الموضوع: أخيراً تغيير كباس تكييف تويوتا ياريس

الحمد لله
لسة جاي دلوقتي من الحرفيين
بعد الاتفاق مع أ/ أشرف هو تاجر قطع غيار استيراد ( معرفة )
روحتلة انهاردة و خدت من عنده الكباس
بس هو كان بيقولي اصبر شوية لحد ما يجيبلي كباس تويوتا أيكو هو بيركب على نفس قاعدة الياريس بي بتاع الأيكو من غير حساس و هو أفضل حسب ما هو قالي و كمان سعره بيبقى أرخص

و بعد كدة بعتني على ورشة للتكييف و بصراحة أ/ أشرف فاصل معاه كتيير جداً
و عمل تنظيف للدورة كاملة
و بعد كدة كبس الدورة للتأكد من عدم وجود تسريب
و أشحن يا معلم
العربية الحمد لله بقت تلاجة

بصوا انا ما كنتش عايز اقول التكلفة لان الأسعار دي ليا شخصياً فغالباً لو حد راح لنفس الناس ممكن تفرق معاه التكلفة الإجمالية حوالي 400

انا خدت الكباس بـ 1050
و تنظيف الدورة و الشحن 200
يبقى كله 1250
و الحمد لله النتيجة جميلة جداً جداً