الحل الأمان .. لمنع سرقة علامة اللوجان :)

**pharmacology** · 11-04-2013 10:10 PM

النهارده جايبلكوا فكرة جديدة عشان نمنع بيها سرقة علامة العربية

طبعا بعد ما عندي العلامة الاصلية اللي ورا واللي قدام اتسرقوا وندمت اني معملتش الحل ده في العلامة الاصلية لكن قدر الله وماشاء فعل .. الواحد مش بيتعلم ببلاش ..

الحل ده عبارة عن ان احنا " هنبرشم " العلامة .. يعني هنديها مسمارين عند حد بتاع مطابخ ألمونتال .. طبعا أنا عارف ان فيه ناس هتقول "حرام عليك بوظت العلامة"بس أعتقد ده حل أحسن من ان العلامة تتسرق .. طبعا العلامة الخلفية لللي ميعرفش في التوكيل بحوالي 350 ج والأمامية بحوالي 110 ج ..

أي استفسارات أنا في الخدمة :)

**zoro2** · 11-04-2013 11:29 PM

السلام عليكم ورحمة الله وبركاته
فكرتك ممتازة وكنت نويت عملها من قبل انما اللى خلانى اتراجع ان الحرامية عالم بنت 60 ؟؟؟؟
يعنى ممكن عندا فينا يدغدغوا فانوس مثلا لما يحسوا بفشلهم فى سرقة ناويين عليها
والله احترنا بص ومن يتوكل على الله فهو حسبه والله خير حافظا وهو أرحم الراحمين

**samehkamel** · 12-04-2013 08:07 AM

طيب استفسار ياباشا العلامة اللي ورا المسمار اخترق صاج الشنطة ولا ايه؟

**adel_edrees** · 12-04-2013 11:36 AM

المشاركة الأصلية كتبت بواسطة samehkamel

طيب استفسار ياباشا العلامة اللي ورا المسمار اخترق صاج الشنطة ولا ايه؟

طبعا ياباشا لازم تكزن خرمته و ألا مايبقاش ليها لازمة و العلامة اللى أدام كمان أكيد خرم البلاستيك بتاع الشبكة لا ياعم مش لاعب أنا أحسن لى تتسرق

**pharohtemo** · 12-04-2013 12:55 PM

جالك قلب إزاى ؟ :))) ده المسامير بتاعت نمر العربية بتقطع قلبى و الشنيور بيخرم صاج العربية !!

**pharmacology** · 12-04-2013 03:45 PM

المشاركة الأصلية كتبت بواسطة samehkamel

طيب استفسار ياباشا العلامة اللي ورا المسمار اخترق صاج الشنطة ولا ايه؟

ايوه المسمار بيعدي من صاج الشنطة

**pharmacology** · 12-04-2013 03:47 PM

المشاركة الأصلية كتبت بواسطة pharohtemo

جالك قلب إزاى ؟ :))) ده المسامير بتاعت نمر العربية بتقطع قلبى و الشنيور بيخرم صاج العربية !!

ههههه احسن ما قلبي يتقطع وانا شايف العلامتين والكلمتين مسروقين من علي العربية :)

**pharmacology** · 12-04-2013 03:49 PM

المشاركة الأصلية كتبت بواسطة zoro2

السلام عليكم ورحمة الله وبركاته
والله عندى برضه فكرة مش بطالة؟؟
ممكن نحوط العلامتين بسيلكون قوى من المستورد فلو حرامى حاول سرقتها حتطلع معاه نصفين

يبقى ميتهناش على سرقته برضه بس الفن أن السيلكون يبان أنو شغل الفابريكا علشان الحرامى ميزعلش وبعدين ياخد على خاطره ويسرق حاجة تانية أبن الحرامية

ممكن يشيل الشيليكون ده بموس او كاتر رفيع .. الصح اني اشيل العلامة خالص واحط السلسيكون بس ده برده مش هيمنعه انه يشيلها وكمان فيه مشكله انك مش هتعرف تشيل العلامة اللي ورا عشان معموله بكلبسات كبس