الموضوع: سعر طرمبة البنزين للعربيه لوجان الرومانى

معلومه جديده جديره بالاهتمام استاذ جبريل :-)
هو الماتور بيتباع فالتوكيل لوحده ؟ ولا لازم المجموعه كللها ؟
وازاى اعرف ان المشكله فى الموتور مش فالطلمبه نفسها ؟
واشكرك على مرورك واهتمامك

المشاركة الأصلية كتبت بواسطة samehkamel

طيب سؤال ماهي هي اعراض تلف الطرمبة؟
عشان الواحد ياخد باله ومنفتكرش عيب بطارية ولا كهربا

بالنسبه لحالتى انا لسه مغير بطاريه من 4 شهور ومغير فلتر البنزين من شهر والبوجيهات معاه
وكل القطع دى من التوكيل مش من بره
بالنسبه للاعراض
العربيه كان بئالها فتره بتاخر فى الدواره الصبح حتى بعد تغيير الفلتر والبوجيهات وصوت الطلمبه كان عالى شويه عن الطبيعى ( بتسمعه اول ما تدور الكونتاكت من غير ماتدور العربيه )
لحد امبارح وانا راجع من الشغل العربيه بدأت تنط وتقطع وبعدين تفصل خالص - حتى والعربيه مموره - وبالعافيه وصلت تحت البيت وركنت وراحت قاطعه خالص فسمعت صوت الطلمبه مش طبيعى
عشان كده عرفت ان المشكله فيها

انا عربيتي بقالها اربع سنين معايا برده و الطرنمبة عملت فيا نفس المقلب ده .. و روحت لميكانيكي حاول فيها و فكها و لقيتها مليانة زفت قعد ينظف فيها و غيرت قلب الطرنمبة بقلب بتاع دايو كوري و دارت و ماشية الحمد لله بس العيب لما بشغل التكييف بتقطع مبتستحملش و الميكانيكي قالي غير الطرنمبة كلها احسن بعدين علشان كمان اللفلتر مع الطرنمبة .. بس اهي ماشية كويس معايا بس من غير ما أشغل التكييف

الحمد لله انا رحت للميكانيكى الاول عشان اتاكد من سبب المشكله وهو اكدلى ان الطلمبه هى الى ما بتضخش بنزين بس هو فك الطرمبه وبعد ماقالى هنغير رجع وقال الطرمبه سليمه والماتور سليم ومحتاجه بس تتنضف كويس ونضف كمان تنك البنزين والرشاشات ( على كلامه تنك البنزين كان مليان وساخه ) والحمد لله ما غيرتهاش والعربيه ماشيه زى الفل دلوئتى
شكرا لكل المشاركات