الموضوع: وما زال ال .... مستمر !!

كنت ماشى فى جسر السويس فى اتجاه كوبرى القبه وجت اشارة روكسى وكنت راكب انا ومراتى واولادى واخويا ومراته وعياله برده العربية وكنت داخل على الاشاره لاقيت امين شرطه ومعاه عسكرى المهم شاورلى عشان اقف !! فوقفت عشان اصلا الاشاره كانت اتقفلت وقالى الرخص !!.
الحركه دى فى حد زاتها قله زوق قلت زوق انه يوقف عربية فيها عائلتين وبقول كده لان فى السعوديه او الكويت او الامارات استحاله حد يوقف عربيات فيها عوائل ( عائلات ) المهم وريته الرخص لاقيت الامين طلع يجرى على سيراتو فيرانى واقفه جنبى وفيها واحد سايق وجنبه ظابط لسه فى الكليه وسلم عليهم بحراره اوى لحد كده عادى ما يخصنيش ولما السيراتو بدأت التحرك فوجئت انها من غير نمر اصلا ومفيم سوبر دارك !!.
الدم جرى فى عروقى بصراحه كبست بنزين بطريقه غبيه عشان عربيتى تنط وتسبق السيراتو ووقفهتها بالعرض امام السيراتو وخدت الكاميرا ونزلت انا واخويا وقلت للامين وده اسمه ايه بقه ان شاء الله ؟؟
يعنى موقف عربية مفيهاش اى حاجه عليها من بره لا ستيكر ولا فاميه ولا زينون وفيها عائلتين وسايب عربيه ماشيه من غير نمر وكمان مركبه فاميه ؟؟
المهم شاف الدخله والكاميرا اتلغبط فى الكلام وقالى كلام مش مفهوم وجه الامين اللى على الرصيف التانى بيقولى يا باشا اكيد خد مخالفه قولتله على اساس انى اعمى بقه فين ده ؟؟
المهم اتنرفزت جدا بصراحه ومرتحتش غير لما صورة الواقعه بالعربية اللى من غير نمر بالفاميه الركاب بالظابط بكل التفاصيل.
وقلتله بكره الصبح الفيديو ده هيكون على مكتب حسن البرديسى نفسه ونسخه تانيه على النت والتالته فى الداخليه بإذن الله وكانوا عايزيين يخطفوا الكاميرا كمان وبرده المحاوله دى متصوره صوت وصورة.

فعايز اسألكم اعمل كده فعلا ولا بلاش اخرب بيتهم ؟؟
انا مش بحب السلبيه وفى نفس الوقت والحمد لله اقدر انفذ كلامى فعلا واصعد الموضوع علمأ بانى اعمل فى رئاسه الجمهوريه واعرف اللواء/ حسن البرديسى معرفه شخصيه

لو عملت كده ابقى فعلا اذيته ولا هما يستاهلوا ولا ايه ؟؟