الموضوع: 15r/65/195 بدلا من 15r/65/185

المشاركة الأصلية كتبت بواسطة erp

لو سمحتم ياهل الخبره لسى عامل حادثه بالعربيه ولسى جايب فردتين كاوتش بريدجيستون قدام مقاس 15r/65/195

فالحمد لله لسى عالم حادثه وفرده منهم انقطعت

فببوص على الاستبين اللى هوا مش جنوط اسبور جنط عادى كده بطاسه لاقيت مقاسه 15r/65/185


فانا ماشى دلوقتى مؤقت بالفرده العاديه لحين ما افوك الكاوتش واركبه على الجنوط الاسبور بس المقاس هيبقى مختلف افيدونى

وانا اسف لو انا مش عارف اوصل انا عايز ايه وشكرااااااااااااا


ينفع يركب مكانه وشكراااااا

طبعا فية فرق فى ارتفاع الكاوتش عن الأرض 15r/65/195 ارتفاعة 127mm
15r/65/185 ارتفاعة 120mm بس وده حيخلى العربية تحدف ناحية العجلة الصغيرة انصحك تنقل المقاس الصغير خلفى مؤقتا التاثير حيبقى اقل

المشاركة الأصلية كتبت بواسطة lord_adel

المقاس مش هيكون مختلف ولا حاجه لأن
الفردة الى كانت راكبه كانت 195 اى عرضها كان 195 مللى اى 19.5 سم
والى انت ركبتها 185 اى عرضها 18.5سم ومش هيفرق العرض في حاجه غير نسبه التحميل ودوة موضوع عن الكاوتش
يوجد ارقام كثيرة مكتوبة على الاطار (الكاوتش)

معظم الناس لا تعرف معناها
والاقلية يتكلمون في مقاس الجانط وعرض الكاوتش
لكن يوجد اشياء كثيرة لابد من معرفتها

ونبدأ بمثال ليكون كلامنا فى غاية الوضوح،،
العربية Mini cooper مثلا بتنزل السوق بإطارات مقاسها

P195/55R16 85H

تعالوا نعرف معانيها

P معناها اطارات سيارة للركوب

195 ده عرض الاطار بالملي متر عند اعرض نقطة (يعني 19.5 سم)

55 معناها ان ارتفاع الكاوتش 55% من عرضه (يعني 10.7 سم)

R معناها اطار ريديال Radial يعني بنيه الإطار مكونة من أشرطة معدنية

16 مقاس الجنط بالبوصة (معظم العربيات بتبقى 13 او 14 بوصة)

85 معامل التحميل ومعناه 515 كجم لكل اطار

H معامل أقصى سرعة يتحملها الاطار ومعناه هنا 210 كم /ساعة

مصطلحات أخرى :

P كما قلنا معناها سيارة ركوب
LT سيارة نقل خفيف
ST سيارة نقل مقطورة

ثم نأتى لنقطة مهمة جدا :


وهي تاريخ تصنيع الاطار
للأسف معظم الحوادث التى تحدث تكون بسبب ان الاطار صلاحيته انتهت من غير معرفة الناس

ومن المفترض ان كل مرة تذهب عند بائع الكاوتش تجعله يكشف عليهم جيدا
ويوجد شىء اخر مهم وهو من ضمن البيانات على الكاوتش وهو تاريخ التصنيع

ومن المفترض ان الكاوتش لا يستخدم بعد 5 سنين من تاريخ انتاجه (يعني كمان مش من تاريخ استخدامه!!) وطبعا الاستخدام يكون زي ما هو مصنع عشانه (اختلاف أنواع الطرق)


أما التاريخ يكون مكتوب بطريقة غريبة شوية!!

يعني مثلا الكاوتش اللي راكب عندي حاليا: 3107

ما يكون معناها؟؟!!

الاسبوع 31 سنة 2007

يعني تقريبا شهر 7 / 2007


وزمان قبل سنة 2000 كانوا 3 ارقام بس

مثال : 253

أول رقمين 25 الاسبوع 25 وال 3 معناها 1993 أ

_________________________________
مخالفة لقواعد المنتدى
الكتابة باللون الاحمر خاص للمداخلات الادارية فقط
يرجى مراجعة قواعد المنتدى
م . ع 7

حضرتك شرفت المنتدى رجاء عدم الكتابة باللون الأحمر علشان ده لون خاص بالأدارة وسوف تتعرض للوقف لو كتبت بهذا اللون لك تحياتى !!!