هتمل ايه لو بقيت رئيس الجمهوريه ؟؟؟

**طائر البطريق** · 11-04-2013 09:54 PM

السلام عليكم ورحمة الله وبركاته

أعزائي أعضاء المنتدى الكرام . جميعنا بلا إستثناء يتابع الأخبار والأحداث المحيطة به ومنا من يتعمق أكثر ليتابع تفاصيل الأخبار و القرارات السياسية في بلده ومنا من يتعدى الحدود ليتابعها في العالم اجمع.
نتابع القرارات ونعلق عليها بل ونتمنى ان تكون بصيغة معينة وأحيانا كثيرة يأتي إلي بالنا خاطر يقول " لو كنت انا لفعلت كذك وكذا " وها قد فتحنا لك نافذة صغيرة جدا عسى ان تعبر بها عن آرائك ومقترحاتك ولكن الموضوع هنا سيكون مختلف إلى حد ما .

تعالى معي لتتخيل نفسك يوما ما رئيسا لبلدك . ما هي اهم اهم اهم اهم خمس قرارات سوف تتخذها قبل مرور ساعة على توليك الحكم بدون حتى الرجوع لمستشاريك او بطانتك ؟؟؟؟؟

تعالى وتخيل نفسك رئيسا لبلدك وادلو بدلوك في قرارات بلدك المصيرية.

**MaZaGAngeE** · 11-04-2013 10:34 PM

ده هيكون اختيار صعب جدا
مش قادر احدد ابدأ منين
اصل النقد اسهل بكتير من تحيل ان الواحد يكون في نفس الموقف
ربنا يعين الرئيس و يوفقه

**beshomilan** · 11-04-2013 10:46 PM

اهم حاجة انى اتقى الله فكل بنى ادم فى شعبى
واضع نفسى مكان كل ام ابنها مات او مش عارف يتجوز او يشتغل
وسأضع نفسى مكان كل شاب مش لاقى وظيفه او عارف يتجوز البنت اللى بيحبها
وسأضع نفسى مكان كل اب مش لاقى يأكل ولاده او يعالجهم او يعلمهم
وسأضع نفسى مكان كل بنت خايفة من التحرش فى الشارع والتحرش فى المواصلات
وسأضع نفسى مكان كل اسره خايفة على مستقبلها وخايفة من بكره ونفسها تمشى من البلد

ساعتها انا واثق ان ربنا اكيد هيكون راضى عنى ومعايا وزى مازرعت تعب فى تنفيذ كل ده ربنا اكيد هيخلينى احصد محبة الناس ايا كانت انتمائاتهم

اهم خمس قرارات
1- دعم العيش وتوصيله لكل النس بأدميه وكذلك الوقود ومعرفة المتطبات الحقيقة للسوق بعيدا عن كلام الانشاء
2- دعم كل انسان نفسه فى سكن والغلابه اللى عايشيين فى اماكن متسكنهاش الحيوانات
3- رفع الاجور تدريجيا عشان تناسب كل فئات الناس مع عدم غلاء الاسعار فى نفس الوقت
4- هخصص كل اسبوع يوم اجلس فيه مع ممثل عن كل فئه زى مثلا الزبالين والسائقين والاطباء والمهندسين والمعلمين....الخ لمناقشة مشاكل مهنتهم ونقاباتهم واماكن عملهم
5- رفع القمامه ومراقبه ذلك عن طريق مستشارى وعن طريقى شخصيا بشكل اسبوعى وتخصيص يوم شهرى لاجمل شارع ومنطقة ومحافظة ونشر الوعى البيئى بشكل مكثف

**ehabpopo** · 11-04-2013 10:53 PM

رئيس جمهورية مين ياعم ( رئيس جمهورية مصر العصبية ) طبعا ها رفض المنصب ... دى مصر دى فى الفترة دى بالتحديد عايزة شغل بعد الظهر ....
انا هارفض المنصب ده طبعا

**lanos2004** · 11-04-2013 11:03 PM

هسرق مليار دولار وهضرب بسبور واهرب

**eslamrace** · 11-04-2013 11:10 PM

المشاركة الأصلية كتبت بواسطة lanos2004

هسرق مليار دولار وهضرب بسبور واهرب

مليار واحد بس حقيقي القناعه حلوه مفيش كلام

**eslamrace** · 11-04-2013 11:23 PM

بعيدا عن انى واقعيا مش حقبل الموضوع ده لان فكره انك تكون مسؤل عن كل الاشخاص الموجودين فى البلد "يعنى لو واحد دخل مستشفى ومات من الاهمال اشيل زنبه " فكره مرفوضه بالنسبالى
بس القرارات حتكون كالتالى
1* انشاء قسم داخل مؤسسه الرئاسه لاستقبال افكار المثقفين والاقتصاديين واصحاب الراى وقولبتها وتحديد ما يمكن الاستفاده منه لتحسين الاوضاع .
2* رفع موازنه التعليم وتوجيه جزء كبير منها للبحث العلمى .
3* اصعب قرار هو تشكيل حكومه ووضع اهل الخبره فى اماكنهم لان اكيد مش حقدر اعمل كل حاجه لوحدى ولو حطيت حد فى مكان غلط اكيد حتحمل عواقب سيئه .
4* تدعيم جهاز الامن ووضع اليات جديده فى قبول طلبه الجهات الامنيه لتاهيل جيل جديد من الضباط وتقليل مده الدراسه فى الكيات دى ورفع الدرجات المطلوبه لدخولها بحيث بعد سنتين بالكتير يكون عندى جهاز شرطه جديد وفى خلال السنتين دول انتقى القيادات اللى تقدر تكمل المسيره وتصفيه الباقى بالتدريج.
5* تقليل مصاريف الحكومه وعمل خطه تقشف داخلها واقاله جميع المستشارين ووضع حد اقصى لعدد المستشارين الجدد فى الوزارات لا يتعدى ال3 افراد وذلك لحين اعتدال الوضع الاقتصادى للبلد وتوجيه الاموال الموفره الى دعم المواطن فى العشوائيات لحل ازمتها .

بس ده مبدأيا ودول اهم 5 قرارات عندى علشان نقدر نبنى بلد صح .

**طائر البطريق** · 11-04-2013 11:41 PM

واضح ان المنصب ده صعب جدا

**OMAR61995** · 11-04-2013 11:43 PM

هعدم كل السرسجية و الكائنات اللى شبه البشر دول
و أشكل حكومة كل وزرائها لواءات داخلية و جيش
و ممكن أخلى حبيب العادلى رئيس وزراء
و اقدم استقالتى و اسيب البلد تنضف
بس كده