للمره الثانيه تسقيط فتيس 1.6 في فليشيا95

**AhMeD MeTwAlY** · 11-04-2013 01:56 AM

من كام يوم واحد صحبي كنت اعرفه من ايام الثانوي واتقابلنا من فتره علي الكافيه جي مع واحد صحبي
المهم بيحط مفاتيح عربيته لمحت مفتاح الفليشيا
قولتله هي موديل كام قالي هيه ايه
قولتله الغاليه "الفليشيا" قالي اه 95 غالية ايه دي مغلباني ومطلعه عيني ومش عايز تتظبط جيبها من شهر ومشاكلها كتير
رد عليه صحبي قاله شايف الكنبه الي هناك دي كانت بتاعت احمد عربيتي اتخبططت وبتركن قدام الكافيه لان صاحبها ساكن فوق الكافيه وكانت مجننه ناس كتير في الجري والشد والغرز
بيقوله شد ايه دا دي جابت وش ومني بعد لما جبتها باسبوع قولتله تصدق ان انا فضلت اخمس بيها لمدة لا تقل عن تلت ساعه في فرح اختي غير الهندات الي علي الطاير كدا
بصلي كدا قالي ازاي
قولتله تبدل وتاخد الشاهين اتفرج علي الشاهين وجي بتفرج علي العربيه لقيت الحوض في حتت مرشوشه وفيها برومه مكان ماية المساحات
عملت نفسي بتكلم في الموبيل مع ولدي وقولتله الحاج مش موافق لاني مسافر ومش هقعد الشاهين هتترمي في البيت للمشاوير
بس عدي عليه بكره وانا اظبطلك العربيه
المهم الراجل جه طلعنا علي الميكانيكي قولتله فور الكبربرتير وشوف الاسبراتير وظبط التكيهات عايز اخدها زي الله يرحمها
رد الميكانيكي قالي الحاج عارف انك جبت دي قولتله دي مش عربيتي دي بتاعت ابن عمتي وعيزين نخليها زي الي فاتت بظبط
وفعلا عملت شوية الحجات الي قولتله عليها العربيه ظبطت وبقيت بسم الله ما شاء الله حاجه تانيه
صحبي جي عامل حسابه في 700 جنيه دفع حوالي 40 جنيه
قالي الفتيس بينقط زيت ولحمته ومش نافع قولتله عدي عليه في اي يوم نجيب فتيس ليها كامل بحوالي 700-800 جنيه وهنركبه ونجبله شوية طلبات هيعمل حوالي 1100 جنيه
قالي خلاص هظبط اموري واكلمك
وفعلا كلمني امبارح واتصلت بالراجل الي بتعامل معاه هناك قالي موجود الفتيس
روحنا الراجل قلنا 850 جبناه 725 فين انا جايبه من كام سنه 700 جنيه
المهم
واحنا مشين جبنا اسطوانه كانت بـ 100 وشوية
وروحنا ركبناها النهارده طبعا الفتيس 1.6
صحبي فرح جدا بالعربيه
اول ما ركب العربيه قولتله اركب وامشي زي ما بتمشي
بيدوس دوسة البنزين العاديه وبيرفع دبرياج خلانا ناكل التراب قولتله بس كدا كفايه عليك دي
نزل مستغرب من الي حصل
قولتله سبني اخد فرصتي وارجع الامجاد
ركبت العربيه طلعت الاول 50 التاني 80 التالت 115 واديتها الرابع ومنقلتش من عليه شد وجري بغباء
بيقولي بس العربيه مش ثابته عايز اركب بارات وجنوط بصتله
ورفعت الهاند بريك وجايب الطريق من اليمين للشمال ومن الشمال لليمين وشديت بالعربيه شويه وداخل دوران وقمت شادد الهاند قالي انت بتعمل كدا ازاي قولتله ما انت لو كنت شوفت عربيتي القديمه كنت عرفت
وبصراحه كان احلي يوم في حياتي من بعد لما بعت الفليشيا
ارزقنا يا رب باسكودا بره ولو حتي سوبيرب

**YHYAKOTB** · 11-04-2013 02:54 AM

معقول !! والله كويس العربية جميلة وتستاهل تتظبط

**AhMeD MeTwAlY** · 11-04-2013 03:00 AM

المشاركة الأصلية كتبت بواسطة yhyakotb

معقول !! والله كويس العربية جميلة وتستاهل تتظبط

يا باشا الحمد لله مش هقولك كنت بعمل بيها ايه العربيه دي كانت بتقفل من 0-100 في حوالي 10 ثواني وفكه او 11 ثانيه شديت مع عربيات كتير كوري وكنت بطلع منهم وكنت بجري في طرق مدغدغه بمعني الكلمه120-130 ولي اي اندهاش

**YHYAKOTB** · 11-04-2013 03:36 AM

طب اعمل فيها اية عشان تبقى كدة ؟

**mohamed878** · 11-04-2013 03:43 AM

يا بخت صحبك بيك يا معلم و الله لو كنت من الزقازيق كنت جيتلك و ظبطناها

**AhMeD MeTwAlY** · 11-04-2013 04:28 AM

المشاركة الأصلية كتبت بواسطة yhyakotb

طب اعمل فيها اية عشان تبقى كدة ؟

اولا موتور العربيه مظبوط ويكون تمام كهربه وكربرتير وتاكيها والاكيد في الموضوع دا الاسبراتير لازم يكون مظبوط صح لو حتي اسبراتير صيني بـ 140 جنيه
هتجيب فتيس استيراد بتاع موتور 1600 سي سي وطبعا هتجيب اسطوانه معاه تكون جديده وتتفق مع صنايعي يركبلك الفتيس والاسطوانه وان شاء الله هتلاقي العربيه اتغيرت معاك انا دي تاني تجربه ليه في الموضوع دا اول موضوع كان في عربيتي
ودا التاني

**AhMeD MeTwAlY** · 11-04-2013 04:30 AM

المشاركة الأصلية كتبت بواسطة mohamed878

يا بخت صحبك بيك يا معلم و الله لو كنت من الزقازيق كنت جيتلك و ظبطناها

يا باشا تشرف وتنور الزقازيق في اي وقت بس المشكله اني مسافر بره قريب والعوده كمان سنه او اكتر
لو حضرتك متحمس للموضوع انا ممكن اكتب عنه تفصليا باسعار الاجزاء الي هتشتريها وانا تحت امرك في اي استفسار