جيب شيروكي ليميتيد ٢٠١٣ ولا بيجو ٣٠٠٨ موديل ٢٠١٣

**amroelras** · 08-04-2013 06:34 PM

ايهما افضل من حيث المساحه الداخليه والشنطه والخامات والراحه والثبات والتكييف والصيانه وقطع الغيار واريد مقارنه بين السيارتين وايهما اكثر اعتماديه في السفر

**DrAhmad** · 09-04-2013 05:26 PM

شيروكي واشتري راحة بالك

**amroelras** · 09-04-2013 05:33 PM

ليه شيروكي مش بيجو

**dede_dodo88** · 09-04-2013 07:38 PM

الشيروكي عربية جامدة بس سفاحة بنزين.. و أعتقد ده هيبقى عيبها الوحيد بعد زيادة أسعار البنزين..
هي مع واحد صاحبي و بيفكر يبيعها و يجيب حاجة 1600cc عشان موضوع البنزين اللي هيزيد ده..

**yehia** · 09-04-2013 09:28 PM

هي نصيحتي المبدئية لصاحب الموضوع هي الشيروكي ... أعتقد انها كجيب ودفع رباعي أفضل في الاعتمادية والتحمل والسفر عن البيجو 3008 ... بس أنا عندي استفسار للأخوة الأعضاء بالنسبة لاستهلاك البنزين .. ليه المواتير الجديدة الكبيرة ما يبقاش فيها تكنولوجيا تقليل استهلاك الوقود بحيث ان الاستهلاك النهائي (كلم / لتر) مايبقاش فارق كتير عن الـ 1600 ؟ مجرد استفسار ........

**amroelras** · 10-04-2013 01:55 AM

الشيروكي بتعمل ٨٠كيلو في الصفيحه داخل البلد وبتعمل تقريبا ٩٠ الي ١٠٠ كيلو علي الطريق

**amroelras** · 10-04-2013 02:01 AM

يا استاذ يحيي حضرتك ناسي انها كلها مواتير ٦ سلندر او ٨ سلندر هما لسه منزلين موتور جديد ٣٦٠٠ سي سي ٢٨٥ حصان اسمه بنتاستار وده برضه موجود في الجراند وده بيوفر في البنزين وده ٦غيار اما بقي موتور الشيروكي ٣٧٠٠ سي سي وده ٢١٠ حصان ٤ غيار

**Mezox** · 10-04-2013 04:10 AM

طب قارنها بال bmw x1 أو ال captiva , لكن إزاي تقارن عربيتين في فرق 120-150 ألف مابينهم

**amroelras** · 10-04-2013 03:40 PM

انا بقارن الاتنين ببعض علشان انا معايا شيروكي ٢٠١٠ وبفكر ابيعها اجيب حاجه موتورها ١٦٠٠ زي البيجو ٣٠٠٨ او نيسان قشقاي بس خايف اغامر وما يطلعوش عربيتين حلوين انا عايز عربيه تكون ثابته علي الطريق وتكييفها حلو وصيانتها كويسه مع العلم اني عارف اني مش هعوض موتور الشيروكي بس البنزين والضريبه نار يا معلم فانا متردد اغير الشيروكي ولا لا

**Mezox** · 11-04-2013 02:03 AM

المشاركة الأصلية كتبت بواسطة amroelras

انا بقارن الاتنين ببعض علشان انا معايا شيروكي ٢٠١٠ وبفكر ابيعها اجيب حاجه موتورها ١٦٠٠ زي البيجو ٣٠٠٨ او نيسان قشقاي بس خايف اغامر وما يطلعوش عربيتين حلوين انا عايز عربيه تكون ثابته علي الطريق وتكييفها حلو وصيانتها كويسه مع العلم اني عارف اني مش هعوض موتور الشيروكي بس البنزين والضريبه نار يا معلم فانا متردد اغير الشيروكي ولا لا

كده وضحت أكتر

ممم مش عارف اقولك إيه , أنت راكب عربية ماشاء الله محترمة قوي و العربيات ال SUV's زي القاشقاي و السبورتاج و ال 3008 بيحاولو يقلدوها , يعني لو جبت SUV ممكن تحس بميزة إن العفشة انعم و استهلاك بنزين اقل لكن كركوبة مش حتبقي مبسوط زي ال jeep

رأيي تتجه لحاجة زي ال 508 , حتديك حاجات مش موجوده في ال jeep , ثبات و سرعة قصوي اعلي و تحكم افضل في المناورات و استهلاك بنزين افضل و شنطه اوسع , و نفس الوقت فخامة و برستيج برده