أفيدوني افادك الله قبل تغير الزيت

**muslim_nsb** · 11-04-2013 12:01 AM

ان شاء الله ناوى اغير زيت الموتور للعربيه النترا 2005 اتوماتك عامله تقريبا 114 الف كيلو
انا من يوم مااشترتها كنت بحطلها شيل الاصفر وبغيره على 3000 حتى 5000 كيلو
اخر مره جربت شل الترا داخل على سنه وعمل تقريبا 9 الاف كيلو فقلت اغيره لانه تجربه فاشله بصراحه صوت الموتور بدأ يعلى وكمان ظهر صوت تكتكه في الموتور عند تسخين السياره صباحا او مساءا .
المهم عندي حلين وارجوا منكم الافاده ايهم افضل :-
1- الرجوع الى شل الاصفر وكفى الله المؤمنين شر القتال
2- تجربة الاخ (amr elsisi) في استخدام زيت الديزل وده رابط الموضوع
http://www.nilemotors.net/Nile/340751-a.html

وليا استفسار :-
- كنت عاوز اغسل دورة الزيت للموتور بأن اضع زيت وانزله تاني
المفروض اخلي الزيت يسخن في الموتور بعمل مشوار كده كام كيلو وبعدين انزل الزيت
ولا اشغل العربيه على السلانسيه 5 دقائق بدون مشوار وبعدين انزل الزيت
وايه افضل زيت اغسل بيه دورة التزييت انا بفكر في شل الاحمر ايه رأيكم.
- ايه رأيكم في علبة (ابرو) التي تضاف للزيت وفوائدها ودي صورتها

آسف للاطاله

**muslim_nsb** · 11-04-2013 12:16 AM

على فكره انا من قنا ومفيش زيت عندنا غير موبيل وشل والتعاون يعني بلاش كاستور وليكى مولي وفالفولين وخلافه لانه مش موجود عندنا

**mohmmedzohier** · 11-04-2013 12:19 AM

اولا صوت التكتكات دا صوت الكستبانات

تانيا انت معدى ال100 الف ياتحط زيت ال5000 الاف يا تغير شنابير وتتحط زيت ال 10000الاف اكنها عربيه زيرو
ونصيحها جيب زيت ليكومولى
عايز تنطف الماتور هات زيت ال1000 وامش بيه 500 كيلو وروح مشوار كبير وانت راجع غير اللى انت عايزه مع الفلتر لازم العربيه تبقى سخنه

**muslim_nsb** · 11-04-2013 12:52 AM

المشاركة الأصلية كتبت بواسطة mohmmedzohier

اولا صوت التكتكات دا صوت الكستبانات

تانيا انت معدى ال100 الف ياتحط زيت ال5000 الاف يا تغير شنابير وتتحط زيت ال 10000الاف اكنها عربيه زيرو
ونصيحها جيب زيت ليكومولى
عايز تنطف الماتور هات زيت ال1000 وامش بيه 500 كيلو وروح مشوار كبير وانت راجع غير اللى انت عايزه مع الفلتر لازم العربيه تبقى سخنه

شكرا لرد حضرتك هو ايه يعني اغير شنابير ولو غيرتها صوت الكستبانات يروح ولا لما احط زيت 5000 شل الاصفر هايروح لوحده

**mohmmedzohier** · 11-04-2013 01:52 AM

الشنابر ملهاش علاقه بالكستبنات

الزيت التقيل بقلل صوت التكتكات ولو لسه فاضله بيبقا الكستبانات جابيت اخرها هى مشكلتها انها غاليه شويه فالناس بيجيب بتمنها نص ماتور علوى

**Ashraf_Ibrahim** · 11-04-2013 02:02 AM

المشاركة الأصلية كتبت بواسطة muslim_nsb

على فكره انا من قنا ومفيش زيت عندنا غير موبيل وشل والتعاون يعني بلاش كاستور وليكى مولي وفالفولين وخلافه لانه مش موجود عندنا

هو علشان الزيوت دي مش موجودة في قنا تبقا زيوت وحشة ؟!
مش فاهم وجهة نظرك !

زيوت الديزل يا عزيزي بالفعل معمولة للمواتير التي تتعامل مع الديزل
المواتير دي بيكون فيها احتراق عالي جدا ودرجة حرارة اعلى بكتير من مواتير البنزين فعشان كدة بيكون الزيت اتقل
دا بينجح مع المواتير اللي قربت تجيب اخرها لكن المواتير السليمة والجديدة تجربة زيت ديزل معاها هيكون بمثابة اعدام للموتور واحتمال اجزاء الموتور متصمدش مع اللزوجة العالية للزيت دا
رأيي الشخصي تحط شيل الاصفر 5000 كم هيكون افضل
او ممكن حاجة زي كاسترول ماجنيتيك وجربه لحد 8000 كم ونزله وشوف ايه الاخبار
الكاسترول الماجنيتيك بيمشي اصلا 10000 كم وهو زيت نصف تخليقي للمواتير اللي تجاوزت ال 100000 كم
وبالتوفيق

**S O P H O S** · 11-04-2013 04:55 AM

راي تكمل ف شل الاصفر
بس تتاكد من اسلوب الرجوع للزيت تاني بعد التخليقي

**mhkorayem** · 11-04-2013 07:45 AM

اول مره اسمع عن موضوع غسيل دوره زيت الماتور انا عامل بالعربية 160000 وعمري معملت حاجه زي دي

ايه بقى الموضوع ده وايه فوايده للعربية والمفروض يتعمل كل اد ايه ويتعمل ازاي بالظبط عشان مش فاهم اوي الموضوع ده

**khaabas** · 11-04-2013 08:10 AM

المشاركة الأصلية كتبت بواسطة Ashraf_Ibrahim

زيوت الديزل يا عزيزي بالفعل معمولة للمواتير التي تتعامل مع الديزل
المواتير دي بيكون فيها احتراق عالي جدا ودرجة حرارة اعلى بكتير من مواتير البنزين فعشان كدة بيكون الزيت اتقل

طيب يا باشا ايه رائيك ان الحاج موبيل نفسه هههههههههع صاحب المحل بيقول ينفع

شوف الرابط ده
Mobil 1 vs. Mobil Delvac 1 for a Gasoline Engine