حد كان مرور مدينة نصر ونقل مرور الشروق

**M.Elgergawy** · 11-04-2013 01:35 PM

انا حاليا تبع مرور م نصر وهجدد ان شاء الله في الشروق نظرا لاني ساكن في التجمع وتم نقل التجمع الى الشروق بدلا من م نصر
فكنت عاوز اعرف عند التجديد اروح الشروق الاول ولا م نصر ولا اعمل ايه بالظبط

**M.Elgergawy** · 11-04-2013 04:45 PM

يا مسهل الحال فين سكان التجمع والرحاب

**M.Elgergawy** · 11-04-2013 05:53 PM

سبحانك اللهم وبحمدك ، أشهد أن لا إله إلا أنت أستغفرك وأتوب إليك

**M.Elgergawy** · 29-04-2013 10:29 PM

بسم الله الرحمن الرحيم

**gijoe** · 02-05-2013 11:21 PM

بص يا باشا
أول حاجة تصلي على النبي
1-تروح المرور الأصلي اللي في ملف العربية (مدينة نصر) و تقولهم عايز شهادة بيانات موجهة لمرور الشروق
2-حتعمل فحص فني في مدينة نصر و تدفع دمغات على كلام فارغ و طبعا تدفع مخالفاتك هناك لأن مفيش نيابة مرور في الشروق
3-تاخد شهادة البيانات و تطلع على مرور الشروق(لو عليز تعرف الطريق أوصفهولك سهل جدا)
4-حتعمل فحص تاني في الشروق و اجرائات التجديد العادية (التأمين+ملف التجديد...)
5-غالبا حيديك رخصة مؤقتة لحين ورود الملف من مدينة نصر
على فكرة مرور الشروق رحمة و رئيس الوحدة محترم جدا و خلصلي حاجات كتير من غير واسطة.
أي استفسار أنا حاضر

**gijoe** · 02-05-2013 11:33 PM

ملحوظة : الفحص في مرور مدينة نصر قد يكون غير ضروري أنا اضطريت أعمله عشان المرور الأصلي بتاعي كان اتحرق أيام الثورة و قصة طويلة.بردو اسأل هنالك

**ابوهاشم** · 08-05-2013 09:17 PM

انا كمان فى التجمع الثالث والعربية مرور مدينة نصر وعاوز اروح الشروق انقل ملكية واجدد ترخيص
ياريت حضرتك تشرحلى التفاصيل اللى مريت بيها معاهم ةمكان المرور فين فى الشروق
واخبار المعاملة معاهم ايه صعبة ولا سهلة وغيرولك النمر ولا هى نفس النمر القديمة وشكرا

**gijoe** · 11-05-2013 10:52 PM

بص يا باشا حتطلع عالدائري و بعد النفق بشوية حتلاقي عاليمين فتحة لطريق السويس خش فيها و بعدين تفضل ماشي على طوووووول لحد ما حتلاقي على شمالك مدخل الشروق 1 سيبك منه بعد شوية مدخل 2 حتقوم لافف u turn و تخش يمين عالشروق تفضل ماشي طوالي و بعدين حتلاقي المرور على شمالك.
بالنسبة للمعاملة طبعا انت عارف بس رئيس الوحدة متفاهم ولو قابلتك مشكلة ممكن تخشله

**tareksakr** · 11-05-2013 11:32 PM

انا كنت مرور مدينة نصر ونقلت الشروق رحت جبت مخالفا ت فقط من مدينة نصر وجددت في الشروق واطضريت اروح اطابق بصمة من مدينة نصر لان الملف كان لسة في مدينة نصر

**MITSUKERO** · 13-05-2013 03:14 PM

انا نقلت عربيني و عربية اخويا و كل واحدة لها قصة

عربيتي كانت الرخصة سارية فجبت شهادة مخالفات بس و طلعت علي الشروق كملت و اخدت رخصة مش تصريح و مغيرتش النمر حتي و فحصت في الشروق و كله تمام

عربية اخويا جبت شهادة بيانات موجهة لمرور الشروق و ده لان رخصتها كانت خلصانه و جبت شهادة مخالفات و طلعت علي الشروق فحصت و كملت كل حاجة هناك و اخدت رخصة برضة 3 سنين

اي تفاصيل كلمني بس ياباشا و انا لسه شايف الموضوع حالا