمل integration للـmechanism دى فـ موديول الـESP (طبعا ده شغل Bosch)

- الفولكس بتقول عليه EDL فـ العربيات العادية (الجيتا والأوكتافيا بالمواتير 1.4TSI/1.8TSI)
وده بيتشغل بضغط (فـ الماستر الفرعى لحد 5 بار، ولسرعات لحد 40 كم/س)

- وبتقول عليه XDS فـ العربيات الأعلى/السبورت (الجولف والأودى 2.0TSI)
وده بيشتغل بضغوط لحد 10-15 بار، ولسرعات up to 80km/h)!!

ببساطة:
لما تدخل ملف بسرعة عالية: السيستم بيقرأ: 1-السرعة 2-زاوية الدركسيون...
فـ بيبدأ يشغل الفرامل عـ العجلة الداخلية للملف فقط -- بصورة متقطعة (زى pulse الـABS):
يعنى: بيمسك عجلة ويسيب التانية >>> فـ تلف معاك العربية بسهولة -فـ إتجاه العجلة الـlocked؟!!

طبعا: النظام ده أقل فـ التكلفة -من انه يركب LSD فـ الـdifferential بتاع الجيربوكس!
- خصوصا انه بيتعامل فـ باور level مش عالى أوى (آخره 160-180 حصان) 1.4T/1.8T

لكن: لما يطلع للـGTI والـS3 (الـ2.0T): لازم يعمله ميكانيكا -صرف- مش إليكترونى؟!!

والنسخ الـAWD زى الجولف R/R32 والـS3/R-line فيها نظام Haldix الشهير للدفع الكلى بتاع فولكس -- وده فيه limited-slip diff. ستاندرد فـ الـ2 كارونة.
(زى الـ4Matic بتاع الميرك، والـX-drive بتاع البيمر)!

Rgds،

-

-

الموضوع: يعني ايه electronic transverse differential lock

LinkBack

أدوات الموضوع

عرض

يعني ايه electronic transverse differential lock - انشر الموضوع فى :

-

-

-

-

المواضيع المتشابهه

فيديو جامد بيوضح طريقة عمل ال differential بسهولة

هوا يعني ايه ضريبه مبيعات.. بياخدوها مقابل ايه يعني ؟

فيديو: آلية عمل ال differential

Welded Differential

el civc el gdeeda el power bta3ha electronic wala hydrolic

الكلمات الدلالية لهذا الموضوع

المفضلات

المفضلات

ضوابط المشاركة