الموضوع: حسبي الله ونعم الوكيل في اللي مبيعملش شغله بضمير

الحمد لله على كل شئ وربنا سترها معايا والعربية محصل فيها اللي حصل على المحور وانا سايق على سرع عالية

من كام يوم رحت الحرفيين علشان البورا كان فيها كام مشكلة (الرادياتير بينقط وحساس البور بيسرب زيت وكرتيرة الزيت بتنقط)

رحت لواحد كان معرفة وبامانة كانوا كويسين بس مش لدرجة الكمال علشان مكنش فيه كمبيوتر عندهم ..غيرت حساس البور واتظبط التسريب بتاع الزيت بتاع البور ..كده 100 %...

قلتلهم الرادياتير بينقط قالولي حتروح لواحد معرفة بتاع رادياتير ....رحتله فك الوش بتاع العربية بالكامل اكصدام وفوانيس والصدر وطلع الرادياتير (العلبة كانت حمصت وغيرنا العلبة الرادياتير كان جواه كتل طين ) تمام جه يقفل بقا ربط الاكصدام والفوانيس والصدر بتاع العربية والرادياتير مكنش بينقط والعربية هى وشغالة زي زمان ...قلت فل ....ببص بعد ما قفل لقيت ماسورة رفيعة ومتعرجة جاية من طرمبة الور وماشية بعرض العربية " لناحية السواق و طالعة لجوا الحوض بتاع الموتور تاني ."مدلدل وقريبة اوي من الارض ..والبورا عربية واطية جدا والكساحة بتحك في المطبات الكبيرة ففما بالك بقا لما المسورة تبقا اوطى من الكساحة ...بقوله ايه الماسورة دي ...قالي بكل برود دي ماسورة البور ...بقوله هي واقعة كده ليه هي ما كانتش كده ..قالي لا كانت كده ..قلتله والله ما كانت كده ...اما جاب دواسة ونزل تحت العربية وقام اتعافي جامد على الماسورة ...لقيت الماسورة اتنت جامد جدا ,,وكان لسه حيكمل فيها قلتله بس سيبها كده ...وقمت خدت العربية وطلعت بيها على اللي غيرولي حساس البور ..قالولي ده هو كده تنالك المسور ودي حتحتاج تتكسر وتتلحم ...قلتلهم البور شغال قالولي يبقى التانة متأثرش ...المهم كانت الساعة 10 وانا في الحرفيين من 12 وكنت تعبان لا اتغديت ولا اي حاجة قلت خلاص وقمت مروح العربية تمام وعلى دائري المعادي الحرارة كانت على اول شرطة مش ال ال 90 ...روحت وتاني يوم مفي تسريب ولا حاجة تمام عملت مشوار لقيت الراديتاير لسه بينقط بس بسيط والمياه بتنقص
قلت افضى بس وارجعله ..ايوم تاني


النهاردة كنت خارج مع صحابي من المهندسين لاكتوبر العربية تمام من اكتوبر لمدينة نصر والعربية محملة 5 تمام لغاية قبل نزلة العروبة االفتيس "علق ومبينقلش "...قلت يمكن الزيت سخن ولا حاجة قمت كملت عليها لاني كنت وصلت يعتبر ودخلنا وقضينا وقتنا ومروحين على 12 :30 ....
العربية بتنقل عادي وتمام التاما ...من مدينة نصر لغاية قدام مول العرب ...فجأة لمبة ال abs وزمارة ولمبة الهاند بتنور ...وتطفي وتقد شوية وتنور تاني ...لغاية لما باخد يوتيرن لقيت العربية النور بتاع التابلوه بيروحه ويجي في ثانية ولمب البطارية بتنور بس العربية شغالة ....وهوووووب ...العربية مااااااااااااتتت لا كونتاكت ولا اي حاجة مفيش فيها كهربا خالص ...حركت قطاش البطارية العربية تلقط كونتاكت وتشغل تلاقي شرار من عند الموتور


المهم شغلت العربية وكان بيت صاحبي قريب مشينا العربية بالعافية ليه وقبل بيته بشوية شوت حاجة بتتجر تحت العربية ....اتاري الماسورة كانت بتحك بالطريق وكانت كل ما تحك العربية تتعفرت لغاية لما الماسور اتنت ونزلت تحت العربية

الخسائر :
خرطو البور اتكسر
الماسورة لما اتكسرت خبطت في كولر الفتيس ففيه راس من الراسين بتوع الكولر اتشرخت وبتجيب مياه


اللي حصل حصل ...الحاجات دي تتكلف كام ...وحد يقولي على واحد بتاع فوكس محترم واسعاره كويسة لاني لسه متخرج وابويا مش حيعبرني بمليم لان ده اتفاقنا لما جبت العربية

حسبي الله ونعم الوكيل

المشاركة الأصلية كتبت بواسطة windofchange

بتحصل في احسن العربيات يافوزي هو بس الواحد ميتعكننش وهي تتصلح عند الميكانيكي بانك تجيب ماسورة زيها استيراد وبتبقي سعرها كويس خليه يفكها من قطعية وخد كليبساتها ومساميرها وممكن تجيب الكولر لو مش غالي استيراد لو اللحام فيه مش هيبقي كويس..وشكرا عالموضوع بتاعك الواحد بعدج كده يخلي الميكانيكي بتاعه هو اللي يفك الردياتير طالما هو حافظ العربية انا بتعامل مع عبده الشرقاوي فالحرفيين يا تري ده اللي انت رحت له؟

حت انها بتحصل في احسن العربيات ده اللي مهونها شوية خصوصا ان اللي حصل عيب واحد معندوش ضمير انا والله لسه اخو واحد صاحبي معاه بيجو 307 موديل 2008 وماشي 80 الف كيلو بس كان ماشي بيها وفجاة صوت فرقعة ونار من تحت الكبووت ربنا سترها معاهم والضفيرة بس اللي اتحرقت هي وحجات تانية في الحوض

انا رحت لواحد اسمه رضا هو كويس بس عيبه مفي كمبيوتر ووورشة بدائية بس اللي بوظ الدنيا واحد بتاع رادياتيرات حسبي الله ونعم الوكيل فيه
انا العربية راكنها قدام بيت صاحبي في اكتوبر وانشاء الله اجيب ونش واخدها لمحمد سمير وهاني عصمت يشوفولي اللي فيها ايه ورنا يسترها انشاء الله