دركسيون البومة بقه تقيل ليه

**Nashaat Rady** · 06-04-2013 06:04 PM

السلام عليكم جميعاً

السيارة: لانسر بومة ٢٠٠٨ مانيوال ١٦٠٠
قرائة العداد: ٥٣٫٠٠٠ كيلومتر
نوع الكاوتش: Gt و ماشي ٥٠٠٠ كيلو فقط
الزوايا: تم ضبطها منذ عام تقريباً بعد تغيير الكاوتش مباشرتاً و ما زالت جيدة

الشكوي: لاحظت منذ عدة أسابيع ثقل الدركسيون بشكل ملحوظ جداً.

بما تنصحون يا أهل الخبرة و هل حد قابل موقف مشابه و عمل ايه و راح لمين..

انا معرفشي ميكانيكي ولا عفشجي كويس للياباني.

العربية كانت بتروح التوكيل بصفة دورية بس انا زهقت من ارتفاع اسعارهم.

العربية بتتركن كتير جداً واستخدامها خفيف جداً.

تحياتي

**Nashaat Rady** · 06-04-2013 06:49 PM

المشاركة الأصلية كتبت بواسطة amrelsaqqa

كشفت على زيت الباور ؟
غالبا عندك تسريب في الخراطيم وهتلاقيها مشققة وتلفت بسبب الركنة

شكرا للرد والاهتمام

الخراطيم تمام ومستوى الزيت عند الماكس لم يتحرك من مكانه منذ الشراء فبراير ٢٠٠٨

العربية راكنة في الظل علي طول تحت أشجار

**Nashaat Rady** · 06-04-2013 07:52 PM

المشاركة الأصلية كتبت بواسطة mhf_77

اكشف على طرمبة الباور لو سليمه يبقى متخافش من اى حاجه تانيه بسيطه ان شاء الله

يا ريت حضرتك تقولي اكشف عليها ازاي أو عند مين مع العلم أني من سكان مصر الجديدة.

شكرًا

**limo** · 06-04-2013 11:11 PM

بيحصل معايا كتير الموضوع ده حله روح لحد يضبط ضغط الكاوتش لانى اعتقد ان مفيش مشكله عندك فى العفشه او ماكينه الباور

**Nashaat Rady** · 06-04-2013 11:44 PM

المشاركة الأصلية كتبت بواسطة limo

بيحصل معايا كتير الموضوع ده حله روح لحد يضبط ضغط الكاوتش لانى اعتقد ان مفيش مشكله عندك فى العفشه او ماكينه الباور

لسه مظبط ضغط الكاوتش و عاملته علي ٣٠ زي ما مكتوب علي الباب..

في كمان حاجة نسيت أقول عليها، ان ساعات بسمع صوت صرخة كده في الملفات و انا علي الاولاني او التاني، ممكن يكون صرت سير بس مش متأكد طبعا.

المشكلة ان ده عربية والدي، انا مش باسوقها علي طول...

يا ريت تنصحوني بمركز خدمة كويس بالمناسبة كمان...

تحياتي

**Nashaat Rady** · 06-04-2013 11:58 PM

المشاركة الأصلية كتبت بواسطة amrelsaqqa

لو في الملفات يبقى من الكاوتش وده بسبب الزوايا
الزوايا لو مش مظبوطة تعمل الصرخة دى بالظبط

لاء هي مش صرخة كاوتش تماماً... ممكن تكون صرخة سير، بلي بايظ، كاوتشه مقطوعة و بتحك في حاجة تانية

شيئ من هذا القبيل، و مش دائماً كمان، عشان كده محتاجه ميكانيكي شاطر او مركز خدمة محترم عشان مايقعدشي يغير حاجات علي الفاضي

شكرا