قربة الميه في الفنتازيا

**inspiron** · 10-04-2013 05:03 AM

يا معشر سكودا الكرام،،أنا كنت في مشوار طارئ كده ولسه راجع ،، وجيت من المحور مفيهوش سريخ ابن يومين

ووصلت لسرعة ٢٠٥ وبعد ما هديت عادي ماشي ١٠٠ لحد ما وصلت البيت وركنت في الجراج ،، قبل ما أبطل العربية لمبة الحرارة نورت،،قولت أبص علي قربة الميه وبالفعل لقيتها فاضية،،زودتها ولقيت مفيش تسريب،،،يبقي ممكن تكون المشكلة ايه ؟ وايه ممكن يخليها تنقص؟
مع العلم ان بعد ما زودت القربة مفيش أي تغيير سلبي في العربية

**طارق _عبد السلام** · 10-04-2013 05:09 AM

آخره مره زبط الميه امتى لو من فتره طويله
يبقى عادى مفيش مشكله
انت غيرت ميه امتى

**Moratoz** · 10-04-2013 09:05 AM

حصلت مرة واحدة معايا كدة في a4 وبعديها زودت ميه وكله تمام بعديها بيومين كان عندي مشتركات الشجرة بها تأكل بسيط وادي الي افراغ الماء بالكامل وتم تغيرهم
خلي بالك من العربيه حاول الو ما توصل من اي مشوار اليومين دول تفتح الكبوت وتبقص علي وصلات دورة التبريد وكذلك غلق غطاء القربه بأحكام مع متابعة احوال الردرياتير

**lanos2004** · 10-04-2013 10:45 AM

المشاركة الأصلية كتبت بواسطة inspiron

يا معشر سكودا الكرام،،أنا كنت في مشوار طارئ كده ولسه راجع ،، وجيت من المحور مفيهوش سريخ ابن يومين

ووصلت لسرعة ٢٠٥ وبعد ما هديت عادي ماشي ١٠٠ لحد ما وصلت البيت وركنت في الجراج ،، قبل ما أبطل العربية لمبة الحرارة نورت،،قولت أبص علي قربة الميه وبالفعل لقيتها فاضية،،زودتها ولقيت مفيش تسريب،،،يبقي ممكن تكون المشكلة ايه ؟ وايه ممكن يخليها تنقص؟
مع العلم ان بعد ما زودت القربة مفيش أي تغيير سلبي في العربية

ماشاء الله ٢٠٥ علي المحور
انا اقصي سرعه جبتها علي المحور١٩٨

**mahmoudfawzypr** · 10-04-2013 12:57 PM

حضرتك مياه التبريد بتيقى life time في عربيات الفولكس جروب والمفروض متنقصش لان دورة التبريد دورة مضغوطة واي نقص في المياه يدل على وجود تسريب ...حضرتك الاحسن انك تروح التوكيل وتقولهم ايه اللي حصل وانصحك متحطش مياه من الحنفية لغاية لما تروح التوكيل حط مياه مقطرة ...انا عربيتي البورا عطلت ووديتها للميكانيكي وقررت اصلح اي حاجة فيها مشكلة ومنها مشكلة ان المياه بتنقص واملاها كل يومين ...المالك السابق كان بيحط مياه من الحنفية وده بوظ حاجات كتير في دورة التبريد وسدلي كولر الفتيس وكان ممكن الفتيس يبوظ

**yasserelsayad** · 10-04-2013 01:06 PM

المشاركة الأصلية كتبت بواسطة mahmoudfawzypr

حضرتك مياه التبريد بتيقى life time في عربيات الفولكس جروب والمفروض متنقصش لان دورة التبريد دورة مضغوطة واي نقص في المياه يدل على وجود تسريب ...حضرتك الاحسن انك تروح التوكيل وتقولهم ايه اللي حصل وانصحك متحطش مياه من الحنفية لغاية لما تروح التوكيل حط مياه مقطرة ...انا عربيتي البورا عطلت ووديتها للميكانيكي وقررت اصلح اي حاجة فيها مشكلة ومنها مشكلة ان المياه بتنقص واملاها كل يومين ...المالك السابق كان بيحط مياه من الحنفية وده بوظ حاجات كتير في دورة التبريد وسدلي كولر الفتيس وكان ممكن الفتيس يبوظ

+1
وفعلا متحطش مياه من الحنفية لان كمان بتغلى اسرع
مرة العربية اتخبطت وغيرت الريداتير فا حطيت مياه من الحنفية لحد ما اروح البنزينة
طول ما ان ماشى براحة العربية تسخن .. اول ما اجرى والهوا يخبط فى مش العربية تبرد تانى
فضلت كدا لحد ما وصلت للبنزينة

**forti** · 10-04-2013 09:51 PM

المشاركة الأصلية كتبت بواسطة mahmoudfawzypr

حضرتك مياه التبريد بتيقى life time في عربيات الفولكس جروب والمفروض متنقصش لان دورة التبريد دورة مضغوطة واي نقص في المياه يدل على وجود تسريب ...حضرتك الاحسن انك تروح التوكيل وتقولهم ايه اللي حصل وانصحك متحطش مياه من الحنفية لغاية لما تروح التوكيل حط مياه مقطرة ...انا عربيتي البورا عطلت ووديتها للميكانيكي وقررت اصلح اي حاجة فيها مشكلة ومنها مشكلة ان المياه بتنقص واملاها كل يومين ...المالك السابق كان بيحط مياه من الحنفية وده بوظ حاجات كتير في دورة التبريد وسدلي كولر الفتيس وكان ممكن الفتيس يبوظ

+111
و نصيحة فعلا تروح تعمل كبس و تشوف ايه الاخبار .. احتمال كبير فى تسريب بس مش باين معاك لسه لان كون القربة تفضى كلها مش طبيعى خالص

و طبعا زى ما الناس قالت متكونش بتزود مياه عادية .. زود مياه مقطرة

-

-

الموضوع: قربة الميه في الفنتازيا

LinkBack

أدوات الموضوع

عرض

-

-

-

-

المواضيع المتشابهه

غطا قربة الميه

استفسار عن قربة الميه فى اللوجى

المية بتخرج من خرطوم الهواء بتاع قربة الميه

قربة الميه فيها شرخ من فوق

مشكلة فى قربة الميه يارجالة

الكلمات الدلالية لهذا الموضوع

المفضلات

المفضلات

ضوابط المشاركة