الموضوع: بقالى شهرين بدور على تيدا

المشاركة الأصلية كتبت بواسطة ahmed_khalil

اولا : تحياتى لكل التيم الخاص بالقسم هنا
بجد عمرى ما دخلت ادور على حاجه الا و لاقيتها و لاقيت رد وافى ليها
انا بقالى شهرين بدور على تيدا نظيفه و سعرها مقبول
ارجوكم لو حد شايف ادامه تيدا هاتشباك اوتوماتيك ارجوكم يبلغنى
مشكورين مقدما

نصيحة بلاش تدور علي حاجة معينة ف المستعمل عشان حاتتعب.. أنا لما عملت زيك تعبت وف الآخر الحمد لله ربنا وفقني واشتريك زيرو.
خليك دايما في حاجتين.. حالة وسعر
معاك رانج سعر معين وحالة معينة (عاوز فابريكة - أو لو رشة حزام مش مشكلة - ماشية في حدود كام كم - أوتو ولا مانيوال)
وشوف حتلاقي أنواع ايه قدامك وحاتقتنع بيها ولا لأ. انما تحدد اختيارك في عربية بعينها ممكن توقع واحدة بكرة وممكن متلاقيش ولا بعد سنة. هو أكيد حتلاقي بس أغلبها كهن.
ونصيحة أخوية ابعد عن المعارض الا اللي تثق فيه.. أنا فيه معرض كنت واثق فيه جدا وجبت منه عربيتين علي أساس ان سمعته زي الفل ومايجيبش غير فابريكة.. كان معايا صديق عامل حادثة ومغير ربع قلت كدة أجرب عنده وخلاص لقيته عرض فعلا سعر وعنده نية يشتري لدرجة اني بصيتله قلتله وحاتبيع علي حالها؟ قالي ان له سمكري معرفة ف البحيرة يطلع العربية زي الزيرو.. من وقتها مابقتش بثق فيهم والفيصل هو التوكيل فقط.

وربنا يوفقك للي فيه الخير ان شاء الله