ناوي على عربية أوتوماتيك موديل قديم وعاوز النصيحة

**عزيز محمد** · 12-04-2013 02:18 AM

السلام عليكم ورحمة الله وبركاته

نويت اشتري عربيية وعاوزها اوتوماتيك، والميزانية المخصصة محدودة جدا لن تزيد عن 25 ألف، عندي شوية استفسارات:

- يا ترى فيه اختيارات غير الديهاتسو شاريد أوائل التسعينات والهوندا سيفيك منتصف الثمانينات (قصدي على الجيل الثالث، لإن بصراحة شكل السيفيك قبل 84 مش مقبول قوي بالنسبة لي)

- عشان الميزانية بافكر إني ممكن أقبل بعربية رشة دواخل (بس تكون متقفلة على نضيف)، او حالة الموتور والفتيس مش حلوة قوي على أمل إني ممكن أغيرهم بعد كدة، فهل التفكير ده سليم، ولا دي خزعبلات؟؟

في انتظار نصائحكم

**Survival** · 12-04-2013 02:43 AM

رأيى الشخصى بلاش توجع قلبك على الفاضى. عربية اوتو اقل واجب 40 الف و هنا اقصد العربيات اليابانى اول التسعينات او اوبل نص التسعينات.
ارخص عربية اوتو ممكن تريحك هى الاكسيل الاوتو و الميزة الوحيدة انك ممكن تركبلها فتيس اللانسر موديل 90 و دى سعرها متوسط 34 الف لو نظيفة.
سيبك من كل دا لو لاقيت مازدا 323 اوتو بتكييف و باور تمنينات هتريحك. اخويا كان بيسئل على سعر الماتور بالفتيس بالتكيف بالباور الراجل قاله 4500ج سؤال ع الماشي مش كلمة بيع و شرا فى عزبة شلبي اصل اخويا بيعز العربية دى جدا فكر و حطها فى اختياراتك.

**عزيز محمد** · 12-04-2013 02:59 AM

المشاركة الأصلية كتبت بواسطة survival

رأيى الشخصى بلاش توجع قلبك على الفاضى. عربية اوتو اقل واجب 40 الف و هنا اقصد العربيات اليابانى اول التسعينات او اوبل نص التسعينات.
ارخص عربية اوتو ممكن تريحك هى الاكسيل الاوتو و الميزة الوحيدة انك ممكن تركبلها فتيس اللانسر موديل 90 و دى سعرها متوسط 34 الف لو نظيفة.
سيبك من كل دا لو لاقيت مازدا 323 اوتو بتكييف و باور تمنينات هتريحك. اخويا كان بيسئل على سعر الماتور بالفتيس بالتكيف بالباور الراجل قاله 4500ج سؤال ع الماشي مش كلمة بيع و شرا فى عزبة شلبي اصل اخويا بيعز العربية دى جدا فكر و حطها فى اختياراتك.

شكرا جزيلا على ردك، للأسف مش هاقدر أزود في المبلغ لا دلوقتي ولا بعدين،

يا ترى المازدا 323 أوتوماتيك تعمل كام؟؟

**aboamina** · 03-05-2013 02:03 AM

نصيحة اخوية المبلغ ده صعب جدا يجيب عربية اتوماتيك معقولة...عشان ماتجبش حاجة حاجة وترجع تندم.
ربنا يوفقك في الاختيار المناسب

**ahmedalaahosny** · 03-05-2013 02:46 AM

ممكن الكتكوته برايد سيدان بس هتزيد عن الرينج ده او سويفت هاتش باك بردوا

**HATEMHANY** · 04-06-2013 01:59 PM

25 الف ممكن تركبك شاريد اوائل تسعينات نضيفه جدا اوتوماتيك بس هاتش باك عشان السيدان اغلى شويه لو عاوز حاله يعنى .. .. اتوكل على الله فيها و حتلاقى حاجه نظيفه انشاء الله .. .. و العربيه دى حلوه جدا للعلم يعنى و عن تجربه

**HATEMHANY** · 04-06-2013 02:02 PM

لو عاوز عربيه نظيفه شاريد ممكن تكلم المهندس سيد الفراش ف الحرفيين و ده يعتبر توكيل للدايهاتسو فى حد ذاته و محترم جدا ممكن تقول له على طلبك و هو يشوف لو فيه عربيات قدامه من زباين او ماشابه .. و ده رقم تليفونه كمان 01001003520

**HATEMHANY** · 04-06-2013 02:07 PM

لو عاوز عربيه نظيفه شاريد ممكن تكلم المهندس سيد الفراش ف الحرفيين و ده يعتبر توكيل للدايهاتسو فى حد ذاته و محترم جدا ممكن تقول له على طلبك و هو يشوف لو فيه عربيات قدامه من زباين او ماشابه .. و ده رقم تليفونه كمان 01001003520