الموضوع: ياريت ياجماعه اللى غير كاوتش قبل كدا يقول غير لنوع ايه او احسن نوع يركب على اللوجان

المشاركة الأصلية كتبت بواسطة ahmed a rahman

خد بقى الخلاصة من صاحبك عشان حيغير للمرة الثانية
حتكلم على مقاسات الكاوتش الموجودة في مصر

bridegstone turanza gr90 سعره 650 جنيه
ناعم, ميا, مش عايز حد سواقتة مجنونة , محتاج متابعة, روتيشن, ترصيص وهكذا لان الفردة طرية
بس في النهاية انت ماشي على ريش نعام
عامل عليه لحاد الآن 62 الف كيلو ولسه شكله حيقعد لحاد 70 الف كيلو
معمول بتكنولوجي انه لا يفقد خواصه مع تآكل الكاوتش



kumho kh17 ده المقاس الوحيد من كومهو اللي يمشي مع اللوجان سعر الفردة 420 جنيه
بينزل في معظم العربيات الكوري تقدر تسأل نص المنتدى عليه
نختصر الكلام ونقول متوسط في كل شيء
معتقدش يقعد اكتر من 40 الف كيلو



michelin energy saver سعره 550 جنيه
كان بينزل في اللوجان استوك زمان
عجلة واخدة تقييمات عالية على كل المواقع
low rolling resistance يعني بيوفر في البنزين عشان بيدور بسهولة
فرامله المفروض كويسة
عمرة الافتراضي عالي زي البريدجستون



michelin xm2
عجلة محدش لسه جربها في اللوجان سعرها 550 جنيه
ساعات يتقال انها احسن من energy saver وساعات يتقال العكس



pirelli
prielli centurino p1 عجلة سألت عليها في التليفون
دخلت اشوفها على النت
قررت مشتريهاش !!!

اللي كان نفسي اركبها في اللوجان بس ملقيتهاش في مصر
kumho ecsta lx platinum ku27
عجلة خرافية في كل شيء, الراحة الامان الفرامل



اللي انا قررت اركبه كمان كام الف بعد طول بحث
yokohama c drive
عجلة فيها كل مميزات ال kumho ecsta
ياباني
فرامل رائعة
مريحة
بتمتص الصدمات
ارخص من البريدجستون
سعرها عامل حوالي 550 في المعادي 600 في مدينة نصر !
توكيلها غبور


ايه رأيك

ما شاء الله :) حضرتك عملت ورقة بحثية كاملة!