نقر في كبوت الصني الجديدة

**elmoski** · 04-04-2013 01:06 PM

باختصار يا جماعة طبعا كلنا عارفين ان صاج العربية زبالة وخفيف جدا وده بيظهر اوي في الكبوت؛؛ المهم بقالي فتر كدة بلاحظ عندي زي نغز كدة في الكبوت حتت مطبقة يعني بس صغيرة مع العلم ان انا بركن في جراج ؛ المهم قلت يمكن قطة ولا حاجة بس بردة كنت بحاول اعمل نفسي مش واخد بالي لكن المفجأة بقي ان الموضوع بقي بيزيد؛ فبدأت اتابع عربيات الصني اللي ماشية في الشوارع فلقيت ان كل ا لصني في نفس المشكلة دي بس بشكل متفاوت؛؛ فسألت واحد من اصحاب العربية عن سبب النغز دي فكان ردة مفجأة بالنسبالي؛؛ وقالي ان ده عيب خطير في الكبوت وانه بيتأثر بالحرارة والراجل راح مودرن موتوز اسكندرية يشتكي قالوله ده حد اعد عليها قام موريهم كل العربيات اللي كانت في المركز وكانت كلها فيها النغز دي؛؛ ايه رايكم يا جماعة في الموضوع ده احنا لازم نجمع بعض ونعمل شكوي للشركة الام لان دي فعلا مصيبة ده الكبوت بيسيح يا جماعة ولو حد سافر بعربيته مشوار كبير هيلاحظ الموضوع عنده اوي

**Land_Cruiser** · 04-04-2013 01:32 PM

معلش ياريت حضرتك توضح او ياريت تحط صوره للنغز اللي في الكبوت دي توضح هي أجزاء منخفضه من الكبوت و لا مرتفعه و لا مموجه و بعدين عايز أقول لحضرتك علي حاجه منطقيه و هي ان لو كانت المشاكل دي نتيجه سخونه الموتور كان من باب اولي الدهان اتقشر او طقطق الاول قبل ما الصاج يسيح من الحراره . عامه حضرتك صورها و نفكر ما بعض بصوت عالي فلو كان السبب حراره الموتور ممكن يتركب عازل للكبوت لو مكنش فيها و لو أني مش مقتنع بموضوع ان الكبوت بيسيح من الحراره ده حتي و لو كان لازق في الموتور مش حتي ما بينهم فرق

**zambarota** · 04-04-2013 01:43 PM

انا عربيتى عامل بيها لحد دلوقتى بفضل الله 21 الف كم

وكل الطرق بتاعتى سفر وكمان سفر صباحي ومسائى

والحمد لله العربيه مفيهاش نغز ولانقر فى الكبوت بفضل الله

انا منكرش ان العربيه صاجها خفيف كمثيلاتها من السيارات الحديثه المعاصره

ممكن ننتظر رد ملاك اخريين للسياره

**elmoski** · 04-04-2013 02:00 PM

النغز عندي في اجناب الكبوت عند السوك كدة وشوفتها علي عربية تانية بس كان اكتر مني بكتير والغز دي لجوة مش لبرة وعلي فكرة انا مكملتش 1500 كم بالعربية

**zambarota** · 04-04-2013 02:10 PM

حضرتك ممكن تتفضل وتيجي تشوف عربيتى زي موضحت لحضرتك فى المشاركه السابقه

انا اشتريت العربيه شهر 8-2012

يعنى العربيه بقالها معايا حوالى 8 شهور

والعداد عامل 21 الف كم

ومفيش حاجه بفضل الله فى الكبوت

ومازلت منتظر مشاركات من ملاك الصنى

انا مستغرب من كلمه الكبوت بيسيح؟؟!!!!

**elmoski** · 04-04-2013 02:22 PM

طيب انا كمان مستني رأي الملاك لاني لاحظت الموضوع دا في كزا عربية صني

**the_air_devil** · 04-04-2013 04:44 PM

هو حضرتك انا عامل بيها 22 ألف كيلومتر ومشواري اليومي ساعات بيعدي الـ 200 كيلومتر ومن ضمنهم بيكون 100 كيلومتر متواصل وفي الزحمة وباشغل التكييف أو باجري أو باتحرك بسرعة متوسطة , مش بالاقي سخونة شديدة ولا حاجة والكبوت زي ماهو ومافيش فيه أي انبعاج ولا حاجة !! ... ياريت حضرتك تتأكد تاني من سبب الانبعاج ده , لأن الكبوت صاجه خفيف جداً

وبافتراض فعلاً ان موتور حضرتك بيصدر انبعاث حراري أعلى من أي موتور تاني ياريت حضرتك تكشف في التوكيل عن سبب الحرارة وكفاءة تبريد المحرك , وتركب عازل موتور تحت الكبوت

وربنا يجعله خير